Қаржы мониторингі агенттігі жыл басынан бері 20 миллиард теңгеге жуық шығын келтірген 57 қаржы пирамидасының жолын кесті. Қылмыстық іс қозғалып, 12 миллиард теңгеден астам қаражат өтелді. Бұл туралы Stan.kz ақпарат агенттігі хабарлайды.

Фото: depositphotos.com

Мәліметтерге сенсек, Алматыда “HitBeatMusic” қаржы пирамидасын құру және басқару фактісі бойынша сотқа дейінгі тергеу аяқталды.

“Алаяқтар өздерін канадалық компанияның акционері және иесі ретінде таныстырып, музыкалық инвестициялық жоба қызметіне іс жүзінде қатысы жоқ компанияның акцияларын сатумен айналысқан. Осылайша салымшылардың қаражатын тартып, енгізілген соманың 10-нан 15%-на дейін пайдасын уәде етті. Келтірілген залал сомасы 255 миллион теңге. Сот үкімімен аталған адамдар кінәлі деп танылып, 5 жылдан 6 жылға дейінгі мерзімге бас бостандығынан айырылды”, – делінген жазбада.

Агенттік IT құралдарды пайдалана отырып, әлеуметтік желілерге талдау жасайды. Биыл қаржы пирамидаларының белгілері бар 10,5 мыңнан аса сайт сілтемелері бұғатталды. WhatsApp, Telegram және Instagram желілерінде 292 чат бұғатталған. Осылайша 2 миллионнан астам әлеуетті салымшылардың қаржы шығындарының алды алынды. READ FULL STORY HERE>>>CLICK HERE TO CONTINUE READING>>>

Айта кетейік, “Qnet”, “World Business Consulting”, “Finiko” “Antares”/”Antares Trade”, “Sincere Systems Group”/”S-Group”, “Hermes LTD”, “Life is good”, “Chia Tai Tianding”/”Chia Tai Pharmaceutical” “Energy Eolus Oazqstan”/”Eolus” сияқты елде жұмыс істейтін қаржы пирамидаларының құрылымдық бөлімшелерінің ұйымдастырушылары жауапқа тартылды.

Агенттік адам ақша салғысы келетін компанияны қаржы пирамидасының белгілеріне тексеруге мүмкіндік беретін телеграм ботты іске қосты.

Еске салайық, бұған дейін Астананың қылмыстық істер жөніндегі мамандандырылған ауданаралық соты Ресей азаматын аса ірі көлемдегі ақшаға қатысты трансұлттық ұйымдасқан топты құрып, басқарғаны және қаржы пирамидасын ұйымдастырғаны үшін 11 жылға бас бостандығынан айырды. Ер адам “Questra Holding ins” компаниясын құрып, кейін 2016 жылы бірі инвестициялық компания ретінде “Atlantic Global Asset Management”, екіншісі брокерлік компания “Questra World” болып екі компанияға бөлінді. Қылмыстық іс-әрекеттердің салдарынан қылмысқа қатысушылар Қазақстанның 529 азаматына жалпы сомасы 1 миллиард теңгеден астам материалдық залал келтірді.

Теннистен Қазақстан жасөспірімдер құрамасы Дэвис кубогінде тарихи нәтижеге қол жеткізді. Бұл туралы Stan.kz ақпарат агенттігі хабарлайды.

Фото: ҰОК

Анталияда (Түркия) Megasaray Tennis Academy ашық грунтты топырақта өтіп жатқан Juniors Davis Cup плей-оффына шыққан алғашқы қатысушылар анықталды. Топтық кезеңнің екінші күнінде теннистен Қазақстан командасы Гонконг құрамасын жеңді. Айта кетсек, мамыр айында Шымкентте өткен Азия іріктеу турнирінің жартылай финалында аталған командамен кездесу өткен еді. Сол ойында Қазақстан 2:1 есебімен жеңіске жетті. 

Қос команда арасындағы сайыстың алғашқы матчын Дамир Жалғасбай (#198 ITF Juniors) мен Николас Чэн (#298 ITF Juniors) бастады. Алғашқы сетте Дамир 6:2 есебімен жеңіске жетті. Екінші кезеңде Гонконг құрамасының өкілі 6:4 есебімен айласын асырды. Шешуші сетте Дамир 6:3 есебімен жеңіп, мамыр айындағы іріктеуде Чэнге кеткен есені қайтарды.

Келесі ойында Заңғар Нұрланұлы (#77 ITF Juniors) Джек Чэнді (#205 ITF Juniors) жеңді. Бұл ойында тек алғашқы сетте ғана тартысты бәсеке болды, онда Заңғар 6:3 есебімен жеңіске жетті. Екінші сетте Қазақстан теннисшісі қарсыласына еш мүмкіндік қалдырмай 6:0 есебімен басым түсті. READ FULL STORY HERE>>>CLICK HERE TO CONTINUE READING>>>

Осылайша, Қазақстан құрамасы өз тарихында алғаш рет Juniors Davis Cup жарысының ширек финалына мерзімінен бұрын жолдама алды.

Айта кетейік, 13 қараша күні Қазақстан құрамасы Францияға қарсы ойнайды. Екі команда да әлем чемпионатының ширек финалына жолдама алған.

Маңғыстау облысында мыңға жуық адам ақшасын алмаз өндірісіне инвестицияға саламын деп алданып қалды. Жәбірленушілердің айтуынша, қаражатты жинап алған компания басшысы елден қашып кеткен. Қазір Қаржы мониторинг агенттігі сотқа дейін тергеу жүргізіп жатыр. Салымшылар қылмыстық істің бабын өзгертіп, Ақтауда қаралсын деген талап қойды. Бұл туралы Stan.kz ақпарат агенттігі Информбюро бағдарламасына сілтеме жасап хабарлайды.

Фото: Видеодан скрин

Мәліметтерге сенсек, Ақтаудың прокуратура ғимараты алдына жиналған жұрттың көбі 2019 жылы мүлкін сатып, қолындағы қаражатын “Sax Invest” компаниясына санап берген. Айтуларынша, жарнамасы жер жарған компания халықты алмаз өндірісіне инвестиция салуға үгіттеген. Осылайша құйған қаражаттың үстінен ай сайын 2 пайыз пайда түсіп отырады деп сендіргенін айтады.

“Біз сол кісіге бала-шағамызға деп жинап отырған бүкіл қаражатымызды салғанбыз. Оның бер жағында өзгерістер болып, бізге мынадай міндеттеме қағазын берді. Осындай уақытта қайтарамыз ақшаны деп уәде берді. Қол хат жазып бергенімен ол кісі бұдан кейін хабарсыз кетті. Тек әлеуметтік желіден Анголадан жүргенін бақылаймыз. Біздің ақшамызды қайтарсын. Алаяқтық жолмен алдап, біздің ақшамызды қайтармай отыр”, – деді тұрғын Гүлшар Берғарина.

Маңғыстаулық тұрғындар компанияға 5 миллион теңге көлемінде ақша санап бергендерін айтады. Бүгінде елордада “қаржы пирамидасын құрды және ұйымдастырды” деген бап бойынша қозғалған қылмыстық іс тергеліп жатыр. Алайда жиналған қауым істің бабын өзгертіп, Ақтауда қарауды сұрайды.

“Бұл кісі бізге келіп өз компаниясын жарнамалап, акцияға инвестиция саласыңдар деп алдады. Оның сөзіне сеніп, мен көлігімді сатып, 10 мың доллар салдым. Міне, 5 жыл бойы табыс түгілі, өз ақшамызды ала алмай отырмыз. Ақшамызды қайтар десек, Анголада жұмыс істеп жатырмын деп уәдеге сендіріп келді. Құзырлы органдар істің Маңғыстау облысында “Алаяқтық” бабы бойынша тергеуді сұраймыз”, – деді қала тұрғыны Алла Гафулер. READ FULL STORY HERE>>>CLICK HERE TO CONTINUE READING>>>

Арызын арқалаған жұртпен Маңғыстау облыстық прокуратурасының басқарма басшысы Данияр Төлегенов жеке кездесіп, түсіндіру жұмыстарын жүргізген.

“Астана қалалық экономикалық тергеу департаментімен қылмыстық кодекстің 217-бабының 3-бөлігімен сотқа (Қаржылық пирамиданы құру және оған басшылық ету) дейінгі тергеп-тексеру жүргізіліп жатыр. Осы іс бойынша аталған органмен күдікті тұлғалар ұсталды. Бұдан басқа тергеу әрекеттері тағы да жалғасады. Сонымен қатар бүгін Маңғыстау облысы прокуратурасының басшылық құрамымен осы салымшыларға жеке қабылдау жүргізілді, тиісті заңды түсіндірме берілді”, – деді прокурор.

Қаржы мониторинг агенттігінің мәліметінше, компания 9 миллиард теңгеге жуық шығын келтірген. Сонымен қатар агенттік осыдан бір ай бұрын “Sax Invest” қаржы пирамидасын ұйымдастырушылардың бірі ұсталып, уақытша ұстау изоляторына қамалғанын мәлімдеген еді.

Еске салайық, бұған дейін қаржы мониторингі агенттігі жыл басынан бері 20 миллиард теңгеге жуық шығын келтірген 57 қаржы пирамидасының жолын кескенін жаздық. Қылмыстық іс қозғалып, 12 миллиард теңгеден астам қаражат өтелді. Айта кетейік, “Qnet”, “World Business Consulting”, “Finiko” “Antares”/”Antares Trade”, “Sincere Systems Group”/”S-Group”, “Hermes LTD”, “Life is good”, “Chia Tai Tianding”/”Chia Tai Pharmaceutical” “Energy Eolus Oazqstan”/”Eolus” сияқты елде жұмыс істейтін қаржы пирамидаларының құрылымдық бөлімшелерінің ұйымдастырушылары жауапқа тартылды.