Дзюдодан әлем чемпионатының екі дүркін қола жүлдегері Абиба Әбужақынова жаңа атаққа ие болды. Бұл туралы  Stan.kz ақпарат агенттігі хабарлайды.

Фото: Дзюдо федерациясы

Абиба Әбужақынова Ақтөбеде өткен Қазақстан чемпионатында жаңа атаққа ие болды. Ол ҚР еңбек сіңірген спорт шебері атанды. Оған куәлікті Туризм және спорт министрі Ербол Мырзабосынов табыс етті. 

“Дзюдодан ҚР еңбек сіңірген спорт шебері атандым. Ақтөбеде өтіп жатқан дзюдодан Қазақстан чемпионаты аясында Туризм және спорт министрі Ербол Қуантайұлы Мырзабосынов куәлік табыстады. Сондай-ақ, Елдос ағам алтын нашивкасына қол жеткізді. Елдос ағамның жолын берсін деп ырымдадым”, – деп жазды Абиба өзінің әлеуметтік желідегі парақшасында.  READ FULL STORY HERE>>>CLICK HERE TO CONTINUE READING>>>

Айта кетейік, Сметовке осы біріншілік аясында Халықаралық дзюдо федерациясы жіберген (IJF) арнайы “алтын жазу” табысталды. 

Анкараның ұстанымына байланысты Ицхак Герцог Бакудегі БҰҰ-ның климаттың өзгеруі тақырыбындағы конференцияға сапарын тоқтатуға мәжбүр болды. Осылайша Израиль министрлері Грузия арқылы Әзірбайжанға келді. Бұл туралы Stan.kz ақпарат агенттігі Trthaber.com порталына сілтеме жасап хабарлайды.

Фото: report.az

Израиль президенті Ицхак Герцог Түркияның әуе кеңістігін пайдалануға тыйым салуына байланысты Әзірбайжанда өтетін БҰҰ-ның климаттың өзгеруі жөніндегі конференциясына (COP29) сапарынан бас тартты. 

Израиль басшысы Ицхак Герцогтың сапары кезінде ресми Wing of Zion ұшағына мінуге тиіс еді. Алайда форумға қатысып жатқан израильдік министрлер Грузия арқылы коммерциялық әуе рейстерімен Бакуге жеткен.

Yedioth Ahronot басылымының дерегінше, дипломатиялық арналар арқылы қарқынды келіссөздер бірнеше күн бойы жүргізілгенімен нәтижесіз аяқталды. Сонымен бірге ресми Баку климат конференциясына қатысушылардың бәріне қажетті жағдай жасағанын атап өтті.

Израиль президентінің кеңсесі сапардың қауіпсіздік мәселелеріне байланысты тоқтатылғанын мәлімдеді. Алайда Caliber.az порталына Әзірбайжан Сыртқы істер министрлігінің жоғары лауазымды өкілі берген сұхбатта, Герцогтың конференцияға бара алмауы Анкараның ұстанымына байланысты екенін атап өтті. READ FULL STORY HERE>>>CLICK HERE TO CONTINUE READING>>>

COP29 конференциясы 11-22 қараша аралығында Бакуде өтуде. Форумның негізгі тақырыбы – 2025 жылдан бастап климат өзгерістеріне қарсы күрес шараларын қаржыландыру. Сарапшылар бұл шаралардың жылдық құнын кемінде 1 триллион долларға (940 миллиард еуро) бағалап отыр. Сонымен қатар конференцияда атмосфераға парниктік газдар шығарындыларын азайту бойынша алдағы жұмыс талқыланбақ.

Еске салайық, бұған дейін шілдеде Түркия президенті Режеп Тайып Ердоған қажет болған жағдайда түрік әскерлері Израиль аумағына кіреді деп мәлімдеді. Ердоған мәлімдеме жасап, палестиналықтарға жақтасу керек екенін айтты. Түркия ұлттық келісім үкіметінің күштеріне көмек көрсету үшін 2020 жылы Ливияға әскер жіберді. Сонымен қатар түрік әскерилері Таулы Қарабақтағы операциялары кезінде Әзірбайжан армиясына көмектесті.

Ұлттық тасымалдаушы Алматы вокзалынан “Jibek joly” туристік пойызын жолға шығары салды. Пойыз “Алматы-Түркістан-Ташкент-Алматы” бағыты бойынша жүреді. Турдың ұзақтығы 5 күн, яғни 2024 жылдың 16 қарашасынан 20 қарашасына дейін. Алғашқы сапарға барлығы 115 жолаушы шықты. Бұл туралы Stan.kz ақпарат агенттігі хабарлайды. 

Фото: ҚТЖ

Аталған жобаны туризмді дамыту стратегиясы аясында Көлік министрлігі мен Туризм және спорт министрлігі, “Қазақстан темір жолы” ұлттық компаниясы Алматы және Түркістан қаласы әкімдіктерімен бірлесіп  жүзеге асырды. Оны жүзеге асыруға “Өзбек темір жолдары” компаниясының серіктестері де атсалысқан. 

“Туристер бір күн Түркістанда, екі күн Ташкентте болады. Олар осы күндер ішінде қалалардың басты көрікті және киелі жерлерін аралайды. Жолаушыларға ыңғайлы болу үшін барлық экскурсиялар кәсіби гидтердің қатысуымен жүргізіледі. Маршрут бойынша саяхат туристік автобустармен қамтамасыз етіледі. Пойыз құрамында бұрын басқа бағыттарда пайдаланылмаған Қазақстанда жасалған жаңа 5 вагон бар. Туристік пойыздың экипажында пойыз бастығы, сегіз жолсерік және электрик болады”, – деді “Жолаушылар тасымалы” АҚ бас директорының орынбасары Мұхит Тұрсынбаев.

Фото: ҚТЖ READ FULL STORY HERE>>>CLICK HERE TO CONTINUE READING>>>

Пойыздың сыртында мемлекеттік ту бейнеленген. Ал ішкі жағында ұлттық ою-өрнектермен безендірілген алтын реңктегі төсек-орын жабындары қолданылып, ерекше атмосфера жасайды. Вагон-мейрамхана дәстүрлі стильде безендіріліп, ұлттық және еуропалық тағамдардан тұратын ас мәзірін ұсынады.

Туристік пойызға билеттер туристік агенттіктер арқылы қолжетімді болды.

Фото: ҚТЖ