Үндістанның астанасында экологиялық апат болып, халық тұншығып жатыр. Бұл туралы Stan.kz ақпарат агенттігі ВВС арнасына сілтеме жасап хабарлайды. 

Фото: Reuters

IQAir хабарлауынша, Делиде дүйсенбі жергілікті уақыт бойынша сағат 15:00-де  1500 бірлік ластану деңгейі тіркелді, бұл Дүниежүзілік денсаулық сақтау ұйымы дем алуға қолайлы деп санайтын деңгейден 15 есе жоғары.

Улы ауа әуе қатынасын үзіп, мектептерді жауып, қаладағы құрылыс жұмыстарына тыйым салуға мәжбүр етті.

Мектептерді жабу мен құрылыс жұмыстарына тыйым салудан басқа, қала үкіметі қалаға қажетті заттарды жеткізетін көліктерден басқа жүк көліктерінің Делиге кіруіне тыйым салды және қызметкерлердің жартысын үйден жұмыс істеуге жіберуді сұрады.

Өткен аптада үкімет төтенше жағдайлар қызметінен басқа барлық адамға дизельдік генераторларды пайдалануға тыйым салды.

Сарапшылар Делидегі жағдай алдағы күндері нашарлауы мүмкін және проблемамен күресу үшін қатаң шаралар қажет болуы мүмкін деп ескертеді. READ FULL STORY HERE>>>CLICK HERE TO CONTINUE READING>>>

Дүниежүзілік денсаулық сақтау ұйымының мәліметі бойынша, ауа сапасының индексі (AQI) мәні 300-ден жоғары ауа денсаулыққа қауіпті болып саналады.

Үндістанның экологияны бақылау кеңесі қаладағы ластану деңгейі 450-ден асып кеткеннен кейін Делидегі ауа жағдайын “ауыр” деп жіктеді.

Жыл сайын қазан-қаңтар аралығында Делиде, Үндістанның солтүстік штаттарында және Пәкістанның кейбір бөліктерінде ауа сапасы күрт төмендеп, түтін, шаң, желдің жылдамдығы, көлік құралдарының түтіндері және астық қалдықтарын жағу салдарынан айтарлықтай нашарлайды.

Осы айларда үкімет тарапынан ауаның ластануына қарсы арнайы шаралар жүйелі түрде енгізіліп отырады. Бірақ мәселе шешілмейді.

Еске салсақ, бұған дейін Пәкістанда ауа ластануынан түтін торлап, салдарынан 1,8 миллион адам жаппай зардап шеккені айтылды. 

Ақмола облысындағы бұрынғы ауыл мешітінде жарылыс болып, 3 адам қаза тапты. Оның ішінде екі ересек және 10 жастағы бала бар. Полиция жарылыстың себебін анықтады. Бұл туралы Stan.kz ақпарат агенттігі КТК арнасына сілтеме жасап хабарлайды. 

Фото: Видеодан скрин

Отбасы түстің кезінде газ баллондарын пайдаланып, марқұмды еске алып, дастархан дайындап жатқан. Олар аязда тұрған газ баллонын жылы үйге кіргізген. Жойқын жарылысқа осы жағдай себеп болған.

Жарылыс салдарынан 16 адам жарақат алды. 

“Газ баллонын ыстық жерге кіргізгеннен ондағы қысымжоғарылып, газ көлемі ұлғайған. Жарылысқа да сол себеп болған. Бұл газ баллонын 1985 жылдан бері пайдаланып келеді, ал газ баллондарын қолдану мерзімі 30 жыл. Яғни бұл газ баллонын пайдалану мерзімі 2015 жылы өткіп кеткен”, – дейді Ақмола облысы Төтенше жағдайлар департаментінің ресми өкілі Ерсайын Қойшыбаев.

Қайғылы жағдай тұрғындар құдай тамақ беретін Сабынды ауылының бұрынғы мешітінде болған. Осыдан 25 жыл бұрын дүниеден өткен отағасына берген асқа әулеттің жақындары жиналған. Түнгі сағат бір жарым шамасында бауырсақ, басқа да тағамдар пісіріліп жатқан асханада жарылыс болған. Үйінді астынан 46 жастағы ер адам мен 41 жастағы әйелдің мәйіті шығарылды. Алдын ала мәлімет бойынша, олар ерлі-зайыпты. Қарағандыдан жиынға келген 10 жасар бала да үйінді астында мерт болды. READ FULL STORY HERE>>>CLICK HERE TO CONTINUE READING>>>

Ғимарат толығымен қирады. Үйінді астынан алты газ баллоны шығарылды. Астанадағы ауруханаға зардап шеккен 16 адам жеткізілді. 13 пен 16 жас аралығындағы үш баланың жағдайы ауыр. Олардың денесінің 40 пайызын күйік шалған. Алты ересек адам да жансақтау бөліміне жатқызылды.

“Жансақтау бөлімінде жатқан алты науқастың төртеуі ем қабылдады. Жағдайы тұрақталған соң мамандандырылған бөлімшеге ауыстырылды. Тағы екі әйел жансақтау бөлімінде жатыр, олардың жағдайы ауыр. Қазір 11 науқас мамандандырылған бөлімшеде, қажетті ем-дом қабылдап жатыр. Олардың жағдайы орташа және ауырға деп бағаланып отыр”, – дейді Астана қаласының №1 көпсалалы қалалық ауруханасы директорының орынбасары Жеңісбек Бапанов.

Дәрігердің айтуынша, барлық 13 науқастың бас терісі, беті, аяқ-қолы күйіп қалған.

Бұған дейін Астанада тұрғын үй өртеніп, төрт бала қаза тапқан еді. 

Доллар бағамы 500 теңгеге жетті. Бірінші Астанадағы ақша айырбастау пункттері тақталарындағы нөмірлерді ауыстырды. Артынша Алматыдағы және басқа қалалардағы валюта айырбастау пункттері ілесті. Мамандар доллар неге қымбаттағанын түсіндірді. Бұл туралы Stan.kz ақпарат агенттігі 31-арнаның “Информбюро” жаңалықтар бағдарламасына сілтеме жасап хабарлайды. 

Фото: Pixabay.com

Теңге бағамы мұнайдың құнына тәуелді делінгенімен, іс жүзінде ұлттық валюта негізінен рубльмен паритетке жауап береді. Қазір ресейлік валюта 1 доллар үшін 100 рубльге тең. Ал 1 рубль 5 теңгенің бағасын ұстап тұру үшін теңгенің долларға шаққандағы бағамын әлсіретуге мәжбүрміз. Рубль бестен арзан болса, олардың тауарлары қазақ өндірісін арзан өніммен басып тастайды.

“Басқа елдермен салыстырғанда Қазақстанда ішкі инфляция өте жоғары. Қазіргі уақытта валюта бағамы тауар өндірушілеріміздің бәсекеге қабілеттілік деңгейін арттырмай отыр”, – деді R-Finance қаржылық талдаушысы Арман Байғанов. 

Дональд Трамп GSM бағасын төмендетуге уәде берді және осы ақпараттан кейін америкалық валюта көтеріліп кетті. Өз кезегінде Сауд Арабиясы ОПЕК елдері белгіленген өндіріс шегін сақтамаса, мұнай бағасын 72 доллардан 50 долларға дейін түсіреміз деп қорқытады. Қазақстан үкіметі алдағы үш жылда бюджетті долларға 470 теңге бағамымен есептеді.  READ FULL STORY HERE>>>CLICK HERE TO CONTINUE READING>>>

“Ұлттық қор мен республикалық бюджетке түсетін түсімдерді қамтамасыз ету үшін 2025 жылға арналған бюджет бір баррель үшін 75 доллар болып белгіленген. Сондықтан барреліне 50 доллар болған жағдайда табыстың апатты түрде төмендеуі мүмкін екенін айтуымыз керек”, – деді мемлекеттік саясатты зерттеу орталығының директоры Меруерт Махмұтова.

Сарапшылар алдағы айларда теңге бағамы 480 долларға қайта оралатынына сенімді. Үкімет пен Ұлттық банк доллардың өсуіне жол бермеу үшін шара қолдануы мүмкін.

Айта кетейік, бұған дейін елімізде доллар бағамы 500 теңгеге жеткен еді.