Депутат Айдос Сарым еңбек және халықты әлеуметтік қорғау министрі Светлана Жақыповаға сауал жолдап, министрді күмәнді мәлімдемелер жасамауға шақырды. Бұл туралы Stan.kz ақпарат агенттігі хабарлайды. 

Депутат өз сауалында еңбек министрлігінің жұмыс істейтін зейнеткерлерге зейнетақы төлемдерін тоқтату туралы ұсынысының халық арасында алаңдаушылық тудырғанын айтты. 

“Мұндай шара азаматтардың еңбек ету және әлеуметтік қамсыздандыру құқығына кепілдік беретін конституцияның бабына қайшы келеді. Әрбір қазақстандықтың зейнеткерлік жасқа жеткенде де адал еңбек етуге құқығы бар, әйтпесе кәсіби ұстаздар, дәрігерлер және басқа санаттағы мамандар тапшылығын қалай шешуге болады?”, – дейді Айдос Сарым.

Зейнетақы жинақтарын шоттан шешіп алу қартайғанда алатын төлемге қалай әсер етеді

Депутат республика көлемінде экономиканың барлық саласында өткір кадрлық дағдарыс бар екенін атап өтті.  READ FULL STORY HERE>>>CLICK HERE TO CONTINUE READING>>>

“Тағы бір тенденция – Қазақстаннан шетелге жұмыс күшінің, негізінен жастардың кетуі байқалады. Мұндай тенденциялар жұмыс орындарының жоқтығынан емес, жалақының төмендігінен, еңбек жағдайларының тартымсыздығынан болып отыр”, – деді депутат. 

Депутаттың айтуынша, сараптамалар буындар арасында айтарлықтай алшақтық барын көрсеткен, бұл еңбек нарығы үшін қосымша тәуекелдерді тудырады. Бұл мәселелер елдегі кадр даярлау жүйесін терең реформалау және еңбек жағдайын жақсарту қажеттілігін көрсетеді.

“Мұндай бастамалар буындар арасында алауыздық тудырып, зейнеткерлерді жастарға қарсы қояды. Зейнеткерлер жастардың жұмысын “тартып алып жатыр” деген пікір орынсыз. Осыған байланысты алдағы уақытта әлеуметтік шиеленіс тудыратын мәлімдемелерге жол бермеуге шақырамын”, – деді депутат.

Еске салайық, бұған дейін депутат Асхат Аймағамбетов еңбек министрін жұмыс істейтін зейнеткерлерді зейнетақыдан айыруы туралы ұсынысынан кейін сынға алған еді. 

Фото: Ашық дереккөзден алынды

Елена Рыбакина Сауд Арабиясының Эр-Рияд қаласында өткен WTA қорытынды турниріндегі соңғы кездесуінде әлемнің 1-ракеткасы, Беларусь өкілі Арина Соболенкомен жолығып, үш сетте 6:4, 3:6, 6:1 есебімен жеңіске жетті. Бірақ қатарынан екі ойында жеңіліске ұшыраған Рыбакина жартылай финалға жолдама ала алмады. Осылайша, Рыбакина маусым нәтижелері бойынша іріктелген әлемнің ең мықты деген сегіз теннисшісі қатысқан турнирді сәтсіз аяқтады.

READ FULL STORY HERE>>>CLICK HERE TO CONTINUE READING>>>

Айта кетейік, Елена бірінші кездесуінде италиялық Ясмин Паолиниден (#4) ұтылса, сосын қытайлық Чжэн Циньвэньге 6:7, 6:3, 1:6 есебімен жол берген еді. 

Қазақстанда 2025 жылдан бастап жасөспірім қыздарда генетикалық аурудың бар-жоғы тексерілетін болады. Бұл туралы Stan.kz ақпарат агенттігі хабарлайды.

Фото: pixabay.com

Бұл туралы денсаулық сақтау министрі Ақмарал Әлназарова мәлімдеді. Министрдің айтуынша, жыл сайын елімізде 4,5 миллионға жуық бала профилактикалық тексеруден өтеді. Атап айтқанда, ағымдағы жылдың 9 айында 3,8 миллион бала тексерілді.

“Сонымен бірге, 2025 жылдан бастап 16-17 жас аралығындағы жасөспірім қыздарды жұлын бұлшықет атрофиясы тасымалдаушыларына скринингтік тексеру енгізіледі”, – деді ведомство басшысы Үкімет отырысында сөйлеген сөзінде.

Оның айтуынша, балалардағы мүгедектіктің алдын алу мақсатында алғашқы медициналық-санитарлық көмек көрсету ұйымдарында 1500 бала дамыту кабинеті және босану ұйымдарында 50 бақылау кабинеті жұмыс істейді. READ FULL STORY HERE>>>CLICK HERE TO CONTINUE READING>>>

Жасөспірімдер арасындағы ерте жүктілік: Бұл көрсеткіш бойынша қай аймақ көш бастады

“Соңғы 7 жылда біз санат бойынша мүгедектіктің азайғанын байқадық. Туа біткен ақаулар, деформациялар және хромосомалық ауытқулар 5,2 пайызға, жүйке жүйесі аурулары 1,7 пайызға, сонымен қатар жүйке-психикалық аурулар алдыңғы қатарға шықты. Бұл аутизмді ерте анықтау үшін диагностикалық скринингті енгізу, аутизм спектрінің бұзылуын диагностикалау және емдеу бойынша клиникалық хаттаманы бекітумен байланысты”, – деп толықтырды Әлназарова.

Еске салайық, қыркүйекте Қазақстанда адам папилломавирусына (HPV) қарсы қыздарды жаппай егу басталды.

Еске салсақ, осыған дейін Қазақстанда бала тууды жоспарлаған әрбір әйел тексеруден өтуге міндеттелетінін жазғанбыз.