Президент Қасым-Жомарт Тоқаев Астанаға жұмыс сапарымен келген Ресейдің Сыртқы істер министрі Сергей Лавровты қабылдады. Бұл  туралы Stan.kz ақпарат агенттігі хабарлайды. 

Фото: akorda.kz

Мемлекет басшысы Ресей сыртқы саясат ведомствосының басшысына ілтипат білдіре отырып, екіжақты ынтымақтастықтың достық, тату көршілік және стратегиялық серіктестік рухында қарқынды дамып келе жатқанын атап өтті. Президенттің айтуынша, бұған жоғары деңгейдегі тұрақты саяси диалог, сондай-ақ екі ел үкіметтері мен парламенттерінің үйлесімді жұмысы айтарлықтай ықпал етіп отыр.

Әңгімелесу барысында Ресей президентінің Қазақстанға жоспарланған мемлекеттік сапарына дайындық мәселесіне айрықша мән берілді. 

“Біз алдағы сапарға тыңғылықты дайындалып жатырмыз. Бұл мемлекетаралық байланыстардағы айтулы оқиға болады деп санаймыз. Екі елдің ынтымақтастығы үлгі тұтарлықтай және қарқынды дамып келеді. Осы сапар стратегиялық серіктестік пен одақтастық қарым-қатынасқа тың серпін береді”, – деді президент.  READ FULL STORY HERE>>>CLICK HERE TO CONTINUE READING>>>

Сергей Лавров Ресей мен Қазақстанның көпжақты ықпалдастығы, соның ішінде алдағы сапардың күн тәртібі үкіметтер мен сыртқы саясат ведомстволары арасында егжей-тегжейлі пысықталып жатқанын жеткізді. 

Ресей Сыртқы істер министрі Астанада Мәскеу мемлекеттік халықаралық қатынастар институтының 80 жылдығына орай ғылыми-практикалық конференция ұйымдастырғаны үшін Қасым-Жомарт Тоқаевқа алғыс айтты. 

7 қарашада сенат сот жүйесін реформалау туралы заңды мақұлдап, президенттің қол қоюына жіберді. Заң қабылданса, елдегі сот жүйесіне бірқатар өзгеріс енгізілмек. Бұл туралы Stan.kz ақпарат агенттігі хабарлайды. 

Фото: Pixabay.com

Жоғарғы сот мәліметіне сәйкес 2025 жылдың 1 шілдесінен бастап азаматтық және қылмыстық істер бойынша дербес кассация енгізіледі. Кассациялық сатыда алдын ала қарау кезеңі алып тасталады. Сәйкесінше азаматтар сот актілерін қайта қарау туралы өтінішхат емес, кассациялық шағым береді.

“Сот ісін жүргізудің барлық түрлеріне кассациялық қадағалаудың бірыңғай ережелері енгізілуде. Әкімшілік істерге ұқсас, қылмыстық және азаматтық істерді кассациялық сатыда қарау мерзімі қисынды мерзімде, бірақ 6 айдан аспайтын мерзімде жүзеге асырылады”, – делінген хабарламада.  READ FULL STORY HERE>>>CLICK HERE TO CONTINUE READING>>>

Мұнымен қоса 2027 жылғы 1 шілдеден бастап мүліктік мүдделеріне байланысты даулар бойынша жеке тұлғалардың талап қою сомасы 2 мың АЕК-тен төмен және заңды тұлғалардың талап қою сомасы 30 мың АЕК-тен төмен болуы керек деген талап алып тасталады. Бұл өзгеріс қылмыстық құқық бұзушылықтар және ұсақ қылмыстарға да қатысты болмақ.

Әкімшілік істер бойынша сот шешімі апелляциялық шағымнан кейін заңды күшіне енеді.

Сонымен қатар 2025 жылдың 1 наурызынан бастап “әкімшілік істер бойынша эксаумақтық соттылық” енгізіледі. Мұнда жауапкер әкімшілік орган болмақ. Бұл мемлекеттік органдардың қызметіне де тиімді әсер етеді делінген.

“Дербес кассациялық соттардың құрылуына байланысты Жоғарғы Соттың рөлі өзгереді. Оның негізгі мақсаты сот практикасын және сот төрелігін жүзеге асыруда заңдылықты сақтау мәселелерін зерделеу әрі қорыту болмақ”, – делінген хабарламада. 

Неміс автоөндіруші BMW компаниясының 2024 жылдың үшінші тоқсанындағы табысы 61%-ға төмендеді. Оған Қытайдағы әлсіз сатылым мен бірқатар модельдердегі техникалық ақаулар себеп болды. Бұл туралы Stan.kz ақпарат агенттігі Reuters басылымына сілтеме жасап хабарлайды. 

Фото: wallhere.com

BMW үшінші тоқсанда 1,7 миллиард еуро пайда тапқанын хабарлады. Ал өткен жылдың сәйкес кезеңінде бұл 4,35 миллиард еуро болған. 

Сарапшылар операциялық пайдадан 1,8 миллиард еуро күткен. Топ акцияларының саудасы 3%-ға төмен ашылды. Компания Қытай нарығындағы жағдайдың “қиын” болып қалатынын айтты.

Агенттік мәліметінше, қыркүйекте BMW тежегішінде ақау пайда болған. Сол себепті көлік кері қайтарылып, бұл жағдай 1,5 миллионнан астам көлікке әсер еткені. Сонымен бірге компания шамамен 320 мың автокөлікті жеткізу кешіктірілгенін атап өтті.

30 қазанда Financial Times (FT) неміс автоөндіруші Volkswagen-нің (VW) тоқсандық таза кірісі Қытайдағы сату көлемінің төмендеуіне байланысты 64%-ға төмендегенін хабарлады.

Шілдеден қыркүйекке дейін компанияның таза пайдасы 1,57 миллиард еуроға дейін төмендеді (өткен жылы бұл көрсеткіш 4,34 миллиард еуро болған). Автоконцерннің кірісі 78,5 миллиард еуроға дейін (0,5%-ға) азайған. READ FULL STORY HERE>>>CLICK HERE TO CONTINUE READING>>>

Компания 2024 жылы операциялық кірісті шамамен 18 миллиард еуро болады деп болжайды. Бұл 5,6% пайда маржасына сәйкес келеді.

Өткен жылдың тоғыз айында Қытайдағы көлік сатылымы жергілікті брендтердің бәсекелестігі салдарынан 12%-ға төмендеді. Батыс Еуропада да сату көлемі 1%-ға төмендеді.

22 тамызда BMW алғаш рет Еуропадағы электромобильдер сатылымы бойынша Tesla-ны басып озғаны белгілі болды. Сарапшылар 2024 жылдың шілде айындағы деректерді есептеп шықты. Олардың айтуынша, BMW электромобильдерінің Еуропалық Одақтағы сатылымы шамамен үштен біріне өсіп, 14 мың 869 дана болды. Осы кезеңде Tesla сатылымы 16%-ға төмендеп, 14 мың 561 дана болды.

Tesla жыл басынан бері жеткізілімдер бойынша көшбасшы болды, яғни 178 мың 700 бірлік BMW 97 мың 525-ке қарсы.