Қазақстанда қаңғыбас жануарларды жаппай эвтаназиялау ұсынылды. Бұл туралы Stan.kz ақпарат агенттігі хабарлайды. 

Фото: depositphotos.com

“Жануарларға жауапкершілікпен қарау туралы” заңға өзгертулер мен толықтырулар енгізуге арналған дөңгелек үстелге қатысушылардың көпшілігі ұсталған иттер мен мысықтарды ұсталған сәттен бастап 15 күн ішінде жаппай эвтаназиялауды қолдады. Қазір бұл мерзім 60 күнге дейін.

21 қараша күні мәжілісте өткен дөңгелек үстелге депутаттар, еріктілер, заңгерлер және қаңғыбас жануарлардың шабуылынан зардап шеккен азаматтар қатысты. Депутат Әнас Баққожаев мемлекеттік бюджеттен мектеп оқушыларына күніне 840 теңге , ал жануарларға “одан да көп” жұмсалатынын айтып, ауланған жануарды ұстаған сәттен бастап бес күн ішінде эвтанизациялауды ұсынды. Ал иесі болуы мүмкін жануарларды 15 тәулік ұстауды ұсынды.

Заңгер Жанатбек Туғанбеков жануарларды өлтіруге қарсы шықты. Ол Қазақстанда “аулау-зарарсыздандыру-вакцинация-шығару” (АЗВШ) бағдарламасы дұрыс жұмыс істемейтінін атап өтті. 

“Эвтаназия шешім емес. Шабуылдарға келетін болсақ: шабуыл объектілері – адамдар, бірақ оны үй жануарлары жасайды. Барлық мәселе осында. Адамдар медициналық мекемелерге келіп, оларды қаңғыбас ит тістеп алды деп алдайды. Статистика осылай құрастырылады. АЗВШ бағдарламасы біздің елде еш жерде қолданылмайды”, – дейді заңгер.

Экология вице-министрі Нүркен Шарбиев 2022 жылдан бастап қолданысқа енгізілген АЗВШ бағдарламасының нәтижелері туралы статистиканы бөлісті. READ FULL STORY HERE>>>CLICK HERE TO CONTINUE READING>>>

“АЗВШ жұмысы туралы қорытынды теріс статистика көрсетті, тіпті 2022 жылмен салыстырғанда: 2022 жылы 22 мың, өткен жылы 50 мыңға жуық, биыл 50 мыңнан астам болуы мүмкін. Біздің статистика бойынша, шабуылдардың 65 пайызы қаңғыбас иттерден”, – деді Шарбиев.

Вице-министр өткен жылы 247 мың ит ауланғанын, оларды зарарсыздандыруға 16 миллиард теңгеге жуық қаржы жұмсалғанын атап өтті. 

“Егер оларды өлтірмей, босатып, өз өлімімен өлгенше ұстау туралы шешім қабылданса, бір жылда ауланған иттердің саны үшін күніне 1,2 млрд теңге қажет болады. Бұл жылына – 450 млрд теңге деген сөз”, – деді Шарбиев.

Дөңгелек үстелде эвтаназия мәселесімен қатар ит серуендету тақырыптары да қозғалды. Ішкі істер министрлігінің өкілі өткен жылы ит серуендету ережесін бұзған 7,9 мың адамға айыппұл салынғанын мәлімдеді. Биыл қаңтар-қыркүйек аралығында мұндай айыппұлдар саны 5610 жеткен. Ит серуендету ережесін бұзғаны үшін айыппұл мөлшері 10 АЕК құрайды.

Шымкентте арыстанның күшігін сатпақ болған азамат ұсталды. Бұл туралы Stan.kz ақпарат агенттігі КТК телеарнасына сілтеме жасап хабарлайды. 

Видеодан скрин

Түркістан облысының тұрғыны жабайы жануарды базар маңында саудалаған.

Күдікті жануарды торға қамап, көлігінің жүк салғышында алып жүрген. Сөйтіп жүріп тәртіп сақшыларының көзіне түсіпті. Қазір күдіктінің жабайы аңды қайдан әкелгені және қаншаға сатпақ болғаны анықталып жатыр.

Қарағандыда арыстанның төлдерін ұрлап, 6 млн теңгеге сатқысы келген: Директор орынбасары мен хайуанаттар бағының екі қызметкері сотталды READ FULL STORY HERE>>>CLICK HERE TO CONTINUE READING>>>

Ал тәркіленген арыстанның күшігі хайуанаттар бағына табысталды. Осы әрекеті үшін күдікті үш жылға дейін сотталуы немесе 11 миллион теңгеге дейін айыппұл арқалауы мүмкін.

“Түркістан облысының тұрғыны арыстан күшігін сатып тұрғанын анықтады. Жәйт бойынша полиция департаментімен қылмыстық іс тіркелді. Жануар мамандарға тапсырылды. Қазір тергеу жүргізілуде” – деді Шымкент ПД ресми өкілі Бағлан Исатаева.

Еске салсақ, бұған дейін Түркістан облысының тұрғыны үйінде арыстан асырағаны туралы жазған едік.

Тоқаев сот жүйесін реформалау туралы заңға қол қойды. Бұл туралы Stan.kz ақпарат агенттігі хабарлайды. 

Фото: akorda.kz

Бұл туралы Ақорданың баспасөз қызметі мәлімдеді. 

“Мемлекет басшысы “Қазақстан Республикасының кейбір заңнамалық актілеріне сот жүйесін реформалау және процестік заңнаманы жетілдіру мәселелері бойынша өзгерістер мен толықтырулар енгізу туралы” Қазақстан Республикасының Заңына қол қойды”, – делінген хабарламада.

Жаңа заңға сәйкес, Астанада қылмыстық, азаматтық және әкімшілік істер бойынша үш кассациялық сот құрылады. Кассациялық тәртіптегі істер алдын ала қаралмай, үш судьядан тұратын алқаға тікелей жіберілетін болады. Кассациялық сатыдағы істерді қарау мерзімі алты айдан аспайды. Сот талқылауы тараптардың шақырылуымен ауызша жүргізіледі. READ FULL STORY HERE>>>CLICK HERE TO CONTINUE READING>>>

Жоғарғы сотта сот актілері жоғарғы сот судьясының ұсынысы бойынша ерекше жағдайларда ғана қайта қаралатын болады.

Кассациялық сотқа бас прокурордың орынбасарлары, бас әскери және көлік прокурорлары да наразылық бере алады. Түзетулерге сәйкес ұйымдарды экстремистік деп тану туралы азаматтық істерді қарау мерзімі бір айдан 10 жұмыс күніне дейін қысқартылды.

Еске салсақ, бұған дейін сенат сот жүйесін реформалау туралы заңды мақұлдағаны туралы жазған едік.