Қаржы мониторингі еріктілер қозғалысының белсендісі және қоғамдық қайырымдылық қорының құрылтайшысы Перизат Қайратқа қатысты тергеу басталғанын мәлім етті. Ол көктемгі су тасқынынан зардап шеккен азаматтарға көмектесу үшін жиналған 1,5 миллиард теңгеден астам қаражатты жымқырды деп күдікке ілінді. Бұл туралы Stan.kz ақпарат агенттігі хабарлайды.

Фото: Іnstagram/01pk

Қайырымдылықтың негізгі бөлігі қымбат сән бұйымдары мен жылжымайтын мүлікті сатып алу мақсатына пайдаланылды. 

Биыл көктемде ол елордадағы автосалондарда 88 миллион теңгеге “Mercedes-Benz S450”, 80 миллион теңгеге “Lexus LX-600” және 39 миллион теңгеге “Haval” автокөліктерін сатып алды.

Осы кезеңде ол жалпы сомасы 600 миллион теңгені құрайтын елорданың премиум санаттағы “Akbulak Riviera”, “Highvill Ishim Gold”, “Көк Жайлау” тұрғын үй кешені (тұрақ орындарын қоса алғанда), сонымен қатар “Vela Village” коттедж қалашығында жылжымайтын мүлік нысандарын сатып алды. READ FULL STORY HERE>>>CLICK HERE TO CONTINUE READING>>>

Сонымен қатар, қазақстандықтардың қайырымдылыққа жіберген қаражат есебінен Перизат Қайрат Дубай, Доха, Лондон және Ыстамбұлдағы “St.Regis”, “Shangri-La”, “Palazzo Versace” және “Kempinski” сияқты бес жұлдызды қонақ үйлерде демалған.

Бұл елдерде ол “Cartier” және “Louis Vuitton” сияқты брендтердің қымбат аксессуарлары мен зергерлік бұйымдарды сатып алып, фешенебельді мейрамханаларға барып, яхталарды жалдаған. Қылмыстық схеманы жүзеге асыру үшін достары мен туыстарына 8% сыйақы беріп, қордың ақшасы қолма-қол ақшаға айналдырып отырған.

Осылайша, Перизат Қайрат өзінің заңсыз әрекеттерімен еріктілер қозғалысының беделіне нұқсан келтіріп, оның ашықтық пен адалдық принциптеріне күмән келтірді және халықтың сеніп тапсырған қаражатын талан-таражға салған. Күдікті ұсталды.

Жетісу облысы Жаркент қаласында 14 қарашаға қараған күні 74261 әскери бөлімінің инженерлік қызмет бастығы капитан Дархан Дәулет мерт болды. Әскеридің жақындары оны үш сарбаз майордың тапсырмасымен соққыға жығып өлтірді дейді. Ал қорғаныс министрлігі мұндай нұсқаны жоққа шығарып отыр. Марқұмның әпкесі Гүлмира Мәулетқызы істің әділ өтіп, толыққанды ақпараттың саралануын талап етеді. 

14 қараша сағат 01:00 шамасында 74261 әскери бөлімін бақылау тобының құрамында жетекшілік ететін 26 жастағы Дархан Дәулеттің мәйіті табылды. Желіде тараған ақпарат бойынша жігітті 3 сарбаз жабылып соққыға жыққан.

Әпкесі жігіттің Жаркенттегі әскери бөлімде қызмет еткеніне небәрі 3 ай болғанын айтады. Бұған дейін Отарда, Алматыға қызмет етіпті. Өзі жаркенттік болғандықтан, осы жерге ауысқысы келген. 

“Дәулет – үйінің тұңғышы. Сол үшін ата-анасының жанында оларға қолғабыс еткісі келіп жүрді. Сәті түсіп, қыркүйекте ауысты. “Енді жұмысың қалай, ұнап жатыр ма?” деп сұрағанымда, “болады, ақырындап” деп қысқа қайыратын. Тіпті үйленіп, отбасылы болып та үлгермеді”, – деді әпкесі.

Дәулет Дарханның жақындары істің қай баппен қозғалғаны, тергеу бойынша істің мән-жайынан хабарсыз. Қорғаныс министрлігі бәрін жасырын ұстап отыр дейді. Олар тек сот-медициналық сараптама қорытындысын күтіп отыр. Алайда оларға жеткен және желіде тараған ақпарат бойынша үш сарбаз Дәулетке тиісіп, араларында жанжал шыққан. Ал тағы бір нұсқа бойынша объектілердің диверсияға қарсы жоспардан тыс оқу-жаттығуларды өткізу кезінде қауіпсіздік ережелері бұзылып, оқыс оқиға болды. 

“Қатардағы жауынгерлер Нұрман Әбсадық, Бақберген Рустамұлы, Аят Шәкір капитанға жабылған дейді. Содан соң аяқ-қолын байлап, 74261 әскери бөлімінің спорт қалашығына қарай апарып, оны сол жерде қалдырып кеткен. Дәулеттің ес-түссіз жатқанын спорт қалашығының жанынан өтіп бара жатқан аға лейтенант Сүйіндік байқаған. Ол наряд пен кезекші дәрігерді шақыртты. Жедел жәрдем келгенше ол мерт болып кетті. Сарбаздарға Дәулетті ұрсын деп әскери бөлімнің командирі майор Қазтай тапсырма берген дейді”, – деді Гүлмира Мәулетқызы. READ FULL STORY HERE>>>CLICK HERE TO CONTINUE READING>>>

Мәулетқызы аталмыш ақпарат сондағы әскерилер арасында тарап жатқанын айтады. 

“Өлімнің алдын ала себебі – қылқындыру дейді. Офицерлер чатында қауіпсіздік ережесі бұзылған деп жазылды. Сол кезде Дәулеттің аяқ-қолын байлап, сыртқа шығарып тастаған деп айтады. Шындық ашылмай қалады деп қорқамыз. “Абайсызда кісі өлімі” немесе “Қауіпсіздік шараларын бұзу” деп жалтарып кететін сияқты, бірақ ол қисынға сыймайды”, – деді марқұмның жақыны.

Stan.kz тілшісі қорғаныс министрлігінен жағдай бойынша пікір сұрады.

“14 қарашада диверсияға қарсы қауіпсіздік бойынша жоспардан тыс сабақтар өткізу барысында қауіпсіздік шараларын бұзу салдарынан Жаркент гарнизоны әскери бөлімдерінің бірінің офицері алған жарақатынан мерт болды. Аталған факті бойынша қылмыстық іс қозғалды, тергеу мүддесі үшін өзге де ақпарат жария етілмейді.      

Құрлық әскерлерінің қолбасшылығы марқұмның туыстары мен жақындарына көңіл айтады, оларға барлық қажетті көмек көрсетіледі”, – деп мәлімдеді құрлық әскерлерінің баспасөз қызметі Меруерт Мақашева. 

Қарағанды облысының кәмелетке толмағандардың істері жөніндегі мамандандырылған ауданаралық соты полиция басқармасының кәмелетке толмағанды арнаулы білім беру ұйымына 1 жылға жіберу туралы арызы бойынша азаматтық істі қарады. Бұл туралы Stan.kz ақпарат агенттігі хабарлайды.

Фото:depositphotos.com

Мәліметтерге сенсек, арызда Қарағанды агротехникалық колледжінің 16 жастағы 2-курс студентінің сабаққа бармауы, ата-анасының ұлына тәрбие бермеуі, оған көңіл бөлмеуі және оқуын қадағаламауы туралы айтылған.

Сот жасөспірімнің 71 жастағы науқас әжесіне күтім жасауына байланысты сабақты шынымен босатқанын және білім алғысы келетінін растады.

Сонымен қатар ол бейресми табысының бір бөлігін әжесіне беріп, қалғанын үй қажеттіліктеріне (отын мен көмір сатып алуға) және киім-кешекке жұмсаған.

“Есепте тұрмаған, қаңғыбастық, алкогольдік ішімдіктерді немесе есірткі заттарын тұтыну фактілері байқалмаған, қоғамдық тәртіпті бұзбаған, қылмыстық немесе әкімшілік жауапкершілікке тартылмаған, полициялық есепте жоқ. Ата-анасы бала тәрбиесіне көңіл бөлмеген және оған қамқорлық көрсетпеген, олар басқа қалада тұрады”, – делінген Жоғарғы сот хабарламасында.

Анаға “Кәмелетке толмаған балаларын тәрбиелеу, оқыту және бағып-қағу бойынша өз міндеттерін орындамаған ата-ана” санаты бойынша есепке алынып, алкогольдік ішімдіктерді ішкені және ата-анасының баланы тәрбиелеу, оқыту және күтіп-бағу жөніндегі міндеттерін орындамағаны үшін әкімшілік жауапкершілік қарастырылды. READ FULL STORY HERE>>>CLICK HERE TO CONTINUE READING>>>

Студенттің әкесі ата-ана ретінде ұлына дұрыс көңіл бөлмегені үшін кінәсін мойындап, басқарманың мәлімдемесімен келіспейтінін білдірді.

“Прокурор арыздан бас тарту туралы шешім қабылдады. Осыны ескерген сот полиция басқармасының арызын қанағаттандырудан бас тартты. Алдағы уақытта кәмелетке толмағандардың құқықтарының бұзылуына жол бермеу мақсатында уәкілетті органдарға арнайы ұйғарым шығарылды. Сот әлеуметтік және отбасын дамыту ұйымдарымен бірлесіп кәмелетке толмағанды кешкі мектепке қабылдау шараларын қабылдады”, – деді Жоғарғы соттағылар.

Шешім заңды күшіне енді.