Төтенше жағдайлар министрлігі әлеуметтік желілерде тараған Алматы қаласы мен Алматы облысында жойқын жер сілкінісі болатыны туралы ақпаратқа қатысты мәлімдеме жасады. Бұл туралы Stan.kz ақпарат агенттігі хабарлайды. 

Фото: shutterstock.com

Алматы облысында мектеп оқушыларының ата-аналарына арналған чаттарда 6 қараша күні “6 баллдық жер сілкінісі болады” деген қауіпке байланысты балалардың сабақтан босатылғаны туралы ақпарат тараған. 

Төтенше жағдайлар министрлігі бұл ақпаратты жоққа шығарды. Министрліктің мәліметінше, Алматы қаласы мен Алматы облысында 6 баллға дейінгі жер сілкінісі болады деп болжанбаған. 

“Сейсмологиялық байқау және зерттеу ұлттық ғылыми орталығының мәліметтеріне сәйкес, жыл соңына дейін жойқын жер сілкінісі күтілмейді. Ресми ақпарат көздеріне ғана сенуді сұраймыз”, – делінген хабарламада.

Алматы облысы білім басқармасы да бұл ақпараттың жалған екенін хабарлады. Аудандық білім басқармаларына Алматы облысының аумағында жойқын жер сілкінісі күтілмейтіні, екі рет жер сілкінісі тіркелгені және жер сілкінісі ошағында әлсіреу процесі байқалатыны туралы ақпарат жіберілген.  READ FULL STORY HERE>>>CLICK HERE TO CONTINUE READING>>>

“Облыстағы барлық білім беру мекемелерінде төтенше жағдайлар кезінде қалай әрекет ету керектігі жөнінде алдын ала оқу жұмыстары жүргізілді. Жер сілкінісі кезінде мекеме басшылығы белгіленген хаттамаларды орындады.

Еңбекшіқазақ ауданы Есік қаласындағы алты мектептен 6960 оқушы, сондай-ақ жақын маңдағы елді мекендердегі мектеп пен балабақша тәрбиеленушілері үйлеріне жіберілді. Талғар ауданы Талғар қаласындағы 10 мектептен 12 529 оқушы мен балабақша тәрбиеленушілері үйлеріне қайтарылды”, – делінген хабарламада. 

Сараптама қорытындысынан кейін 6 қараша күні мектептерде сабақты оффлайн режимде жалғастыру туралы шешім қабылданған.

Қазақстан құрамасы бірнеше Әлем кубогы кезеңдерінде өнер көрсетеді. Бұл туралы Stan.kz ақпарат агенттігі Olympic.kz сайтына сілтеме жасап хабарлайды. 

Фото: ҰОК

Жаттықтырушылар штабы халықаралық жарыстарға қатысатын құрамды анықтады. Шпагашылар төрт Әлем кубогы кезеңіне және бір оқу-жаттығу жиынына қатысады.

Әлем кубогы кезеңі Бернде(Швейцария) 8-10 қараша аралығында өтеді.

Бұл жарысқа Эльмир Әлімжанов, Александр Федотов, Алексей Касаткин, Руслан Құрбанов, Богдан Лукин, Кирилл Павлов, Ерлік Сертай, Вадим Шарлаимов, Георгий Тинников, Никита Жулинский қатысады.

8-10 қараша аралығында әйелдер арасында Әлем кубогы кезеңі Фуджейрада (БАӘ) өтеді.

Бұл жарысқа Владислава Андреева, Каролина Фомина және Кристина Фомина, Виктория Кайдарова, сондай-ақ Лязат Карипова, София Николайчук, Наталья Зинякова қатысады. 

11-18 қараша аралығында Спалада (Польша) ерлер құрамасының оқу-жаттығу жиыны өтеді.

Ал, 21-24 қарашада Ванкуверде (Канада) ерлер арасында Әлем кубогы болады. READ FULL STORY HERE>>>CLICK HERE TO CONTINUE READING>>>

Руслан Құрбанов, Эльмир Әлімжанов, Вадим Шарлаимов, Ерлік Сертай, сондай-ақ Кирилл Павлов сынды спортшылар Канадада өнер көрсетеді.

29 қараша – 1 желтоқсан аралығында Гонконгта жастар арасында Әлем кубогы кезеңі өтеді.

Оған қатысатын қазақстандық спортшылар тізімінде Нұржан Әбжанов, Алексей Касаткин, Касен Ансар, Богдан Лукин, Кирилл Проходов, Георгий Тинников, Уәлихан Нариман және Жанарбек Жанұзақов бар.

Сонымен қатар саблистерде Әлем кубогында өнер көрсетеді.

Қоса айтқанда, 7-10 қараша аралығында Алжирдің Оран қаласында ерлер мен әйелдер арасында Әлем біріншілігі өтеді.

Жарысқа шығатын сайыскерлер тізімі: Артем Саркисян, Назарбай Саттархан, Жанат Нәбиев, Бақдәулет Құралбекұлы, Қуаныш  Эргашбай, Карина Доспай, Әйгерім Сарыбай, Анастасия Гулик, Жасмин Капыджы.