Жетісу облысының қылмыстық істер жөніндегі мамандандырылған ауданаралық сотымен алқабилердің қатысуымен аса ірі мөлшерде қорқытып алу фактісі бойынша қылмыстық іс қаралды. Бұл туралы Stan.kz ақпарат агенттігі хабарлайды. 

Фото: depositphotos.com

Соттың мәліметінше, 2024 жылдың мамыр айында айыпталушы И өзі бұрын жұмыс істеген ЖШС басшысымен кездесіп, серіктестік тарапынан жасалған құқық бұзушылықтар туралы дәлелдері бар екенін айтқан. Осы ақпараттарды жарияламау үшін күдікті И заңсыз түрде С-дан құны 16 млн теңгеден асатын пәтерді өз меншігіне беруді талап еткен.

Жәбірленуші бірден полицияға жүгінген. 2024 жылғы 5 маусымда полиция қызметкерлері жедел-іздестіру шараларын жүргізу барысында күдікті И жеке нотариус кеңсесінде ұстаған.

Антикор қызметкері Қытайдан келген қандастан 10 миллион теңге талап етіп, бопсалаған READ FULL STORY HERE>>>CLICK HERE TO CONTINUE READING>>>

“Қылмыстық кодекске сәйкес, айыпталушы жасаған қылмысы үшін 7 жылдан 15 жылға дейінгі мерзімге бас бостандығынан айыру және мүлкін тәркілеу түріндегі жаза қарастырылған. Алқабилердің шешімімен И тағылған айып бойынша кінәлі деп танылды, сот жазаны жеңілдететін мән жай ретінде сотталушының жас балаларының болуын ескеріп оған 8 жыл бас бостандығынан айыру жазасын тағайындады”, – делінген сот хабарламасында. 

Үкім заңды күшіне енген жоқ.

Еске салсақ, бұған дейін өздерін полиция қызметкері ретінде таныстырып, адамдардан ақша бопсалаған алаяқтар ұсталғаны туралы жазған едік. 

Рекордтық өнім жинаған қазақстандық диқандар астықтарын сата алмай отыр. Бұл туралы Stan.kz ақпарат агенттігі КТК телеарнасына сілтеме жасап хабарлайды. 

Фото: ortcom.kz

Мәжілісте ауыл шаруашылығы мәселелерін талқылаған депутаттар саланың қиын жағдайда екенін айтып, дабыл қақты. Депутаттардың айтуынша, бұған астық бағасының арзандауы, толып жатқан элеваторлар мен төленбеген несиелер себеп екенін айтады.

Ал ауыл шаруашылығы министрі диқандардың мемлекетке арқа сүйеуді тоқтататын кезі келді деп есептейді. Сондай-ақ министр алдағы жылы ауыл шаруашылығы министрлігі отандық ауыл шаруашылығы тауарын өндірушілерді субсидиялауды тоқтататынын мәлімдеді. 

Қазақстаннан Қытайға жіберілген 25 мың тонна астық өнімі санитариялық талапқа сай келмей кері қайтарылған

Депутат Жигули Дайрабаев отандық шаруылардың жағдайы қиын екенін айтты. 

“Барлық элеваторларда астық жатыр. Азық-түлік корпорациясы сата алмай отыр. Шаруалар кедейшілікте, несиелері бойынша пайыздық мөлшерлемелері өсіп жатыр. Саяси ұйым ретінде оларды әр жолы “шыдаңыздар, бәрі жақсы болады” деп сендіреміз. Бірақ жақсарып жатқан ештеңе жоқ”, – деді депутат Жигули Дайрабаев. 

Ауыл шаруашылығы министрі Айдарбек Сапаров диқандарды мемлекетке арқа сүйеуді доғарып, өз элеваторларын салуға және оларды субсидия емес, несие алуға шақырды. READ FULL STORY HERE>>>CLICK HERE TO CONTINUE READING>>>

“Келесі жылдан бастап субсидия бермейміз, субсидияны алып тастаймыз. Шаруалар таза 5%-бен несие алады. Субсидиялар тікелей қаржы институттары мен банктерге түсетін болады. Шаруаларға қатысы жоқ”, – деді ауыл шаруашылығы министрі Айдарбек Сапаров.

Биыл қазақстандық диқандар рекордтық өнім жинады. Депутат Айдарбек Қожаназаров бұл нәтиженің көңіл көншітпейтінін айтады, себебі бағаның құлдырауына байланысты шаруалардың кірісі айтарлықтай азайып отыр.

“Өткен жылы 10-11 центнердің төңірегінде өнім алсақ, бесінші сортқа баға 55 мың болды. Қазір үшінші сорт үшін баға – 45-50 мың төңірегінде. Яғни, 30 пайызға артық өнім алдық, бірақ баға 20 пайызға түсіп кетті. Тиісінше, биылғы жыл былтырғыдан 10 пайызға ғана жақсырақ”, – дейді депутат Айдарбек Қожаназаров.

Үкімет биыл астық экспортталатын елдердің тізімін кеңейтуді көздеп отыр. Қытай, Иран, Ауғанстан және ТМД елдерінен бөлек Солтүстік Африка елдеріне де астық жөнелту жоспарлануда. “Қазақ темір жолы” компаниясының мәліметінше, осы мақсатта 12 мың вагон дайын.

Еске салсақ, бұған дейін Ресейдің Қазақстаннан бидай әкелуге ресми түрде тыйым салғаны туралы жазған едік. 

Мәжілісте IT салсын дамытуға бөлінген қаражаттың тиімділігі туралы қызу талқы болды. Депутаттар инновациялық жобаларды мемлекеттік қолдауға бөлінген миллиардтардың қайда жұмсалғанын анықтауға тырысты.  Бұл туралы Stan.kz ақпарат агенттігі хабарлайды.

Фото: Мәжіліс

Парламентарийлер Astana Hub технопаркінің басшылығы мен оның қаржылық есептілігіне күмән келтіріп, цифрлық даму министрлігінің өкілінен нақты түсініктеме талап етті.  

Мәжіліс депутаты Анас Баққожаев технопаркке берілген салық жеңілдіктері мен миллиардтаған қаражаттың қайтарымсыз жұмсалып жатқанын алға тартты.

“Миллиардтар бөлінді, салық жеңілдіктері берілді, мемлекеттік қолдау көрсетті. Технопарк шамамен 10 жыл бұрын құрылған. Бір Перизат Қайрат 1,5 миллиард теңге ұрлады деп бүкіл Қазақстан шулап жатыр. Ал ұл жобаға қанша миллиард жұмсалды? Біз әлі күнге дейін жобаның өзін-өзі қамтамасыз ететін уақытын күтіе жүрміз”, – деді Баққожаев.

Вице-министрдің айтуынша, соңғы жылдары IT-саласы мен Astana Hub жобаларының экспорты он есеге өсіп, жалпы көлемі 500 миллиард теңгеге жеткен. Алайда бұл мәліметтер депутаттардың күмәнін сейілте алмады.  

Депутат Бапи Назарбаева мен “Ескі Қазақстанды” сағынғандарды тексеруге шақырды

Депутат Мұқаш Ескендіров те технопарк қызметінің адалдығына күмән келтірді READ FULL STORY HERE>>>CLICK HERE TO CONTINUE READING>>>

“Түсініксіз сандар көрсетілген. Astana Hub қанша қаражат тауып жатқанын, қаражатты қайда жұмсап жатқанын ешкім түсінбейді”, – деді ол.  

Мәжіліс отырысында кейбір заңнамалық өзгерістерге қатысты да сын айтылды. Депутат Бақытжан Базарбек жаңа түзетулерді “жасырын тонауға” теңеп, бұл нормалардың болашақта үлкен мәселелер тудыруы мүмкін екенін ескертті.  

“Сіз қазір ақшаны еркін пайдалануға мүмкіндік беретін сыбайлас жемқорлық нормасын бекіткеніңізді түсінесіз бе? Бұл жасырын тонаудың бір түрі сияқты”, – деді ол.

Цифрлық даму, инновациялар және аэроғарыш өнеркәсібі министрлігінің бірінші вице-министрі Қаныш Төлеушин депутаттарды салық жеңілдіктерін қысқартпауға шақырды. Оның айтуынша, жеңілдіктер Қазақстанға халықаралық компанияларды тартуға мүмкіндік беріп отыр.

“Егер бұл өзгерістер қабылданса, шетелдік компаниялар Армения сияқты басқа елдерге кетуі мүмкін. Сондықтан сабярмен шыдауларыңызды сұраймын”, – деп ескертті ол.  

Депутат Екатерина Смышляева инновациялық саланы дамыту мақсатында салық жеңілдіктері мен арнайы экономикалық аймақтардың құрылуы әлемдік тәжірибе екенін атап өтті. Дегенмен, ол министрлікке IT-саланың Қазақстан экономикасына нақты әсерін бағалайтын әдістеме әзірлеуді ұсынды.  

Еске салсақ, мәжіліс депутаты Сергей Пономарев “Арт-спорт” және “Даму бала” бағдарламаларын сынға алды.