Гидробиология және экология институтының эколог маманы Әсел Баймұқанова Маңғыстау облысында Каспий итбалықтарының жаппай қырылуы туралы алдын ала нәтижелерді жариялады. Ол қырылған итбалықтардың көбі буаз аналықтар екенін айтты. Бұл туралы Stan.kz ақпарат агенттігі хабарлайды.

Фото: Әсел Баймұқанованың желідегі парақшасынан

Әсел Баймұқанованың мәліметінше, 27 қыркүйек пен 30 қазан аралығында Түпқараған түбегінің жағалауынан 305 итбалық өлі табылған. 4-5 қараша күндері сол жерде жұмыс істеген комиссия тағы 121 өлексені анықтаған. Бастапқыда табылған 10 өлексенің (3%) ауыр жарақатары болған: кесілген жерлер, кесілген басы, торлар мен арқанға шырмалу белгілері. Бұл зақымдардың кейбірі кездейсоқ болғанымен қалғандары заңсыз аулаудың нәтижесі деп атап өтті маман. Өлген итбалықтардың көбінде мұндай белгілер анықталмаған.

“Зерттелген аналықтардың жартысынан көбі буаз болғаны алаңдатады, ал барлық итбалықтар семіз еді. Бұл олардың өлер алдында жас әрі өміршең болғанын көрсетеді. Олардың өлімі табиғи емес және кенеттен болғандай. Күзде итбалықтар көбейетін Солтүстік Каспийге көшеді. Қырылу теңіздің дәл осы бөлігінде олардың шоғырлану кезеңінде болды. Өлімнің себептері әртүрлі болуы мүмкін: табиғи (жер сілкінісі, табиғи газдардың шығуы), техногендік (теңіз аймақтарының ластануы), аурулар (эпидемиялар)”, – деді Әсел Баймұқанова.нова.

Ғалымдар итбалықтардың қырылуы кең таралмағанын және мәйіттер неліктен белгілі бір жерлерден ғана табылды деген сұрақтарға жауап іздеп жатыр. READ FULL STORY HERE>>>CLICK HERE TO CONTINUE READING>>>

“Жағдайды жан-жақты зерттеу үшін геологтар, мұнай мен газ өндіру мамандары, экологтар, химиктер, токсикологтар, вирусологтар және басқа да мамандардың сараптамасы қажет. Біз жинақталған барлық материалды бірлескен жұмыс үшін ұсынуға дайынбыз”, – деді гидробиология және экология институтының экологиялық ағарту жөніндегі маманы.

Еске салайық, бұған дейін маңғыстаулық фотограф Азамат Сәрсенбаев желідегі парақшасында Түпқараған ауданына қарасты Баутин ауылында дауылдан кейін 150-ден аса итбалықтың өлекселері шығарылғанын айтқан еді. Оның айтуынша, ғалымдар өлген итбалықтардың денесінен ауыр жарақаттарды байқаған. Итбалықтардың бұлай жаппай қырылу себебі нақтыланбаған еді.