Футболдан Қазақстан құрамасы УЕФА Ұлттар лигасының топтық кезеңі аясындағы соңғы матчында ойсырай ұтылды. Бұл туралы  Stan.kz ақпарат агенттігі хабарлайды.

Фото: Robbie Jay Barratt – AMA/Getty Images

Футболдан Қазақстан құрамасы UEFA Ұлттар лигасының В дивизионындағы соңғы ойнын сырт алаңда Норвегияға қарсы өткізіп, тағы да гол соға алмай ұтылды. Ослодағы “Уллевол стадионда” өткен матчта Қазақстан құрамасының қақпасына жауапсыз 5 гол соғылып, ойсырай ұтылды. Норвегиялық футболшылардың ішінде Эрлинг Холанн хет-трик жасаса, Александер Серлет пен Антонио Нуса бір-бір голдан соқты. Осылайша ресейлік маман Станислав Черчесов Ұлттық құраманың тізгінін ұстағалы Қазақстан бесінші ойын қатарынан жеңіліске ұшырап, тек бір ғана ұпайға ие болды.

READ FULL STORY HERE>>>CLICK HERE TO CONTINUE READING>>>

Айта кетейік, Қазақстан қазір өз тобында жалғыз ұпаймен соңғы орынға қалып, В дивизионынан С дивизионына түсіп қалды. 

Люберцы облыстық ауруханасының гастроэнтерологы Светлана Ильяшенко кей адамдар үшін қызыл еттің зиян екенін айтты. Бұл туралы Stan.kz ақпарат агенттігі Lenta.ru порталына сілтеме жасап хабарлайды. 

Фото: Depositphotos

Ильяшенко тұз байлану ауруы (подагра) ауыратындарды қызыл еттен мүлдем бас тартуға шақырды. Дәрігер бұл аурумен ауыратын науқастар үшін етті күнделікті диетаға қосуға болатын тауық, күркетауық немесе балық сияқты ақ тағамдармен алмастырған дұрыс деп кеңес берді.  READ FULL STORY HERE>>>CLICK HERE TO CONTINUE READING>>>

Сондай-ақ гастроэнтеролог тіпті сау адам да етті аптасына бір-екі реттен көп жемеу керектігін атап өтті.

“Десе де қарсы көрсетілімдер болмаған жағдайда бұл өнімнен толығымен бас тартуға болмайды, өйткені оның құрамында темір және В дәрумендері сияқты денсаулық үшін маңызды заттар да бар”, – деп түйіндеді Ильяшенко.

Атырау облысының Махамбет ауданында Жайық өзенінің үстінен салынған көпірде ақау анықталды. Сол себептен, жүк көліктерінің көпірден өтуіне тыйым салынды. Бұл туралы Stan.kz ақпарат агенттігі хабарлайды. 

Фото: Атырау облысы әкімдігі

Бұл деректі Атырау облысы әкімінің баспасөз хатшысы Руслан Жұмағазиев растады. 

“Махамбет ауданындағы облыстық маңызы бар көпірде жарық пайда болды. Соған байланысты жүк көліктерінің жүруіне шектеу қойылды. Қазір аталған көпірдің жай-күйіне техникалық зерделеу жүргізу үшін өтінім берілді”, -деп хабарлады Руслан Жұмағазиев.

Аталған көпірдің құрылысы 2014 жылы басталып, 2017 жылы пайдалануға берілген. Көпірдің ұзындығы – 8,5 шақырым, ені – 13 метр. Оның құрылысына республикалық және облыстық бюджеттен 9,4 млрд теңге бөлінген. Кезінде бұл жобаның бас мердігерлігіне “Атырауинжсртой” ЖШС таңдалған. 

Фото: Атырау облысы әкімдігі READ FULL STORY HERE>>>CLICK HERE TO CONTINUE READING>>>

Бұл көпірдің жүк көтеру қуаты 180 тоннаға есептелген. Оның ұзындығы – 860, ені – 13 метр. Көпірге көтерілетін жолдың жалпы ұзындығы – 8,5 шақырым. Көпірдің Жайық өзенінің оң жағалауындағы тармағы Махамбет ауылының тұсында Атырау – Орал республикалық трассасына қосылады.

Фото: Атырау облысы әкімдігі

Ал сол жағалаудағы бөлігі Ортақшыл ауылының маңында Атырау – Индер облыстық маңыздағы жолға жеткізеді.

Махамбет ауданы әкімдігінің мәліметінше, көпірдің ортаңғы бөлігіне зақым келген. Осыған байланысты көпірде ауыр жүк көліктерінің жүруіне тыйым салынған. Ал, жеңіл автокөліктерге сағатына 20 шақырымнан аспайтын жылдамдықпен жүруге рұқсат етіліп отыр. 

Сондай-ақ, аталған көпірге арнайы жол белгілері қою жоспарланған.