Cу тасқынынан зардап шеккендерге жиналған 1,5 миллиард теңгені жымқырды деп күдікке ілінген “Biz birgemiz” қорының негізін қалаушы Перизат Қайратты қаралайтын деректер әлеуметтік желіде таралып кетті. Соның бірі Қайраттың өзі оқыған колледж жатақханасында телефон ұрлап, оқудан шыққаны туралы ақпарат болды. Stan.kz тілшісі Перизат Қайрат оқыған “Маңғыстау өнер колледжі” мен Эстрада-цирк колледжіне желіде тараған ақпараттың рас-өтірігін анықтау үшін хабарласты. 

Фото: instagram.com/01pk

“Маңғыстау өнер колледжі” МКҚК Қасенғалиева Перизат Қайратқызының оқу орнына 2006-2007 оқу жылы “Хорда дирижерлік ету” мамандығы бойынша 1-курсқа қабылданғанын мәлімдеді. Кейін 2008 жылы Алматы қаласындағы Ж.Елебеков атындағы Эстрада-цирк колледжіне ауысып кеткен.

Алайда оның басқа оқу орнына не себепті ауысып кеткенін айтудан бас тартты. 

Екі оқу орнында да Перизат Қайрат бір жыл, бір жылға жетпейтін уақыт оқыған. 

Сондай-ақ Ж.Елебеков атындағы Эстрада-цирк колледжі Перизат Қайраттың оқудан шығып қалғанын растады.

“Колледж мұрағатынан Перизат Қайрат (Қасенғалиева) туралы келесі мәліметтер табылды. Қасенғалиева Перизат – 2008 жылы ақпан айының екінші жарты жылдығынан бастап, Маңғыстау өнер колледжінен ауысуына байланысты 1-курс “Жеке ән салу” бөліміне бюджеттік оқу түріне қабылданған. “Жеке ән салу” бөлімінің 2-курс студенті Қасенғалиева Перизат 2008 жыл қазан айының 24-нен бастап өз еркімен оқудан шығарылған. П. Қасенғалиеваға академиялық анықтама берілген”, – деп мәлімдеді колледжінің баспасөз қызметі.

READ FULL STORY HERE>>>CLICK HERE TO CONTINUE READING>>>

Фото: Stan.kz

Айта кетейік, желіде Перизат Қайратпен бірге бұрын бір колледжде оқыдым деген бейтаныс қыздың видеосы тарады. Ол өзінің эстрада-цирк колледжінде Перизат Қайратпен бірге оқығанын алға тартты. 

“Сол кезде Ақтаудың колледжінен 2-курсқа Қасенғалиева Перизат деген қыз ауысып келді. Бір жарты жылға жетпейтін аз уақыт ішінде оның артынан жатақханада телефон, камераларды ұрлап, соның ақшасымен күн көретіні туралы әңгіме тарайды. Ол қызды кейін тіпті оқудан шығарып жіберді. Кейде сол қыз қайда кетті екен деп ойлайтын едім”, – деді ол видеода.

Ж.Елебеков атындағы Эстрада-цирк колледжі желіде тараған ұрлыққа қатысты ақпаратты жоққа шығарды.  

“Колледж мұрағатында П. Қасенғалиеваның ұрлық жасағаны үшін оқудан шығарылғаны туралы мәліметтер жоқ”, – делінген жауапта.

Еске салсақ, бұған дейін ерікті Перизат Қайрат су тасқынынан зардап шеккендерге жиналған 1,5 миллиард теңгені жымқырды деп күдікке ілінгенін жаздық. Ведомство оның заңсыз әрекетінің тағы бір эпизоды анықталғанын алға тартты. Ол Палестинаға жиналған қаражаттан тағы 200 миллион теңге жымқырған. Осылайша Перизат Қайрат 2 айға қамауға алынды.

Белгілі продюсер, медиаменеджер Жан Мұқанов экс-жобасы, әнші Төреғали Төреәлімен даулы жанжалдан кейін кай кезде жолыққанын есіне алды. Бұл туралы Stan.kz ақпарат агенттігі хабарлайды. 

Фото: https://vk.com/photos76185951

Шоу-бизнес өкілінің сөзінше, әншімен ат құйрығын кесісіп, араласпай кеткен. 

“Араға үш жыл салып, Шымкентте көрісеміз. Ол кезде Шымкентке көшіп кеткенмін. Кеңсемде отырдым. Екеуміздің ортақ танысымыз бар. Ол кісі де танымал той-мереке ұйымдастырушысы. Ол менен бір әртіске өнер көрсетуге домбырамды бере тұруын сұрайды. Менің домбыралар коллекциям бар. Артық ойсыз, өтінішін қабыл алдым. Домбырамды бердім. Өзі келіп, алып кетті. Бірақ бірнеше сағаттан соң маған хабарласып, “Сен ренжімейсің деп ойлаймын. Бұл домбыраны мен Төреғалиге бердім” дейді. Мен ренжіген жоқпын. Ол кезде мен бәрін ұмытып, ренішім басылған”, – деп әңгімесін бастады продсюер.

Айтуынша, әнші экс-продюсерімен өзі жолығуды қалап, кешірім сұрағысы келген. READ FULL STORY HERE>>>CLICK HERE TO CONTINUE READING>>>

“Сөйтіп үш жылдан кейін кездестік. Мен оған шапалақ берем деп ойладым. Ол да мені ұратын шығар деп ойлағанын айтты. “Сіз мені ұрсаңыз да, мен соған лайық едім” деді. Соңында құшақтасып, жыладық. Шынымды айтсам, мен оны қатты жақсы көрдім, жақсы көремін де. Мен продюсерлік еткен жұлдыздардың арасында Төреғали бірегейі еді. Мен бұл жобамды мақтан тұтамын. Біз тарих жасадық. Аз уақыт ішінде 10, 20, 30 мыңдық стадиондарды жинау кез келген әртістің қолынан келе бермейді”, – деді Жан Мұқанов.

Еске салайық, “Өте нашар қоштастық” деп Жан Мұқанов әнші Төреғали Төреәлімен араласпай кеткенін мойындаған еді. 

Қазақстанда доллар бағамының көтерілуіне орай Ұлттық банк квазимемлекеттік сектор субъектілерінің валюталық түсімдерінің 50 пайызын сатуды қайта бастады. Бұл туралы Stan.kz ақпарат агенттігі хабарлайды. 

Ұлттық банкі төрағасының орынбасары Әлия Молдабекованың айтуынша, теңгенің әлсіреуіне сыртқы және ішкі факторлардың үйлесуі себеп болды.

“Сыртқы сектордағы жағдай әлі де күрделі болып отыр. Бұл жоғары құбылмалылық пен жаһандық экономикалық тәуекелдердің сақталуымен байланысты. АҚШ доллары дамыған және дамушы нарықтардың валюталарына қатысты нығаюын жалғастырды. DXY индексі қыркүйек айынан бері 5,5%-ға артып, 106,2 тармаққа дейін жетті. ЕМ (дамушы нарық) валюталарының индексі қыркүйек айының соңынан 4,1%-ға төмендеді”, – деді Молдабекова.

Сондай-ақ ол мұнай нарығында да пессимистік көңіл-күй байқалып отырғанын жеткізді. 

“Бұл әлемдік сұраныстың баяу қалпына келуі мен ОПЕК+ тарапынан ұсыныстың өсуі күтілуіне байланысты. Соның нәтижесінде мұнай бағасы барреліне 71-72 АҚШ доллары деңгейіне дейін төмендеді”, – деді Молдабекова.

Молдабекованың айтуынша, ішкі валюта нарығында экономикалық агенттер тарапынан шетел валютасына сұраныстың артуы және валюта нарығында, оның ішінде квазимемлекеттік сектор тарапынан ұсыныстың шектелуі байқалады. READ FULL STORY HERE>>>CLICK HERE TO CONTINUE READING>>>

“Шетел валютасына сұраныстың өсуі жалпы экономикалық белсенділіктің, оның ішінде сыртқы экономикалық белсенділіктің артуына байланысты. Сондай-ақ оған бюджет шығыстарының артуы мен квазимемлекеттік компаниялардың инфрақұрылымдық және инвестициялық жобаларға шығындарының ұлғаюы себеп болып отыр. Осы фактордың барлығы жиынтығында импорттың өсуіне, сәйкесінше, шетел валютасына сұраныстың артуына ықпал етеді”, – дейді ол.

Ұлттық банк төрағасының орынбасары валюта нарығындағы сұраныс пен ұсыныс теңгерімінің бұзылуы инвестициялық ахуалға кері әсерін тигізетінін жеткізді. Сондай-ақ инвестициялық жобалардың қымбаттауына және жалпы инфляциялық қысымның артуына алып келеді дейді. 

“Валюта нарығындағы тепе-теңдікті арттыру мақсатында квазимемлекеттік сектор субъектілерінің валюталық түсімдерінің 50%-ын міндетті түрде сату талабы қайта енгізіледі. Қазақстан үкіметінің тиісті қаулысы мен ұлттық Банктің бұйрығы әзірленіп, жақын күндері қабылданады”, – деді Молдабекова.

Бұған дейін бұл талап 2023 жылдың тамызына дейін қолданыста болған. Алайда макроэкономикалық жағдайдың өзгеруіне байланысты уақытша тоқтатылған еді. 

Еске салайық, Астанада ақша айырбастау пунктерінде доллар бағамы орташа есеппен 500,02 теңгеге, Алматыда 499,28 теңгеге жеткен еді.