Астанада әлемнің үздік балуандарының қатысуымен еркін күрестен Wrestling Stars халықаралық турнирі өтеді. Бұл туралы  Stan.kz ақпарат агенттігі хабарлайды.

Фото: ҰОК

Осымен үшінші рет өтетін дәстүрлі турнирге еркін күрестен еліміздің ғана емес, әлемнің ең үздік балуандары қатысады. Қазақстандық балуандардың ішінен Азия чемпионы Санжар Досжанов, ел чемпионы Мейіржан Әшіров және үш дүркін Азия чемпионы Азамат Дәулетбеков қатысады. Дәулетбеков кадеттер және жастар арасында әлем чемпионы атанып, әйгілі Ярыгин турнирінде топ жарған Алан Багаевпен белдеседі. Сондай-ақ, әлемдік күрес жұлдызы, екі дүркін әлем чемпионы Франк Чамизо да жарысқа қатыспақ. 

READ FULL STORY HERE>>>CLICK HERE TO CONTINUE READING>>>

Айта кетейік, бұған дейін ірі халықаралық турнир Ақтөбе және Астана қалаларында ұйымдастырылған еді. Негізі үшінші турнир Тараз қаласында өтуі керек еді. 

Сот Солтүстік Қазақстан облысының экс-әкімі Самат Ескендіровті алдап-арбау арқылы үлескерлердің жерлерін сатып жібергені үшін шартты түрде 5 жылға бас бостандығынан айырды. Бұл туралы Stan.kz ақпарат агенттігі хабарлайды.

Фото: gov.kz

Сот мәліметіне сәйкес, Ескендіров және басқа тұлға несие алу мақсатында ЖШС қатысушыларының келісімінсіз жалған жиналыс хаттамаларын дайындаған. Оcылайша кепілге Бурабай ауданы тұрғындарының жер телімдерін берген.

“Ескендіров бір топ адаммен алдын ала сөз байласу арқылы ауыл тұрғындарының шартты жер үлестеріне құқықты иемденіп, еншілес кәсіпорынға жер учаскесін кепілге берген және иеліктен айырған. Осылайша ол жәбірленушілерге  аса ірі көлемде материалдық залал келтірген. Бұл әрекет Қылмыстық кодекстің 190-бап, 4-бөлігі, 2-тармағы (Адамдар тобында алдын ала сөз байласу арқылы аса ірі көлемдегі алаяқтық) ретінде бағаланды”, –делінген хабарламада. 

Ескендіровтің кінәсі жәбірленушілердің, куәлардың, тінтулердің, тәркіленген төлем тапсырмаларының, сараптаманың және тәуелсіз аудитордың қорытындыларымен дәлелденді. READ FULL STORY HERE>>>CLICK HERE TO CONTINUE READING>>>

Жаза тағайындау кезінде жәбірленушілер қатаң жазаны талап етпеді.

Оның үстіне 2023 жылы сот актілері ЖШС құрылтайшылары жиналысының шешімі мен құқықтарды үшінші тұлғаларға беру туралы келісімнің күшін жойды. Демек, сотта қаралған іс бойынша жәбірленушілерге жер телімі қайтарылды. Сондықтан ауыл тұрғындарына келтірілген материалдық шығынды өтеуге негіз жоқ.

Нәтижесінде сот Ескендіровті Қылмыстық кодекстің 63-бабы (Шартты түрде соттау) бойынша 5 жылға бас бостандығынан айырды. Сот актісі заңды күшіне енген жоқ.

Алматы облысы Панфилов ауылдық округінің бұрынғы әкімі Нұрғали Аппазов сотталса да, 9 ай бостандықта жүрген. Бұл туралы Stan.kz ақпарат агенттігі хабарлайды.

Фото: akimat-talgar.gov.kz

Сот алғашқы үкімін 2020 жылы шығарды. Сол кезде ол жергілікті белсенді Галина Арзамасоваға шабуыл жасағаны үшін жеті жылға сотталды. Екі жылдан кейін Аппазов санаторий-курорттық, су қорғау аймақтары мен суару желілерінен жер телімдерін беру кезінде қызметтік өкілеттіктерін асыра пайдаланды деп сотталды. Сот бірінші іс бойынша өтелмеген жазасын ескеріп, оны сегіз жылға бас бостандығынан айырды.

Сөйтсе Аппазов былтыр бостандыққа шыққан. 2023 жылдың қыркүйегінде Қонаевтың соты жазаны жеңілдету туралы өтінішті қанағаттандырған. Аппазов қалған жазасы үшін айыппұл төледі, бірақ оның мөлшері жарияланбады. Қадағалау органы жазаның үштен бірінен астамы өтелгенін, жақсы мінез-құлық танытқанын ескерген.

Алайда прокуратура сот шешімін бұзуды талап етіп, шағым түсірді. Апелляциялық сот оны ақпанда қолдап, қайтадан қамауды талап етті. Бірақ бұрынғы шенеунік колонияға оралмаған. Прокуратура 8 ақпанда сот бұйрығын орындау үшін Алматы облысының полиция департаментіне жібергенін атап өтті. READ FULL STORY HERE>>>CLICK HERE TO CONTINUE READING>>>

Кейін қадағалау органы Аппазовтың және тағы бірнеше сотталушының түрмеде отыруы керек болса да, жазасын өтемей жатқанын анықтады.

“10 қазан мен 4 қарашада арнайы прокуратура Алматы облысы бойынша ІІД және қылмыстық-түзету жүйесі департаментіне қызметкерлерді жауапкершілікке тарту және сотталғандарға іздеу жариялау туралы ұсыныс енгізді. Қылмыстық кодекстің 430-бабы бойынша сот актілерін орындалмағаны тіркелді”, – делінген хабарламада.

Алматы облысының полиция департаментіне қатысты сот актісін орындамау туралы іс материалдары ДП ішкі қауіпсіздік басқармасына берілді.

Аппазов 15 қарашада ұсталды. Әзірге ол уақытша ұстау изоляторында.