Әлеуметтік желіде “Өзенмұнайгаз” акционерлік қоғамының бас директоры Жанболат Амангелдіұлы Саймағанбетов барлық ереуілшілердің көзінше жұмысшыны ұрып-соғамын деп ашық айтқан видеосы таралды. Бұл туралы Stan.kz ақпарат агенттігі хабарлайды.

Фото: 1. Видеодан скрин / 2. Оzen.kz

Видеода компания басшысы Жанболат Амангелдіұлы Саймағанбетовтің шеруге жиналғандардың алдына шығып, сол жердегі қызметкерлердің біріне балағат сөз айтқаны естіледі. Ол жұмысшыны жеке шығып сөйлесуге шақырып, сес көрсеткен. 

“Жігіттер, қазір бұл жерге “Өзенмұнайгаздың” директоры ретінде емес, Жаңаөзеннің тұрғыны ретінде алдарыңа келіп тұрмын. Сенің басың айналды ма, не болды? Екеуміз қазір қарапайым жұмысшы ретінде сөйлесеміз. Біреуіңде араласпаңдар. Қазір мұның осы жерде жанын шығарамын, .… таяқ жейді. Жігіттер, кімнің артынан еріп жүргендеріңді тыңдаңдар. Бұл өткенде келіп менен ақша сұрады. Бірде былай, бірде басқаша сөйлеп, құбылып жатыр. Менде барлық дәлел бар. Сені соттайды, білесің бе? Мұнымен қоймай бастығынан келіп ақша сұрайды. Өткенде үйде 20 күн жатқанда күртеше сұрадың. Басқа жаққа барып жағынасың, мұнда келіп басқа нәрсе айтып тұрсың. Тексеріп кел деген нәрсені дұрыс түсінбей, керек емес дүниені басыңа іліп аласың”, – деп сөйледі компания басшысы.

Редакция компаниядан басшысының бұлай айтуына не себеп болғанын және шеруге шыққан қызметкерлердің басты талабы не екенін сұрады. Алдағы уақытта кәсіпорын жауап береміз деп сендірді. READ FULL STORY HERE>>>CLICK HERE TO CONTINUE READING>>>

Бұған дейін ереуілге шыққан “Өзенмұнайгаз” қызметкерлері зейнеткерлердің балалары мен денсаулығынан айырылғандардың балаларын жұмысқа алуды, Жаңаөзендегі жұмыссыздықты шешуді және 2013 жылғы ұжымдық келісімдегі тәуелсіз еңбекақы жүйесіне қайта оралу мен жүргізушілер мен операторлардың мәртебесін көтеруді талап етті.

Сонымен қатар олар тәуелсіз еңбекақы жүйесіне көшсе, жалақының көтерілуіне сенімді. Бірақ “Өзенмұнайгаз” басшылығы бұл талаптарды заңсыз деп танып, келіссөздер жүргізіп жатыр. Ереуілшілердің жанайқайы 7 айдан бері ескерілмеген. 13 қарашада басқа үш кәсіпорынның жұмысшылары оларды қолдап, ереуілге шықты. Компания барлық талаптарды заң аясында қарастырып жатырмыз деп уәде берген.

Еліміздегі инфляция деңгейін ескере отырып әкімдіктерді жыл соңына дейін мектептегі тамақтардың бағасын көтеруге қаржы бөлуге міндеттеді. Бұл туралы Stan.kz ақпарат агенттігі хабарлайды.

Фото: freepik.com

Үкімет отырысы кезінде премьер-министр Олжас Бектенов бір баланың тамағы орташа есеппен 500 теңгеден аспайтынын айтты. 

“Облыс әкімдіктері инфляция деңгейін ескере отырып азық-түлік бағасын көтеруге қаржы бөлуі керек, мектеп асханаларының материалдық-техникалық базасын жақсарту мәселесін ерекше бақылауға алу керек”, – деді Олжас Бектенов.

Азық-түлік сапалы болу үшін және бюджет қаражатын пайдаланудың ашықтығын көрсету үшін әкімдіктер жыл соңына дейін аппараттық-бағдарламалық жүйелерді орнатып, оларды “Әлеуметтік әмиян” ақпараттық жүйесін интеграциялауды қамтамасыз етуі қажет. READ FULL STORY HERE>>>CLICK HERE TO CONTINUE READING>>>

Премьер-министр білім және денсаулық сақтау министрліктерінің үйлестіру мен бақылаудың осалдығын атап өтті. Сондай-ақ әкімдіктердің мектеп асханаларын жаңарту және жабдықтау жұмыстарын жүргзібейтінін айтты.

“403 мектепте асхана жоқ, ондағы балалар талапқа сай ыстық тамақпен қамтылмаған. Биылғы жылдың соңына дейін өңірлер стандартты ұзақ мерзімді ас мәзірін қамтитын тамақтану стандартын қабылдауға міндетті. Бұл асханасы жоқ мектептерге де қатысты”, – деді премьер-министр.

Бұған дейін оқу-ағарту министрі Ғани Бейсембаев екі айдың ішінде мектеп асханаларында 771 заң бұзушылық анықталғанын айтқан еді.

Үкіметте өткен брифингте сауда және интеграция министрі Арман Шаққалиев бірыңғай уақыт белдеуіне қатысты екі шағым түскенін мәлімдеді. Бұл туралы Stan.kz ақпарат агенттігі хабарлайды. 

Фото: Pixabay.com

Бірыңғай уақыт белдеуіне қатысты екі сот ісі болған.

“Бір талап арызды қанағаттандырусыз қалдырған, себебі талапкер – шағым түсіре алмайтын тұлға. Ол петицияның авторы немесе өтініш берушісі болған жоқ. Ол қол қойған мүшелер атынан сотқа шағым түсірді. Тиісті процессуалдық сот шешімдері бар. Екінші талап қою үшін де процессуалдық негіздер болды, бірақ іс жүргізу болған жоқ”, – деді министр.

Өскемен тұрғыны Серікжан Ахметжанов Астана қаласының азаматтық істер жөніндегі сотына үкіметке қарсы шағым түсіріп, уақытты өзгерту туралы шешімді заңсыз деп тану және күшін жоюды талап етті.

Ер адам өзі өскемендік заңгер екен. Ахметжановтың айтуынша, сотқа шағымдануының басты себебі – балаларының сабақтан үйге қараңғы уақытта түнде оралуы.

“Менің балаларым екінші ауысымда сабаққа 13:00-14:00-де барады, ал сабақ 19:30-да аяқталады. Ал Өскеменде негізі уақыт нақты уақыттан екі сағатқа артық. Яғни сағат 20:00 деп тұрса да, түнгі 22:00-де үйге келеді. Сосын кешкі ас ішіп, үй тапсырмаларын орындау керек”, – деді ол. 

Бүгінде ер адам балаларын мектептен өзі алып кетуге мәжбүр, өйткені ол олардың қауіпсіздігі үшін алаңдайды. READ FULL STORY HERE>>>CLICK HERE TO CONTINUE READING>>>

“Мен балаларды өзім алып кетуім керек, себебі біздің мектептің жанында қауіп болуы мүмкін , онда көптеген көліктер мен жолдарда шұңқырлар бар”, – деді тұрғын.

Ахметжановтың айтуынша, сағат белдеуінің өзгеруі азаматтарға айтарлықтай қолайсыздықтар туғызды. Осыған байланысты ол Қазақстан аумағындағы уақытты есептеу тәртібі туралы 2000 жылғы үкімет қаулысының күшін жоюды талап етіп, сотқа жүгінген. Өскемендік тұрғынның айтуынша, уақытты өзгерту туралы қаулыда үкіметке осы нормативтік актіні қабылдау құзіретін беретін нақты заңға сілтеме жоқ.

“Құқықтық актілер туралы заңда заңға тәуелді актілер қабылданатын заң актілері нақты жазылуы керек деп көрсетілген, бірақ бұл қаулыда жоқ, бұл –заңбұзушылық”, – деді ол.

Өскемен тұрғынының айтуынша, қаулы тиісті заңды негізсіз қабылданған әрі халықтың пікірі ескерілмеген.

Адвокаттың айтуынша, сот азаматтық іс қозғап, оған сауда және интеграция министрлігі мен оның техникалық реттеу және метрология комитеті тартылған.

Бұған дейін үкіметте Қазақстандағы бірыңғай уақыт белдеуі туралы соңғы шешім қабылданды.