Германия канцлері Олаф Шольц пен Ресей президенті Владимир Путин араға екі жыл салып, алғаш рет телефон арқылы сөйлесті. Шамамен бір сағатқа созылған әңгімеде Германия канцлері Путинге соғысты тоқтатуды талап етсе, Ресей өз тарапынан әрекетінің дұрыс екенін алға тартты. Бұл туралы Stan.kz ақпарат агенттігі ВВС порталына сілтеме жасап хабарлайды. 

Фото: Reuter/DPA

Қоңырау Германия тарапынан бастама ретінде ұйымдастырылды. Бұған дейін Ресей мен Германия басшылары 2022 жылдың желтоқсанында телефон арқылы сөйлескен.

Путин мен Шольцтің арасындағы әңгіме шамамен бір сағатқа созылған. Әңгіме барысында Германия канцлері Ресейдің Украинаға қарсы агрессиясын айыптап, бәрін тоқтатуды сұрады. Сонымен қатар, Шольц Германияның Украинаға қолдау көрсетуді жалғастыратынын және оны барынша қолдайтынын мәлімдеді. Ол сондай-ақ, “әділ және тұрақты бейбітшілік” орнату үшін келіссөздер жүргізуге шақырды.

Путин өз кезегінде Украинаға қатысты бұрынғы позицияларын сақтайтынын ашық айтты. Ол қазіргі жағдайды “НАТО-ның ұзақ жылдар бойы жүргізген агрессивті саясатының салдары” деп атады. Путин келіссөзді “жаңа аумақтық шындықтар” негізінде жүргізу керек деп мәлімдеді.  Яғни Ресейдің жаулап алған аумақтарын өзінде қалдыруды талап етті.

Кремльдің хабарламасы бойынша, Путин Ресейдің келіссөздерге ашық екенін және Германиямен, әсіресе энергетика саласында, ынтымақтастыққа дайын екенін атап өтті. Ресейдің баспасөз хатшысы Дмитрий Песков әңгіме Германия тарапынан басталғанын және диалогты жалғастырудың маңыздылығын баса айтты. Алайда пікірталастардың бар екенін де жоққа шығармады.

Батыс елдері Ресеймен ынтымақ орнатуға ұмтыла ма? Украинаға көмек ше?

Деректерге сүйенсек бұл әңгіме 2022 жылдан бері Ресей президентімен тікелей байланысқа шыққан бірінші батыс көшбасшысы болып табылатын Шольц үшін маңызды қадам болды. Одан бқлек бұл, Батыс елдерінің Ресеймен байланыстарды нығайтуға деген ұмтылысын білдіреді. READ FULL STORY HERE>>>CLICK HERE TO CONTINUE READING>>>

New York Times газетінің мәліметінше, бұл әсіресе, АҚШ-тағы сайлаудың нәтижелерімен байланысты болып отыр. Енді Украинаға қолдау көрсеткен Батыс саясаты өзгеруі де мүмкін.

Бұл екі елдің президенттерінің бір-біріне қоңырауы Украина үшін қиын болды. Себебі онсыз да  үшінші жыл қатарынан Ресейдің шабуылына қарсы тұрып келген ел энергетикалық инфрақұрылымның айтарлықтай бүлінуі жағдайында. Сонымен қатар, АҚШ-та Дональд Трамптың жеңісі Украинаға Батыс тарапынан көрсетілетін көмекке тағы да күман тудырды. Германия Украинаға қолдау көрсетіп отырған АҚШ-тан кейінгі екінші үлкен ел.

Дегенмен Шольц Путинге хабарласпас бұрын Украина президенті Владимир Зеленскиймен байланысқа шықты.

Зеленский Шольцтің Путинмен байланысқа шығатынына наразылық білдірді. Ол бұл оқиғадан кейін Путиннің көптен күтіп жүргеніндей басқа елдерден де қоңырау күтетінін мәлімдеді. Зеленскийдің айтуынша, Путин “нақты бейбітшілікке” емес, “үзіліс алу” үшін уақыт ұтуға ұмтылып отыр.

Шольц бұған дейін Путинмен G20 саммитіне дейін тікелей сөйлесуді жоспарлағанын айтқан еді. АҚШ пен Еуропалық одақтың серіктестерімен тығыз байланыста болатынын да мәлімдеді.

Дегенмен Шольц өзінің парламенттегі сөзінде Германияның елде қанша дағдарыс болып жатса да Украинаға қолдау көрсетуін жалғастыратынын атап өтті.

Осылайша, Шольц пен Путиннің телефон әңгімесі Батыс дипломатиясы үшін маңызды қадам болды. 

Мұхаммед пайғамбардың тікелей ұрпағы болып саналатын Садруддин Ага-Ханның қалыңдығына жасатқан изумрудты бұйымы әлемдегі аукционда ең қымбатқа сатылған зат болып, жаңа құндылық рекордын орнатты. Бұл туралы Stan.kz ақпарат агенттігі CBS News порталына сілтеме жасап хабарлайды. 

Фото: Denis Balibouse / Reuters

Исмаилит-низарит имамы Ага Хан III-тің ұлы ханзада Садруддин Ага Ханның изумруд   Cartier брошы аукционда ұсынылды.

Гауһар тастармен безендірілген изумруд түйреуіш бұйым рекордтық 9 миллион долларға сатып алынды. Осылайша, Садруддин Ага Ханның изумруды әлемдегі ең қымбат жасыл тасқа айналды. Сарапшылар изумрудтың ерекше формасын атап өтті. Ол жұқа және тегіс. Әдетте бұйымның жұқалығы тастың түсіне теріс әсер етеді. Бірақ дәл осы ханзаданың әшекейі әлі де біркелкі жасыл түсте өңін жоғалтпаған.  READ FULL STORY HERE>>>CLICK HERE TO CONTINUE READING>>>

Садруддин Ага-Хан Мұхаммед пайғамбардың тікелей ұрпағы болып саналады. Ол 1960 жылы өзінің қалыңдығы Нина Шейла Дьерге арнап Cartier бұйымын арнайы жасауға тапсырыс берген. Оның өтініші бойынша брошь 37 караттық изумрудпен және 20 арнайы кесілген маркиз гауһар тастарымен безендірілген.

1969 жылы Дьера жануарларға көмектесу мақсатында қаражат жинау үшін изумрудты аукционға шығарды. Оны француз зергерлік компаниясы Van Cleef & Arpels 580 мың швейцариялық франкке (64 миллион рубль) сатып алды. Бірнеше жылдан кейін асыл тас гауһар патша лақап атымен танымал Гарри Уинстонның қолына өтті. Ол брошьден кулон жасады. 2024 жылдың қарашасында Садруддин Ага-Ханның сыйлығы аукционда қайта пайда болды.

Диетолог Лариса Габдулхакова онкологиялық ауру тудыратын тағамдар түрін атады. Айтуынша қатерлі ісік ауруының пайда болуына бірінші дұрыс тамақтанбау әсер етеді. Бұл туралы Stan.kz ақпарат агенттігі “Известия” басылымына сілтеме жасап хабарлайды. 

Фото: pixabay.com

Габдулхакованың айтуынша, онкологиялық аурулар фаст-фуд, өңделген, құрамы жасанды, сондай-ақ қуырылған тағамдарды көп тұтынғаннан пайда болуы мүмкін.

“Сонымен қатар, алкогольді сусындар, қуырылған, жоғары көмірсутекті тағамдарды және қантты жиі тұтыну қатерлі ісіктің пайда болуына ықпал етеді”, — деді нутрициолог. READ FULL STORY HERE>>>CLICK HERE TO CONTINUE READING>>>

Сарапшы сонымен қатар ұн, ақ күріш, маргарин, ақ нан және шұжықтардың зиянды өнімдер екенін атады. Ғабдулхакова мұндай тағам қоректік заттар бермейтініне сенімді. Айтуынша олар дене ресурстарының сарқылуына және онкологиялық аурулардың дамуына әкеледі.

“Шын мәнінде, қатерлі ісік тек бейімділік емес, сонымен қатар иммундық жүйенің, антиоксиданттық жүйенің, детокс жүйесінің (бауырдың) жұмысы және тапшылықтың болуы сияқты сыртқы факторлардан туындайды”, — деп қорытындылады маман.