Оқу-ағарту министрі Ғани Бейсембаев қазақстандық білім беру ұйымдарында тамақтандыру сапасына күнделікті мониторинг жүргізілетінін мәлімдеді. Бұл туралы Stan.kz ақпарат агенттігі хабарлайды. 

Фото: ura.ru

Министрдің айтуынша, 2024 жылы тиісті нормативтік құқықтық талаптар күшейтілді. Білім беру ұйымдарындағы тамақтандыру стандарттары Дүниежүзілік денсаулық сақтау ұйымының ұсыныстарына сәйкес қайта қаралды.

“Мектепке дейінгі және орта білім беру ұйымдарындағы тамақтандыру сапасын арттыру мақсатында күнделікті мониторинг енгізілді. Мектеп аспаздарының біліктілігіне, олардың білімі мен еңбек өтіліне қойылатын талаптар күшейтілді. Өнім берушілердің қызметін бастамас бұрын санитариялық-эпидемиологиялық қорытындысы болуы туралы шарт бекітілді. Сондай-ақ ас блогына бейнебақылау орнату міндеттелді”, – деді министр.

Министр Ғани Бейсембаев “Әлеуметтік әмиян” жобасы аясында тегін тамақ алатын балаларды автоматтандырылған түрде есепке алу жұмыстары жүргізіліп жатқанын айтты.  READ FULL STORY HERE>>>CLICK HERE TO CONTINUE READING>>>

“Денсаулық сақтау министрлігімен бірлесіп білім беру ұйымдарында тамақтанудың жаңа стандарты әзірленді. Оны 2025 жылдан бастап қолданысқа енгізу жоспарланып  отыр”, – деді министр. 

Айта кетейік, бұған дейін Маңғыстау облысындағы оқушылардың жаппай улануынан соң енді Қазақстанның өзге аймақтарында мектеп асханаларына тексеру жүргізіліп жатқаны туралы айтылған еді. 

Еңбек және халықты әлеуметтік қорғау министрлігі Қазақстан азаматтарының шетелдегі еңбек қызметін ұйымдастыру бойынша жобасын әзірледі. Бұл туралы Stan.kz ақпарат агенттігі хабарлайды. 

Фото: Pixabay.com

“Ашық НҚА” порталында еңбек мобильділігі орталықтарының жеке жұмыспен қамту агенттіктерімен өзара іс-қимыл жасау қағидалары жарияланған.

Құжаттың негізгі мақсаты – республикадан тыс жерлерге жұмысқа шығатын қазақстандықтарды даярлау, олардың еңбек қызметін тиімді ұйымдастыру және шетелде еңбек құқықтарын қорғауды қамтамасыз ету. READ FULL STORY HERE>>>CLICK HERE TO CONTINUE READING>>>

“Қағидалар шетелде азаматтарды жұмысқа орналастыратын жеке жұмыспен қамту агенттіктеріне қойылатын талаптарды белгілейді, сондай-ақ осы агенттіктердің еңбек ұтқырлығы орталықтарымен өзара іс-қимыл жасау тәртібін айқындайды”, – делінген хабарламада.

Сондай-ақ жеке жұмыспен қамту агенттіктерінің шетелде жұмысқа орналасқысы келетін ізденушілерді іріктеу және оларды даярлау тәртібі регламенттеледі.

Бұдан басқа белгіленген талаптарға сәйкес келетін жеке жұмыспен қамту агенттіктерінің тізілімін құру және жүргізу көзделеді.

Қазақстан азаматы халықаралық террористік ұйымның әрекетіне қатысы бар деген күдікпен Түркияда ұсталды. Ұлттық қауіпсіздік комитеті 16 қарашада Бас прокуратурамен бірлесе отырып күдіктіні Анталия қаласынан Алматыға алып келді. Бұл туралы Stan.kz ақпарат агенттігі хабарлайды. 

Фото: Ұлттық қауіпсіздік комитеті

Тергеу материалына сәйкес, күдікті бұған дейін Сирияға кетіп, қарулы топтардың біріне қосылған. Содан кейін Түркияға жеткен. Полиция оны сол жерде ұстады.

Ұлттық қауіпсіздік комитетінің мәліметінше, күдікті өз еркімен Қазақстанға қайтып, заңмен қарастырылған қылмыстық жауапкершілікті тартуға дайын екенін жеткізді. READ FULL STORY HERE>>>CLICK HERE TO CONTINUE READING>>>

“Ұлттық қауіпсіздік комитеті фигурантқа қатысты Қылмыстық кодекстің 257-бабы 2-бөлігі бойынша сотқа дейінгі тергеу жұмыстарын жүргізіп жатыр. Ол сот санкциясымен қамауға алынды”, – делінген хабарламада.

Ведомство қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайдтынын ескертті.