Таразда жедел жәрдем жүргізушісі мен ер адамның төбелелесіп жатқан видеосы желіде тарады. Бұл туралы Stan.kz ақпарат агенттігі хабарлайды.

Видеодан скрин

Видеода полицейлердің ер адамдарды ажыратып жатқанын байқауға болады.

“Мас күйінде көлік жүргізіп, әйелін перзентханаға әкелген ер адам жедел жәрдем жүргізушісін себепсіз ұрып жіберген. Түсіріп тұрған мен фельдшермін. Полицей ақшасын алып, ер адамды жібере салды”, — делінген видеоның астындағы жазбада.

Еңбек демалысы үшін жанжалдасқан: Ақтөбеде жедел жәрдем қызметкері әріптесінің үйін өртеп кеткен READ FULL STORY HERE>>>CLICK HERE TO CONTINUE READING>>>

Жамбыл облыстық полиция департаментінің баспасөз қызметі ер адамға қатысты шара қолданылғанын алға тартты.

“Бұл видеоға қатысты полиция қызметкерлері арыз тіркеді, құжаттар сотқа жіберілді. Сот қаулысымен құқық бұзушы 15 тәулікке әкімшілік қамауға алынып, 7 жыл мерзімге жүргізуші куәлігінен айырылды”, – деп хабарлады полиция басқармасы.

Еске салсақ, осыған дейін Ақмола облысындағы Степногорск қаласында жедел жәрдем қызметкері Светлана Оксютаға міндеттерін орындау кезінде шабуыл жасалғанын жазғанбыз.

Ақтөбе облысының қылмыстық істер жөніндегі мамандандырылған ауданаралық сотында пайда табу мақсатында кісі өлтірді деп айыпталған күдіктіге қатысты іс қаралды. Бұл туралы Stan.kz ақпарат агенттігі хабарлайды. 

Фото: iStock 

Соттың мәліметінше, күдікті У жәбірленуші С-ға шабуыл жасап, оны көлікте жүргізушінің қауіпсіздік белдігімен тұншықтырған. Айыпталушы жәбірленушіні өлітіріп, оның 150 мың теңге тұратын алтын алқасы мен “Toyota Camry” автокөлігін иемденген.

Күдікті жәбірленуші С-ның жеке басын анықтауды қиындату үшін оның бетін пышақпен кесіп, мәйітін ауылдық жолдың жанындағы бұталарға тастап кеткен.

Сотта прокурор айыпталушыны 23 жылға бас бостандығынан айыруды сұрады. Ал жәбірленуші мен оның адвокаты ең қатаң жазаны тағайындауды сұрады.

Сотталушының кінәсі жәбірленуші өкілінің, куәгерлердің, сарапшылардың айғақтарымен, оқиға болған жерді тінту және қарау хаттамаларымен, сараптамалардың қорытындыларымен және алынған заттай дәлелдемелермен расталды. READ FULL STORY HERE>>>CLICK HERE TO CONTINUE READING>>>

Сот сотталушыға жеңілдететін мән-жайлар ретінде соттылығының жоқтығын және жас балалардың болуын назарға алды. Қылмысты жасыру немесе оны жасауды жеңілдету мақсатында қылмыстық құқық бұзушылық жасау сот ауырлататын мән-жай деп таныды.

“Сот үкімімен сотталушы кінәлі деп танылып, оған 22 жылға бас бостандығынан айыру жазасы тағайындалды. Жәбірленушінің талап арызы ішінара қанағаттандырылды. Сонымен, сот полиция департаментінің басшылығына тиісті шара қолдану үшін жекеше қаулы шығарылды”, – делінген сот хабарламасында. 

Сот үкімі заңды күшіне енген жоқ.

Атырау мұнай өңдеу зауытының бұрынғы бас директорына қатысты үкім шықты. Бұл туралы Stan.kz ақпарат агенттігі хабарлайды.

Фото: kmg.kz

Ол кінәлі деп танылды, бірақ істің мерзімінің өтуіне байланысты жауапкершіліктен босатылды.

Атырау қаласының соты өз өкілеттіктерін тиісінше орындамады деп айыпталған Атырау мұнай өңдеу зауытының бұрынғы бас директоры Мұрат Досмұратовқа қатысты қылмыстық істі қарады.

Оған Қазақстан Республикасы Қылмыстық кодексінің 371-бабының 2-бөлігі “Абайсызда ауыр зардаптарға әкеп соққан салғырттық” бойынша айып тағылды.

“Жауапкер уәкілетті тұлға бола тұра жүйелердің тиімді жұмыс істеуі және өндірістік мәселелер бойынша шешімдер қабылдау үшін заңнама талаптарының және кәсіпорын жарғысының сақталуын қамтамасыз етпеген. Мердігердің кепілдік міндеттемелері шеңберінде жылу алмастырғышты жөндеу мүмкіндігі бола тұра, жөндеу жұмыстарын сатып алуға тендер жариялаған”, – делінген ақпаратта. 

“1,9 млрд теңге жымқырды деп айыпталды: “Атырау мұнай өңдеу зауытының” экс-басшысына қатысты тергеу аяқталды READ FULL STORY HERE>>>CLICK HERE TO CONTINUE READING>>>

Соның салдарынан жылу алмастырғышты жөндеуге 2 млрд теңгеге жуық қаражат негізсіз бөлінген.

Мұрат Досмұратов кінәлі деп танылғанымен, ҚР Қылмыстық кодексінің 71-бабының негізінде қылмыстың ескіру мерзімінің өтуіне байланысты жауаптылықтан босатылды.

Бұл ретте одан мемлекет пайдасына келтірілген шығын үшін 2 млрд теңгеге жуық ақша өндірілді.

Соттың үкімі заңды күшіне енген жоқ.

Еске салайық, ақпан айында Атырау мұнай өңдеу зауытының бұрынғы бас директоры Мұрат Досмұратов лауазымдық өкілеттігін асыра пайдаланды деген күдікпен ұсталған еді.