Режиссер Асхат Кучинчирековтың “Бауырына салу” фильмі Оскар сыйлығына үміткерлер қатарына кірді. Бұл туралы Stan.kz ақпарат агенттігі хабарлайды. 

Фото: https://www.instagram.com/baurynasalu.film/

Туынды Мәдениет және ақпарат министрлігі мен Ұлттық киноны қолдау орталығының қолдауымен түсірілген.

Отандық фильм Оскардың “Шетел тіліндегі ең үздік фильм” номинациясы бойынша үміткерлер қатарынан табылды.

Айта кетейік, фильм жақында “Тұлпар” ұлттық сыйлығын иеленген еді. Кейін Оскар комитетіне “International Feature Film” номинациясы бойынша Қазақстаннан ұсынылған болатын. 

Кинода бауырына салу дәстүріне сәйкес әжесінің тәрбиесіне берілген баланың бастан кешкені баяндалады. Әжесі дүние салғаннан кейін бала биологиялық ата-анасына қайтарылады. Алайда бала үшін олар бөтен адамдар сияқты әсер етеді. READ FULL STORY HERE>>>CLICK HERE TO CONTINUE READING>>>

Еске салайық, Америка академиясының дауыс беруі үш кезеңде өтеді. 9-13 желтоқсан аралығында академиктер шортлист жасақтайды, ол 17 желтоқсанда жарияланады. Дауыс беру 2025 жылдың 8-12 қаңтары аралығында өтеді. Оның қорытындысы бойынша 17 қаңтарда барлық санаттағы номинанттар белгілі болады. Үшінші, соңғы кезең 11-18 ақпан аралығында өтеді.

Жеңімпаздардың есімі 2025 жылдың 2 наурызында Лос-Анджелесте конверттерді ашу салтанатында жарияланады. Егер фильм номинант ретінде ұсынылса, режиссер шақырту алады. “International Feature Film” санатындағы статуэткада мемлекет пен фильмнің атауы және режиссердің есімі жазылады. ‎

Иран мемлекеті хиджаб кимей, міндетті заңдарға қарсы шыққан әйелдерді жындыханаға жатқызбақ. Бұл туралы Stan.kz ақпарат агенттігі The Guardian басылымына сілтеме жасап хабарлайды.

Фото: Мартин Поуп/ZUMA Press Wire

Ирандағы ізгілікті насихаттау және жамандықтың алдын алу штабының әйелдер және отбасы бөлімінің басшысы Мехри Талеби Дарестани енді хиджаб кимейтін әйелдерді мәжбүрлі түрде емдейтінін хабарлады. Сөзінше, клиника “хиджаб шешетіндерге арналған ғылыми және психологиялық емдеуді” ұсынады.

Ирандық әйелдер мен құқық қорғау ұйымдары бұл мәлімдемеге наразылық білдірді.

Иранда қастандыққа ұшырап, Ұлыбританияға көшкен Иран журналисі Сима Сабет бұл әрекетті “масқара” деп атады. READ FULL STORY HERE>>>CLICK HERE TO CONTINUE READING>>>

“Орамал тақпайтын әйелдерді “емдеу” үшін емханалар құру идеясы қорқынышты. Адамдардың билеуші ​​идеологияға ой сәйкес келмегендіктен ғана оларды қоғамнан оқшауламақ”, – деді ол.

Ирандық адам құқықтары жөніндегі заңгер Хоссейн Раиси бұл Ислам заңына да, Иран заңдарына да сәйкес келмейді деді. 

“Бұл емхана емес, түрме болады. Біз күнімізді әрең көріп жатырмыз, электр, энергия жетіспеушілігі бар, бірақ бұл мемлекетті бір шүберек қана алаңдатады”, – деді ирандық әйел.

Еске салсақ, бұған дейін Иранда хиджабқа қарсылығын білдіріп, көшеде жалаңаш жүрген қыздың ұсталғаны туралы хабарлаған едік. Кейін ол мәжбүрлі түрде жындыханаға жатқызылды.

Маңғыстау облысындағы Каспий теңізінің жағалауында Ақтау портының өткізу қабілетін жылына 240 мың жиырма футтық эквивалентке дейін арттыратын алғашқы контейнерлік хабтың құрылысы басталды. Бұл туралы Stan.kz ақпарат агенттігі хабарлайды.

Фото: Қазақстан теміржолы

Контейнерлік хаб жобасын “Ляньюньган порты” АҚ және Ақтау теңіз сауда порты бірлесіп жүзеге асырып жатыр. 

Көлік министрлігінің мәліметінше, бұл жоба елдің халықаралық логистикалық жүйедегі ұстанымын арттырады және көлік-логистикалық саланың әлеуетін кеңейтеді. READ FULL STORY HERE>>>CLICK HERE TO CONTINUE READING>>>

“Нақтырақ айтсақ, хаб құрылысы  Әзірбайжан, Грузия, Түркия арқылы Транскаспий бағытында контейнерлерді тасымалдауды ұлғайтуға және Қытайдан Еуропаға келетін транзиттік жүктердің бір бөлігін қайта бағдарлауға мүмкіндік береді. Қазір 20-дан астам арнайы техниканың көмегімен жердегі учаскені вертикальды жоспарлау бойынша жұмыс жүргізіліп жатыр”, – делінген хабарламада.

Еске салайық, қазір теңіз порттары арқылы контейнерлік тасымалдар бойынша көрсеткіш 84%-ға артып, 58 мың ЖФЭ-ке(жиырма футтық эквивалент) тең. Бұл ретте Транскаспий халықаралық көлік бағыты (ТХТМ) бойынша контейнерлік тасымалдар 2,7 есе өскен.

Құрылыс жұмыстарын 2025 жылдың ортасында аяқтау жоспарланып отыр.

Айта кетейік,биыл қыркүйек айында “Қазақстан теміржолы” Қазақстан мен Қытай бірлесіп контейнерлік хаб құратынын мәлімдеген еді.