Түркістан облысында білім бөлімінің лауазымды тұлғалары жұмыс істемеген жұмыс істемеген тұлғалар мен жеке шоттарға жалақыны заңсыз аударып келген. Олар осылайша мемлекеттік бюджетке 3,7 миллиард теңге көлемінде залал келтірді. Бұл туралы Stan.kz ақпарат агенттігі хабарлайды. 

Сыбайлас жемқорлыққа қарсы қызметтің Түркістан облысы бойынша департаменті Шардара ауданы білім бөлімінің лауазымды тұлғаларына қатысты сотқа дейінгі тергеуді аяқтағанын мәлімдеді.

“Ұйымдасқан топ 12 қатысушыдан тұрған. Оның ішінде бөлім басшылары мен олардың бағынысты бухгалтерлері білім беру саласында нақты жұмыс істемеген жеке тұлғаларға, сондай-ақ өздерінің жеке шоттарына жалақыны заңсыз аудару жолымен 2020-2023 жылдар кезеңінде бюджет қаражатын жымқырды деп күдіктенді. Қылмыстық әрекеттермен мемлекетке 3,7 миллиард теңге көлемінде залал келтірілді.

Қабылданған шаралармен жалпы сомасы 639,8 миллион теңгеге залал өтелді және мүлікке тыйым салынды. Қазіргі уақытта қылмыстық іс сотқа дейінгі тергеудің аяқталуы туралы есеппен прокуратураға жіберілді”, – делінген хабарламада. READ FULL STORY HERE>>>CLICK HERE TO CONTINUE READING>>>

 Сыбайлас жемқорлыққа қарсы қызмет жымқыру тәуекелдерін барынша азайту мақсатында барлық өңірлерде бірыңғай бухгалтерлік есеп жүйесі енгізілгенін мәлімдеді. Бұл жоғары жалақы мен “жоқ жандарды” есептейтін, алаяқтықты уақтылы тоқтатуға, жалған деректердің енгізілуіне тосқауыл қоюға мүмкіндік береді.

Қазір әкімдіктер ай сайын білім беру ұйымдарының бухгалтерлік есеп жүйелерін қазынашылық есептерімен автоматты түрде салыстырып отырады. Кез келген сәйкессіздіктер екі рет тексерілетін болады.

Жамбыл облысы Таңта ауылындағы “Таңта баба” мешітінің имамы Қанат Қуанышбеков 2024 жылдың жазында умра жасағысы келген қарт ерлі-зайыптыларға қажылықты ұйымдастыруға уәде беріп, олардан 3 мың доллар алып кеткен. Бірақ қарттар әлі шағын қажылыққа бара алмай, ақшасын қайтара алмаған. Бұл туралы Stan.kz ақпарат агенттігі хабарлайды.

Фото: business-gazeta.ru

Таңта ауылында 90 жасқа жақындаған ерлі-зайыптылар имамға 3 мың доллар беріп, әлі күнге дейін сол ақшасын қайтара алмай жүргені туралы ақпарат тарады. Кейін имам Қанат Қуанышбеков зейнеткерлерден қомақты қаржы алғанын және әлі қайтармағанын растады. Ол бұл ақшаны 2024 жылдың шілде айында алған. Ол жағдайдың шын мәнінде қалай болғанын айтып, ақталды.

“Ақшаны алдым. Оны досыма беріп, қайтара алмадым. Содан кейін оның ата-анасына барып, бәрін түсіндірдім. Олар ақшаны 21-ші күні қайтарамыз деп айтты. Сол күні ата мен апаға апарамын. Бұл адамдармен біз бір кездері қажылыққа барғанбыз. Олар “Біз қартайдық, сен төле” деп айтты еді, мен солай ақшаны алдым. Сол уақытта досым 3-4 күнге қарыз сұрады, мен оған ақшаны бердім. Міне, осының нәтижесі осындай болды”, – деді имам.

Қазақстан Мұсылмандары діни басқармасының Жамбыл облыстық өкілдігі Тараз қаласы маңындағы Жамбыл ауданы, Танта ауылдық “Танта баба” мешітінің имамы Қанат Қуанышбековке қатысты мәлімдеме жасады. READ FULL STORY HERE>>>CLICK HERE TO CONTINUE READING>>>

“Айта кететін мәселе Қ.Қуанышбеков Қазақстан мұсылмандары діни басқармасы қызметкерінің этикасын өрескел бұзып, үлкен қателік жасаған. Қ.Қуанышбеков ақсақалдан Умра сапарына жіберу үшін алған 3 мың доллар ақшасын 22.11.2024 күні қайтарып береді. Алдағы уақытта Жамбыл ауданы, Танта ауылдық “Танта баба” мешітінің имамы Қуанышбековке қатаң тәртіптік шара қолданылады”, – деп хабарлады мүфтияттың өкілдігі.

ҚМДБ-ның Жамбыл облыстық “Һибатулла Тарази” мешіті өкілдігі қариялардан кешірім сұрап, мәселені бақылауда ұстайтынын айтып, уәде етті.

Еске салайық, бұған дейін Түркістан облысының бас имамы Ержан Төлеповке қатысты дауға байланысты әлеуметтік желілерде бас имамның аудан мен қала мешіттерінің имамдарынан мәжбүрлі түрде ақша жинағаны туралы ақпарат тарады. Желіде бас мүфти Наурызбай қажы Тағанұлының Түркістанға сапары үшін қаражат жинау туралы мәліметтер мен түбіртектер жарияланды. Алайда Төлепов бұл ақпаратты жоққа шығарып, имамдар газет-журналдарға жазылу үшін ақшаны өзіне аударғанын айтты. Ол жағдайға түсіндіру жұмыстарын жүргізгенін және автордың әрекетіне моральдық жауапкершілік жүктелетінін мәлімдеді.

Шығыс Қазақстан облысындағы арнайы мектептің тәрбиеленушісі қатарластарына әлімжеттік жасап, мазақ еткен. Ол үше баланың денесіне өзінің Instagram парақшасының атауын татуировка етіп салдырған. Бұл туралы Stan.kz ақпарат агенттігі хабарлайды. 

Фото: pixabay.com

Бас прокуратураның мәліметінше, елімізде ерекше режимде ұстайтын бес білім беру ұйымы жұмыс істейді. Олар Алматы, Абай облысы, ШҚО, Жамбыл және Маңғыстау облыстарында бар. Онда жыл сайын еліміздің түкпір-түкпірінен 11-18 жас аралығындағы 300 “қиын мінез-құлықтағы” жасөспірімдер келеді.

Дегенмен Бас прокуратура бұл ұйымдардың құқық бұзушылықтың алдын алу әсері асыра бағаланғанын жеткізді. Себебі мұнда оқушылардың жиі қашуы, суицид әрекеттері, әлімжеттік әрекеттері мекеме қабырғасында да болып жатыр. READ FULL STORY HERE>>>CLICK HERE TO CONTINUE READING>>>

“Мәселен, ШҚО Серебрянск қаласының арнайы мектеп-интернатының 10-сынып оқушысы К. ұзақ уақыт бойы басқа оқушыларға психологиялық қысым көрсетіп, қашуына түрткі болған. Сондай-ақ ол үш оқушыға Instagram парақшасының мекен-жайы жазылған татуировка салдырған”, – деді прокурорлар.

Сонымен қатар, жыл басынан бері Шымкентте, Ұлытау облысында және Ақмола облысында асырап алынған балаларды ұрып-соғу және азаптау фактілері тіркелген.

“Ақмола облысында сәуір айында патронат тәрбиешінің 5 баланы ұрып-соғу фактісі анықталды. Тергеу барысында үш жылдан астам уақыт бұрын балалардың біреуінің өлімі анықталды. Ұлытау облысында балаларды фермада жұмыс істеуге мәжбүрлеген асырап алушы ана 4 жылға бас бостандығынан айырылды”, – деп хабарлады Бас прокуратура.