Мәжіліс отырысында депутат Азат Перуашев шенеуніктердің мүлікті қайта бөлу және бизнесті рейдерлік жолмен басып алуы күшейгенін жеткізді. Айтуынша, адал кәсіпкерлерді қайта бөлуден қорғау керек. Бұл туралы Stan.kz ақпарат агенттігі хабарлайды.  

Фото: Азат Перуашев Telegram арнасынан

Депутаттың премьер-министр Олжас Бектеновке жолдаған сауалында қазір кәсіпкерлердің мүлкін заңсыз тартып алынып жатқаны айтылды.

“Сорақы мысалдың бірі – Түркістан облысы Сарыағаш ауданының әкімдігі кәсіпкерлерден 2017 жылы Қаржы министрлігінің ашық аукционынан бірыңғай лотпен сатып алынған шипажай нысандарының бір бөлігін тартып алған. Бұл мәселені біз бұған дейін де көтергенбіз. Бірақ компания нысандарын Болат Назарбаевтың өзіне қайтарып берді. Алайда адал кәсіпкерлердің нысандары тәркіленген күйінде 2 миллиард теңге шығынға ұшырады.  

Сол сияқты “ҚТЖ” АҚ сот арқылы “АНГРЕНСОР Ltd.” ЖШС-ны 2011 жылы осы ЖШС салған құны 1,5 миллиард теңгеден астам Павлодар облысы Атығай станциясындағы ғимарат пен темір жолдарды тегін беруге міндеттеген.  

Осыған ұқсас жағдай Маңғыстау облысында да болды. Мұнда Көлік министрлігі тіпті сот арқылы емес, өз бұйрығымен 90-жылдардан бері “Каскор-Транссервис” АҚ-на тиесілі кірме теміржол жолдарын “ҚТЖ” АҚ-ның магистральдық желілері тізіміне енгізіп, олардың мемлекет меншігіне тегін өтуі туралы шешім қабылдаған”, – деді депутат.

Перуашев Жамбыл облысы, Меркі ауданында да аудан прокуратурасы 2007 жылдан бері ауыл шаруашылығы өнімдерін дамытып келе жатқан “Жеміс-Жидек” ЖШС-нің 200 гектар жерін тегін тартып алғанын алға тартты.

“Бұл тенденция қарқын алып, мемлекеттік органдар ғана емес, өзге монополистер де басқа кәсіпорындардың меншігіне “қол салуға” әрекет етіп жатыр. Мәселен, жақында Таразда “Жамбыл электр желілері” ЖШС жүн өңдеу фабрикасынан (“ПОШ-Тараз” ЖШС) осы фабрикаға тиесілі электр қосалқы станциясын монополистке арыздану құқығынсыз тегін беруді талап еткен. Әр түрлі аймақтардан келетін басқа да шағымдар бар. Қазірдің өзінде мүлікті қайта бөлудің тұтас тәжірибесі байқалып отыр. READ FULL STORY HERE>>>CLICK HERE TO CONTINUE READING>>>

Бұл ретте заңда мемлекеттік және жеке меншік бірдей танылады және бірдей қорғалады деп тайға таңба басқандай көрсетілген. Ешкімді жеке мүлкінен айыруға болмайды. Тәркілеу қылмыстық құқық бұзушылықтар болған кезде сот үкімі шеңберінде ғана жасалады. Бірақ біз көрсеткен жағдайлардың барлығында қылмыстық іс жоқ, тәркіленген мүлікті өтеу де жоқ”, – деп қосты ол.

Депутат рейдерлердің кейде ескі Қазақстан өкілдері мен олармен байланысы бар олигархтардың заңсыз активтерін қайтару әрекеттеріне де сілтеме жасайтынын жеткізді.

“Бүкіл өркениетті әлемде жеке меншікке қол сұғу – қылмыс болып саналады. Мысалы, АҚШ заңы бойынша мүлікті қару қолдану арқылы қорғауға да болады.

Президент жарлығында жеке меншікке қол сұғылмаушылықты қамтамасыз етуді басты бағыттардың бірі ретінде белгіледі. Себебі меншік құқығы кез келген экономиканың инвестициялық ахуалына тікелей әсер етеді. Біздің жағдайда аталған үрдіс конституцияға да, заңдарға да, президент жарлығына да қайшы келеді.

Ал бұл отандық инвесторлардың да, шетелдік инвесторлардың да сеніміне селкеу түсірері анық. Дәл осы ПОШ-Тараз фабрикасы қазір шетелдік серіктестермен келіссөздер жүргізіп жатыр”, – деп қорытты ол.

Мәжіліс депутаты Константин Авершин қорғаныс министрінің орынбасары Шайх-Хасан Жазықбаевқа оқуға шақырудан бірнеше рет кейінге қалдыруды шектеу керек екенін айтып,  азаматтардың әскери даярлығын қамтамасыз ету жөнінде сауал жолдады. Бұл туралы Stan.kz ақпарат агенттігі хабарлайды.

Фото: Мәжілістің баспасөз қызметі

Депутаттың сөзінше, қазір көптеген азамат әскерге барудан жалтарып, 27 жасқа дейін бірнеше оқудың дипломын алып алады.

“Қазір заңға сәйкес білімін жалғастыру мақсатында әскерге шақыруды кейінге қалдыру қарастырылған. Алайда көптеген азамат шақыру жасындағы кезеңде бір оқу орнын бітіріп, екіншісіне түсіп жатыр. Осылайша 27 жасқа дейін білім алуды жалғастырады. Олар автоматты түрде запастағы әскерилер тізіміне қосылады. Алайда оларда базалық әскери дайындық жоқ және қажет болған жағдайда тек өздерінің әскери міндеттерін орындап қана қоймай, өздерін қорғау да мүмкін болмайды. Осы ретте әскерге шақыруға кейінгі мерзімдерді беру тәртібін реттеу мәселесі қарастырылып жатыр ма?” – деп сұрақ қойды Константин Авершин.

Бұған Шайх-Хасан Жазықбаев әскерге кейін қайтарылу заң жобасы негізінде кешенді түрде қарастырылғанын айтты. READ FULL STORY HERE>>>CLICK HERE TO CONTINUE READING>>>

“Болашақта бұл заң жобасы қабылданғаннан кейін әр деңгейге бір ғана оқу орнында білім алуға рұқсат беріледі. Мәселен, бір магистратураны бітіріп, екінші магистратура түссе, ол кезде оған кейінге қалдырылуға рұқсат берілмейді”, – деп жауап берді қорғаныс министрінің орынбасары Шайх-Хасан Жазықбаев.

Еске салайық, бұған дейін еңбек және халықты әлеуметтік қорғау министрі Светлана Жақыпова Қазақстандағы техникалық мамандардың тапшылығын еңсерудің жолы ретінде оларды әскерден босатуды сұрады. Сонымен қатар ол еліміздің колледждерінде сержанттар дайындауға болатынын жеткізді.

Қазақстанның еркін күрес тарихындағы екінші әлем чемпионы атанған Нұрқожа Қайпановқа белгілі кәсіпкер су жаңа көлік сыйға тарту етті. Бұл туралы Stan.kz ақпарат агенттігі хабарлайды.

Фото: Instagram.com/erkinkures2020/

Еркін күрестен Тиранада өткен әлем чемпионатында алтыннан алқа таққан Нұрқожа Қайпановқа демеушілер су жаңа көлік сыйлады. Спортшыға меценат Ерлан Қожасбай “Zeekr 001” маркалы автокөліктің кілтін табыстады.

“Әлем чемпионы атануыңмен құттықтай отырып, өзіңе, бапкерлеріне алғыс білдіремін. Осы жолда аянбай тер төгіп жүрсің. Оған өзім де куәмін. Біздің күрес академиясының шәкірті екеніңе мақтанамыз. Өзімнің, “Сәду-Аренаның” атынан сыйлық бергіміз келеді”, – деді Ерлан Қожасбай. READ FULL STORY HERE>>>CLICK HERE TO CONTINUE READING>>>

Айта кетейік, Нұрқожа әлем чемпионатында бес белдесу өткізіп, барлығын айқын басымдықпен ұтты. Финалда жапон балуанын 6:3 есебімен жеңіп, Қазақстан еркін күрес тарихындағы екінші әлем чемпионы атанды.