Желіде Жетісу облысында апатты ғимараттардың бірінде шашылған дәрі-дәрмектердің видеосы тарады. Бұл туралы Stan.kz ақпарат агенттігі 31 арнаның “Информбюро” жаңалықтар бағдарламасына сілтеме жасап хабарлады. 

Фото желі кадрларынан 

Қорап-қорап препараттар Текелі қаласындағы апатты ғимараттардың бірінен табылған. Видео авторының айтуынша, антисанитариялық жерде қолдану мерзімі өтпеген қымбат дәрілер де болған екен. 

“Мұнда жарамдылық мерзімі 2025 жылдың қараша айына дейнгі ампициллин дәрісі жатыр. Қараусыз қалған ғимаратта осыншалық дәрі жатыр. Барлығын жай ғана лақтыра салған”, – делінген видео жазбаларында.  READ FULL STORY HERE>>>CLICK HERE TO CONTINUE READING>>>

Қорапта ампициллин ғана емес психотроптық препаратқа жататын “Трамадол” да жатыр. Сондай-ақ, жарамдылық мерзімі өтіп кеткен дәрі-дәрмектер де жоюға жіберілмеген көрінеді.

Ал, тозығы жеткен ғимаратта адам жоқ. Бұл дәрілер арнайы ереже бойынша тізімнен шығарылу керек еді. Денсаулық сақтау басқармасының өкілдері аталған жағдайға қатысты қызметтік тексерістен кейін ғана түсініктеме беретіндерін мәлімдеді.

ҚР Халық әртісі Мақпал Жүнісова бала кезінен сыр шертіп, әнші болуға қадам басқан кезін есіне алды. Бұл туралы Stan.kz ақпарат агенттігі хабарлайды. 

Фото: https://vk.com/m_zhunusova

Өнер иесі мектеп кезіндегі естелікті жеке парақшасындағы оқырмандарына айтып берді. 

“9-сыныпта радиоға жазылған Дүнгенбай Ботбаевтың әні “Ана” әнін радиодан тыңдаған “Гүлдер” ансамблінің сол кездегі директоры Қабиден Тұяқаев марқұм, менің қайда оқитынымды радиодан сұрап, 10-сыныпта “Гүлдер” ансамбіліне алдыртты. 10 шақты ән айтқызып, мектеп бітіргесін “Гүлдер” ансамбліне қабылдаймын деп еді. Ақыры 1981-жылы жұмысқа алды”, – деп жазды әнші. 

Желі қолданушылары әншінің оқушы кезін қызу талқылап жатыр. 

“Не деген тап-таза дауыс?!”, “Керемет архив табылған екен”, “Қайталанбайтын дара тұлға”, “Бала кездің бейнесі де ерекше екен”, “Ешқандай қиындық көрмеген, алдынан үміт оты жалындап шақырып тұрған кіршіксіз кезіңіз екен”, “Сізді 1982 жылы алғаш рет көргенмін, жіп-жіңішке арық едіңіз”, – деп жазды көпшілік.  READ FULL STORY HERE>>>CLICK HERE TO CONTINUE READING>>>

Еске салайық, “Ұйықтап жатып ән саламын” деген Мақпал Жүнісова бала күніндегі ерекше қасиетін айтқан еді. 

АҚШ-та iPhone иелері телефондардан түсініксіз дауыстар шығатынын мәлімдеді. Әлеуметтік желілерде Apple смартфондарының қолданушылары ақаулық бойынша наразы болды. Бұл туралы Stan.kz ақпарат агенттігі 31-арнаның Информбюро жаңалықтар бағдарламасына сілтеме жасап хабарлайды. 

Фото: Pixabay.com

Бір сәтте олар iPhone телефонынан басқа адамдардың дауыстарын естіді, бірақ сол дауыс бойынша аудио, видеофайл болған жоқ.

Apple компаниясы бұған әлі түсініктеме берген жоқ. READ FULL STORY HERE>>>CLICK HERE TO CONTINUE READING>>>

Киберқауіпсіздік бойынша сарапшы Евгений Питолин мұндай жағдайлар болуы мүмкін деп санайды, бірақ көбінесе олар құрылғы өндірушілерінің емес, байланыс операторларының жұмысымен байланысты дейді. Смартфондар жағдайында апаттар қолданбалардағы ақаулардан туындауы мүмкін. Маман алаңдауға негіз жоқ деп есептейді және смартфондарды қорықпай пайдалануға болады.

“Меніңше, бұл – телефондағы ақпаратты бұзып ашу емес. Оны ойдан шығарылған оқиға немесе белгілі бір қолданбадағы кемшілік, бастапқы кодтың сапасына қатысты”, – деді киберқауіпсіздік бойынша сарапшы Евгений Питолин.