Мәжіліс депутаттары президент Қасым-Жомарт Тоқаевтың бастамасымен “Орыс тілі бойынша халықаралық ұйым құру туралы” шартты қабылдау туралы мәселені қарастырып, оның ратификациялап сенатқа жолдады. Бұл туралы Stan.kz ақпарат агенттігі хабарлайды.

Фото: Рress-unity.com

Отырыс кезінде мәжілістің халықаралық істер, қорғаныс және қауіпсіздік комитетінің төрағасы Айгүл Құспан аталған шарт Бішкекте 2023 жылғы 13 қазанда жасалғанын айтты.

“Ол халықаралық құқық субъектісіне ие үкіметаралық ұйымға айналатын “Орыс тілі бойынша халықаралық ұйым” құруды көздейді. Орыс тілі ағылшын, араб, испан, қытай және француз тілдерімен қатар БҰҰ ресми тілі мәртебесіне ие екенін атап өткім келеді” , – деді Айгүл Құспан.

Депутат бұл шарттың мақсаты – ұйымға мүше елдер арасындағы достықты, татулықтың, өзара тиімді ынтымақтастықты нығайту екенін атап өтті. READ FULL STORY HERE>>>CLICK HERE TO CONTINUE READING>>>

Мәжіліс отырысынан кейін журналистер алдына шыққан ғылым және жоғары білім министрі Саясат Нұрбек Сенат қабылдап, президент қол қойғаннан кейін ұйым құрылатынын айтып берді. Оның айтуынша, онда министрліктер ұйымның жұмысы қалай жүретінін және хатшылыққа кімдердің енетінін келіседі.

Министр ұйымды құруға ел бюджетінен 43 миллион теңге құятынын атап өтті.

Еске салайық, бұған дейін Ресей президенті Владимир Путин Қазақстан басшысы Қасым-Жомарт Тоқаевқа орыс тілі бойынша халықаралық ұйым құру бастамасы үшін алғысын білдірді. Путин бұл бастаманың маңыздылығы мен пайдалы екенін атап өтіп, орыс тілінің ТМД елдерінде ұлтаралық қарым-қатынас тілі ретіндегі рөлін жоғары бағалады. 2023 жылдың қазан айында Әзірбайжан, Беларусь, Қазақстан, Ресей, Тәжікстан, Түрікменстан және Өзбекстан осы ұйымды құру туралы шартқа қол қойған болатын. Қазір келісім Ресей, Беларусь, Қырғызстан және Тәжікстан тарапынан ратификацияланды.

Түркістан облысында білім бөлімінің лауазымды тұлғалары жұмыс істемеген жұмыс істемеген тұлғалар мен жеке шоттарға жалақыны заңсыз аударып келген. Олар осылайша мемлекеттік бюджетке 3,7 миллиард теңге көлемінде залал келтірді. Бұл туралы Stan.kz ақпарат агенттігі хабарлайды. 

Сыбайлас жемқорлыққа қарсы қызметтің Түркістан облысы бойынша департаменті Шардара ауданы білім бөлімінің лауазымды тұлғаларына қатысты сотқа дейінгі тергеуді аяқтағанын мәлімдеді.

“Ұйымдасқан топ 12 қатысушыдан тұрған. Оның ішінде бөлім басшылары мен олардың бағынысты бухгалтерлері білім беру саласында нақты жұмыс істемеген жеке тұлғаларға, сондай-ақ өздерінің жеке шоттарына жалақыны заңсыз аудару жолымен 2020-2023 жылдар кезеңінде бюджет қаражатын жымқырды деп күдіктенді. Қылмыстық әрекеттермен мемлекетке 3,7 миллиард теңге көлемінде залал келтірілді.

Қабылданған шаралармен жалпы сомасы 639,8 миллион теңгеге залал өтелді және мүлікке тыйым салынды. Қазіргі уақытта қылмыстық іс сотқа дейінгі тергеудің аяқталуы туралы есеппен прокуратураға жіберілді”, – делінген хабарламада. READ FULL STORY HERE>>>CLICK HERE TO CONTINUE READING>>>

 Сыбайлас жемқорлыққа қарсы қызмет жымқыру тәуекелдерін барынша азайту мақсатында барлық өңірлерде бірыңғай бухгалтерлік есеп жүйесі енгізілгенін мәлімдеді. Бұл жоғары жалақы мен “жоқ жандарды” есептейтін, алаяқтықты уақтылы тоқтатуға, жалған деректердің енгізілуіне тосқауыл қоюға мүмкіндік береді.

Қазір әкімдіктер ай сайын білім беру ұйымдарының бухгалтерлік есеп жүйелерін қазынашылық есептерімен автоматты түрде салыстырып отырады. Кез келген сәйкессіздіктер екі рет тексерілетін болады.

Жамбыл облысы Таңта ауылындағы “Таңта баба” мешітінің имамы Қанат Қуанышбеков 2024 жылдың жазында умра жасағысы келген қарт ерлі-зайыптыларға қажылықты ұйымдастыруға уәде беріп, олардан 3 мың доллар алып кеткен. Бірақ қарттар әлі шағын қажылыққа бара алмай, ақшасын қайтара алмаған. Бұл туралы Stan.kz ақпарат агенттігі хабарлайды.

Фото: business-gazeta.ru

Таңта ауылында 90 жасқа жақындаған ерлі-зайыптылар имамға 3 мың доллар беріп, әлі күнге дейін сол ақшасын қайтара алмай жүргені туралы ақпарат тарады. Кейін имам Қанат Қуанышбеков зейнеткерлерден қомақты қаржы алғанын және әлі қайтармағанын растады. Ол бұл ақшаны 2024 жылдың шілде айында алған. Ол жағдайдың шын мәнінде қалай болғанын айтып, ақталды.

“Ақшаны алдым. Оны досыма беріп, қайтара алмадым. Содан кейін оның ата-анасына барып, бәрін түсіндірдім. Олар ақшаны 21-ші күні қайтарамыз деп айтты. Сол күні ата мен апаға апарамын. Бұл адамдармен біз бір кездері қажылыққа барғанбыз. Олар “Біз қартайдық, сен төле” деп айтты еді, мен солай ақшаны алдым. Сол уақытта досым 3-4 күнге қарыз сұрады, мен оған ақшаны бердім. Міне, осының нәтижесі осындай болды”, – деді имам.

Қазақстан Мұсылмандары діни басқармасының Жамбыл облыстық өкілдігі Тараз қаласы маңындағы Жамбыл ауданы, Танта ауылдық “Танта баба” мешітінің имамы Қанат Қуанышбековке қатысты мәлімдеме жасады. READ FULL STORY HERE>>>CLICK HERE TO CONTINUE READING>>>

“Айта кететін мәселе Қ.Қуанышбеков Қазақстан мұсылмандары діни басқармасы қызметкерінің этикасын өрескел бұзып, үлкен қателік жасаған. Қ.Қуанышбеков ақсақалдан Умра сапарына жіберу үшін алған 3 мың доллар ақшасын 22.11.2024 күні қайтарып береді. Алдағы уақытта Жамбыл ауданы, Танта ауылдық “Танта баба” мешітінің имамы Қуанышбековке қатаң тәртіптік шара қолданылады”, – деп хабарлады мүфтияттың өкілдігі.

ҚМДБ-ның Жамбыл облыстық “Һибатулла Тарази” мешіті өкілдігі қариялардан кешірім сұрап, мәселені бақылауда ұстайтынын айтып, уәде етті.

Еске салайық, бұған дейін Түркістан облысының бас имамы Ержан Төлеповке қатысты дауға байланысты әлеуметтік желілерде бас имамның аудан мен қала мешіттерінің имамдарынан мәжбүрлі түрде ақша жинағаны туралы ақпарат тарады. Желіде бас мүфти Наурызбай қажы Тағанұлының Түркістанға сапары үшін қаражат жинау туралы мәліметтер мен түбіртектер жарияланды. Алайда Төлепов бұл ақпаратты жоққа шығарып, имамдар газет-журналдарға жазылу үшін ақшаны өзіне аударғанын айтты. Ол жағдайға түсіндіру жұмыстарын жүргізгенін және автордың әрекетіне моральдық жауапкершілік жүктелетінін мәлімдеді.