Ресей және АҚШ азаматтығын алған Нью-Йорк тұрғыны Илья Лихтенштейн ірі криптовалюта ұрлығынан түскен ақшаны жылыстатқаны үшін бес жылға бас бостандығынан айырылды. Бұл туралы Stan.kz ақпарат агенттігі BBC арнасына сілтеме жасап хабарлайды. 

Фото: BBC

Лихтенштейн 2016 жылы Bitfinex криптовалютасын бұзып, 120 мыңға жуық биткоинді ұрлағанын өткен жылы мойындады. Ол кезде ұрланған сома 71 миллион долларға (35 миллиард 333 миллионнан аса) бағаланған. Бірақ кейін Bitcoin бағасының күрт көтерілгенін ескерсек, ол 4,5 миллиард долларға дейін өсті. Қазіргі валюта бағамы бойынша бұл 10 миллиард доллардан асады.

АҚШ бас прокурорының орынбасары Лиза Монаконың айтуынша, бұл іс бойынша тәркіленген активтер АҚШ әділет министрлігі тарихындағы ең ірі тәркілеу болды.

Лихтенштейн 2022 жылдың ақпанында қамауға алынып, өз әрекетіне өкінетінін білдірді. Сондай-ақ ол жазасын өтегеннен кейін киберқылмыспен күресуде өз дағдыларын қолдануға дайын екенін айтты. 

Лихтенштейнмен бірге оның әйелі Хезер Морган да қамауға алынды. Ол өткен жылы ақшаны жылыстатуға қатысқанын мойындады. Оған қатысты үкім 18 қарашада шығады деп жоспарланған.

Фото: bfm.ru

Сот мәліметіне сәйкес, Лихтенштейн Bitfinex биржасын бұзу үшін озық хакерлік құралдарды пайдаланған. READ FULL STORY HERE>>>CLICK HERE TO CONTINUE READING>>>

Оның құралдарына жалған сәйкестіктерді пайдалану, әртүрлі криптовалюталарға ақша аудару және алтын сатып алу кіреді.

Прокурорлардың хабарлауынша, Ресейде туып, АҚШ-та өскен Лихтенштейн отбасылық сапарларында курьерлермен кездесіп, жылыстатылған ақшаны еліне аударған.

“Алынған қаражаттың бір бөлігі әртүрлі сатып алуларға жұмсалған. Мысалы, 500 долларға (248 мың 825 теңге) Walmart сыйлық картасын алған. Бұл картамен сатып алу қылмыскерлердің ізіне түсуге септігін тигізді”, – дейді прокурорлар.

Шетелдік БАҚ мәліметінше, ерлі-зайыптылар Манхэттеннің Уолл-стрит аймағында тұрған. Хезер Морган Forbes журналымен бірлесіп жұмыс істеп, әндерінің бірінде өзін “Уолл-стрит қолтырауыны” деп атаған.

Морган қамауға алынғаннан кейін оның әндері мен бейнебаяндары әлеуметтік желіде тарап кетті.

Танымал продюсер Баян Мақсатқызы шәкірті болған Ерке Есмаханның ұзақ уақыт бойы эстрадада жолы болмағанын мойындады. Бұл туралы Stan.kz ақпарат агенттігі хабарлайды. 

Фото: https://vk.com/bayanyessentayeva

Шоу-бизнес өкілі әнші арудың жұлдызды сәтін ұзақ күтіп қалғанын  жасырмады. 

“Жанар Дұғалованы “Алтын қыз” деп атадым. Бағымға көрсетіп, мықты дауыс иесі екенін бірден білдім. Ол менің алдыма 23-24 жасында келді. Өте ересек, ақыл тоқтатқан қыз болды. Алайда қыздарымның ішінен жұлдызды сәтін ұзақ күткен Ерке Есмахан болды. Ол көп еңбектенсе де, жолы болмай жүрді. Екеуміз барымызды салдық. Бірақ сәті түспей жатты. Ол маған келіп, “Баян Мақсатқызы, сіз Жанарды, Мөлдірді, Кәмшатты жұлдыз еттіңіз. Неге менің бағым жанбай жатыр?” деп айтатын. Мен оған “Сенің уақытың келеді, күту керек, мойыма” дедім. Бұл сөздерімді өзі де растайды. Ол ерекше нәзік дауыс иесі. Мұндай дауыс тыңдарманға ұнамауы мүмкін емес. Ол үйіме келіп, жылап отыратын. “Не істейміз?” деп басымыз қатты. Бірнеше рет жолымыз болмады. Бірақ соңында ол қыз эстраданы жарды. Ракета секілді ұшып кетті”, – деді продюсер “Din Dina Show” бағдарламасында. READ FULL STORY HERE>>>CLICK HERE TO CONTINUE READING>>>

Еске салайық, Мөлдір Әуелбекова өнердегі бағын ашқан Баян Мақсатқызымен араласпай кеткен еді. 

“Баянмен татуласқалы біраз уақыт болды. Шоу ұйымдастырып, ұшырған қарлығаштарын жинады. Арамызда талай дүние болса да, ол кісіден кешірім сұрадым. Жасым кіші, одан кейін үлкен сахнаға шығуыма мұрындық болған жан. Сахнаға бірге шыққанда жыладым. Себебі сағындым. Ол кісінің өмірінде бірталай жағдайлар болды. Содан кейін көрістік”, – деген болатын Мөлдір Әуелбекова. 

Елорда тұрғыны Әсел Омарова редакциямызға хабарласып, осыдан екі жыл бұрын “BIZ BIRGEMIZ” қорының атынан өзіне Перизат Қайрат шыққанын, әйелге пәтер берілетінін мәлімдеп, үміттендіріп қойғанын жеткізді. Тіпті бұл “сыйлық” сертификат түрінде галоконцертте  ресми түрде табысталған екен. Дегенмен арада қаншада уақыт өтсе де, желіде баласымен такси жүргізіп танылған автоледи уәде етілген пәтердің кілтін қолына ұстай алмапты. 

Фото: Әсел Омарованың жеке мұрағатынан

Естеріңізде болса, 2 жыл бұрын бес айлық құндақталған сәбиін ұстап, бір қолымен рульді басқарып, такси қызметін атқарған астаналық әйел желі жұлдызына айналған еді. Оның әрекеті көпті таңғалдырып, желіде қызу талқыға түсті. Қазақстандықтар бірауыздан қолдап, Әсел Омароваға 1,7 миллион теңге жинап беріпті. Осы жағдайдан соң әйелмен Перизат Қайрат байланысқа шығып, үйіне барған. Сол кезде отбасыға пәтер сыйлауға уәде еткен, тіпті көптің алдында сертификат табыстаған. Бірақ сол күйі үй берілген жоқ дейді.

“Жамандыққа қимаймын, дегенмен “барды бар, жоқты жоқ” деп айтар сәт келгендей. 2022 жылы қарашада Перизат үйіме келіп, “үй табыстаймыз” деп айтып кеткен еді. Кейін Жаңа жылдық мерекеге орай үлкен галаконцерт болып, сол жерде сертификат ұстатқан. Бірақ үй берілмеді”, – деді астаналық Әсел Омарова.

Әсел Омароваға белгілі бір тұрғын үй комплексінен үй беріледі деп айтылған. Бірақ кейін хабарсыз кетті дейді. Айтуынша, өзі хабарласқан кезде “күнде ертең” деп түрлі сылтаумен Әселді ұзақ күттіріп қойған.

READ FULL STORY HERE>>>CLICK HERE TO CONTINUE READING>>>

Фото: Әсел Омарованың жеке мұрағатынан

“Үміт деген қиын екен, “әне, міне беріп қалар” деп күтіп жүр едім. Соңғы рет 4-5 ай бұрын хабарластық, сол кезде “1-2 айдан соң беріледі” деді. Бірақ қайтадан үнсіз қалды”, – деді ол.

Әсел балаларымен әлі де пәтер жалдап тұрады. 

Stan.kz тілшісі оқиғаға байланысты Biz Birgemiz қорына қоңырау шалды, алайда қордың көрсетілген телефон нөмірі өшірулі болды. Жағдайға қатысты әлі де қоры өкілдерінен жауап күтеміз.

Бұған дейін бес айлық құндақталған сәбиін ұстап, бір қолымен рульді басқарып, такси қызметін атқарған астаналық әйелдің көпті тәнті еткені айтылды. Қазақстандықтардың 1,7 миллион теңге жинап бергені, сондай-ақ полицейлердің әйелге балалар креслосын сыйлағаны жазылды.