Air Astana мен FlyArystan рейсі көп кешігетін әуе компанияларының көшін бастады. Бұл туралы Stan.kz ақпарат агенттігі Информбюро бағдарламасына сілтеме жасап хабарлайды. 

Фото: depositphotos.com/brokenrecords

Жыл басынан бері Air Astana компаниялар тобынан билет алып, діттеген жеріне кешігіп жеткен жолаушы көп. Мысалы, Air Astana компаниялар тобы жыл басынан бері 47 мыңға жуық рейс жасаған. Оның 12 мыңнан астамы уақытылы ұшпапты.

SCAT әуе компаниясы 14 030 рейс жасаса, оның 3877 кешігіп ұшқан, ал Qazaq Air әуе компаниясының 6813 рейсінен 1725 рейсі әуеге кешігіп ұшыпты.

Ұшаққа кешігіп келген: FlyArystan жолаушылары Алматы әуежайында бүлік шығарды (видео) READ FULL STORY HERE>>>CLICK HERE TO CONTINUE READING>>>

Үкімет жариялаған статистикада Южное небо әуе компаниясы тізімнің соңында тұр. Алайда кей компаниялардың көп рейс жасайтынын да ескеру қажет.

Еске салсақ, бұған дейін 12 жастағы қызды ұшаққа мінгізбей қойған Air Astana компаниясы 5 млн теңге өтемақы төлеуге міндеттелгені туралы жазған едік.

Қазақстанда қаңғыбас жануарларды жаппай эвтаназиялау ұсынылды. Бұл туралы Stan.kz ақпарат агенттігі хабарлайды. 

Фото: depositphotos.com

“Жануарларға жауапкершілікпен қарау туралы” заңға өзгертулер мен толықтырулар енгізуге арналған дөңгелек үстелге қатысушылардың көпшілігі ұсталған иттер мен мысықтарды ұсталған сәттен бастап 15 күн ішінде жаппай эвтаназиялауды қолдады. Қазір бұл мерзім 60 күнге дейін.

21 қараша күні мәжілісте өткен дөңгелек үстелге депутаттар, еріктілер, заңгерлер және қаңғыбас жануарлардың шабуылынан зардап шеккен азаматтар қатысты. Депутат Әнас Баққожаев мемлекеттік бюджеттен мектеп оқушыларына күніне 840 теңге , ал жануарларға “одан да көп” жұмсалатынын айтып, ауланған жануарды ұстаған сәттен бастап бес күн ішінде эвтанизациялауды ұсынды. Ал иесі болуы мүмкін жануарларды 15 тәулік ұстауды ұсынды.

Заңгер Жанатбек Туғанбеков жануарларды өлтіруге қарсы шықты. Ол Қазақстанда “аулау-зарарсыздандыру-вакцинация-шығару” (АЗВШ) бағдарламасы дұрыс жұмыс істемейтінін атап өтті. 

“Эвтаназия шешім емес. Шабуылдарға келетін болсақ: шабуыл объектілері – адамдар, бірақ оны үй жануарлары жасайды. Барлық мәселе осында. Адамдар медициналық мекемелерге келіп, оларды қаңғыбас ит тістеп алды деп алдайды. Статистика осылай құрастырылады. АЗВШ бағдарламасы біздің елде еш жерде қолданылмайды”, – дейді заңгер.

Экология вице-министрі Нүркен Шарбиев 2022 жылдан бастап қолданысқа енгізілген АЗВШ бағдарламасының нәтижелері туралы статистиканы бөлісті. READ FULL STORY HERE>>>CLICK HERE TO CONTINUE READING>>>

“АЗВШ жұмысы туралы қорытынды теріс статистика көрсетті, тіпті 2022 жылмен салыстырғанда: 2022 жылы 22 мың, өткен жылы 50 мыңға жуық, биыл 50 мыңнан астам болуы мүмкін. Біздің статистика бойынша, шабуылдардың 65 пайызы қаңғыбас иттерден”, – деді Шарбиев.

Вице-министр өткен жылы 247 мың ит ауланғанын, оларды зарарсыздандыруға 16 миллиард теңгеге жуық қаржы жұмсалғанын атап өтті. 

“Егер оларды өлтірмей, босатып, өз өлімімен өлгенше ұстау туралы шешім қабылданса, бір жылда ауланған иттердің саны үшін күніне 1,2 млрд теңге қажет болады. Бұл жылына – 450 млрд теңге деген сөз”, – деді Шарбиев.

Дөңгелек үстелде эвтаназия мәселесімен қатар ит серуендету тақырыптары да қозғалды. Ішкі істер министрлігінің өкілі өткен жылы ит серуендету ережесін бұзған 7,9 мың адамға айыппұл салынғанын мәлімдеді. Биыл қаңтар-қыркүйек аралығында мұндай айыппұлдар саны 5610 жеткен. Ит серуендету ережесін бұзғаны үшін айыппұл мөлшері 10 АЕК құрайды.

Шымкентте арыстанның күшігін сатпақ болған азамат ұсталды. Бұл туралы Stan.kz ақпарат агенттігі КТК телеарнасына сілтеме жасап хабарлайды. 

Видеодан скрин

Түркістан облысының тұрғыны жабайы жануарды базар маңында саудалаған.

Күдікті жануарды торға қамап, көлігінің жүк салғышында алып жүрген. Сөйтіп жүріп тәртіп сақшыларының көзіне түсіпті. Қазір күдіктінің жабайы аңды қайдан әкелгені және қаншаға сатпақ болғаны анықталып жатыр.

Қарағандыда арыстанның төлдерін ұрлап, 6 млн теңгеге сатқысы келген: Директор орынбасары мен хайуанаттар бағының екі қызметкері сотталды READ FULL STORY HERE>>>CLICK HERE TO CONTINUE READING>>>

Ал тәркіленген арыстанның күшігі хайуанаттар бағына табысталды. Осы әрекеті үшін күдікті үш жылға дейін сотталуы немесе 11 миллион теңгеге дейін айыппұл арқалауы мүмкін.

“Түркістан облысының тұрғыны арыстан күшігін сатып тұрғанын анықтады. Жәйт бойынша полиция департаментімен қылмыстық іс тіркелді. Жануар мамандарға тапсырылды. Қазір тергеу жүргізілуде” – деді Шымкент ПД ресми өкілі Бағлан Исатаева.

Еске салсақ, бұған дейін Түркістан облысының тұрғыны үйінде арыстан асырағаны туралы жазған едік.