Үкімет 19 қаңтарда “Уақытты есептеу тәртібі туралы” қаулыға өзгеріс енгізу арқылы, ел аумағында 5-ші сағат белдеуін қолдану туралы шешім қабылдады. Бұл шешім – Қостанай және Қызылорда облыстары азаматтарының бірнеше жыл бойы осы мәселені көтерген көп теген өтініштерін ескере отырып қабылданды. Бұл туралы Stan.kz ақпарат агенттігі хабарлайды.

Фото: pexels.com

Шешім қабылдау кезінде Парламент депутаттары, мемлекеттік және жергілікті органдардың өкілдері, ғалымдар, сарапшылар, институттар мен қоғамдық бірлестіктердің өкілдері секілді 60 адамнан тұратын уақытты есептеу тәртібі бойынша арнайы құрылған Ведомствоаралық жұмыс тобының баяндамасында көрсетілген ғылыми негізделген дәлелдер пайдаланылды.

Табиғи уақытты қолдаушылардың халықаралық альянсы (IANT) Қазақстанның орталық және шығыс аймақтары үшін географиялық бойлыққа сәйкес келетін және оңтайлы шешім болатын UTC+5 уақыт белдеуін белгілеу туралы Үкіметтің шешімін қолдады. Осылайша, UTC+5 – Қазақстан үшін жаңа уақыт белдеуі емес, тарихи негізделген уақытқа оралу болмақ.

“Бұл белдеу ел халқының 76%-дан астамы (15 миллион 240 мың адам) тұратын Астана, Алматы, Петропавл, Өскемен, Шымкент, Семей және Павлодар қалаларын қоса алғанда 67,5-тен 82,5 градусқа дейінгі бойлықтарды қамтиды. Әлемдегі 195 елдің 117-сі стандартты уақыт белдеуіне мүмкіндігінше жақын географиялық уақытты таңдады. Өйткені адамның циркадиялық ырғағы табиғи күндізгі жарық циклімен синхрондалған”, – делінген хабарламада.

Сауда және интеграция министрі Арман Шаққалиев еліміздің UTC+5 уақыт белдеуіне көшуінің артықшылықтары туралы айтты

Арман Шаққалиев бұл шешімнің ең оңтайлы екенін алға тартты.  READ FULL STORY HERE>>>CLICK HERE TO CONTINUE READING>>>

“Қазақстаның көп аймағы бесінші сағат белдеуінде екеніне қарамастан, 1930-1931 жылы Қазақстанда UTC+6 декреттік уақытты пайдалану арқылы енгізілді. Жалпы кеңестік кезеңде Қазақстанда әміршіл-жоспарлы экономика мүддесіне сай табиғи сағат белдеуі бұйрықтық тәртіппен сегіз рет өзгертілді. Нәтижесінде біз Қазақстанда табиғи циклге сай келмейтін уақыт белдеуінде өмір сүрдік”, – дейді министр. 

Сондай-ақ премьер-министр Олжас Бектенов Үкімет Қазақстанның қазіргі біртұтас уақыт белдеуін қолдайтынын айтты.

“Үкімет бұл шешімді қолдайды. Бірыңғай уақыт белдеуіне көшуіміз кездейсоқ емес. Логика мынада: бесінші сағаттық белдеу географиялық тұрғыдан ел аумағының көп бөлігін қамтиды. Сауда және ақпарат министрлігіне түсіндіру жұмыстарын нақтырақ жүргізуді тапсырамын”, – деді Олжас Бектенов.

2024 жылдың 1 наурызынан бастап Қазақстан UTC+5 бірыңғай уақыт белдеуіне көшті. Бұл шешімнен кейін қазақстандықтар бұрынғы уақыт белдеуін қайтаруды сұрап, петиция жариялады. Алайда Сауда министрлігі халықтың петициясын қабылдамады.

“Петицияны қараған жұмыс тобы тұрмыс-тіршіліктегі дәлелдерді зерттей отырып уақыттың денсаулық пен экономикаға теріс әсер ететін себеп-салдарлық байланыс таппады. Петицияны қарастырудың нәтижесінде, стандартты сағат белдеуіне максималды бейімделу жағдайларын жасауға бағытталған үәкілетті тиісті мемлекеттік органдарга айқын ұсыныстар мен тапсырмалар берілді”, – делінген хабарламада.

Осылайша Үкімет сағат белдеуін өзгерту туралы қабылданған шешім ғылыми негізделген және экономикалық тұрғыдан оңтайлы болады деген пікірде қалды.

Қызылорда облысы Қармақшы ауданында жер дауы ушықты. Жүздеген тұрғын күріш егумен айналысатын қожалықтағы жер үлестерін ала алмай жүр. Айтуларынша, шаруашылықтың төрағасы түскен пайданы не халықпен бөліспейді, не ауылға жағдай жасамайды. жерге өнім еккен халық аудан әкімі бізге кедергі келтіріп отыр дейді. Бұл туралы Stan.kz ақпарат агенттігі 31-арнаның Информбюро жаңалықтар бағдарламасына сілтеме жасап хабарлайды.

Видеодан скриншот

Жер үлестеріне қол жеткізе алмай жүрген ІІІ Интернационал ауылының тұрғындары наразылыққа шықты. Айтуларынша, “Достық жер МК” қожалығына үш жыл бұрын төраға келгелі халықтың жағдайы қиындаған. Олар басшының күріштен түскен пайданы өз жақындарына береді дейді. Сондай-ақ егіншілерге соңғы айлардың жалақысы да төленбеген көрінеді.

“Адамның құқығын  таптайтын мұндай бастықтарды бұған дейін көрген жоқпын. Өзінің туыстарына ғана құрмет көрсетеді. Басқалар сияқты бір сиырды ұстауға халіміз жоқ. Дивиденд дегенді көрген жоқпыз”, – деді үлескер Ақшагүл Созақбаева.

200-ден астам үлескер өздеріне тиесілі мыңнан астам гектар алқапты қайтарып алу үшін заңға сәйкес барлық құжатын рәсімдеп қойған. Енді тек аудан әкімі жерді бөліп беру туралы қаулы шығару керек. Алайда шенеунік бұл мәселені созып келеді дейді. READ FULL STORY HERE>>>CLICK HERE TO CONTINUE READING>>>

“Қазір енді біздің жерді бөліп алу туралы қағаз аудан әкімінде тұр. Бірақ аудан әкіміне барсақ, “төрағаға бар” дейді. Төраға инвесторға жібереді. Инвестор облысқа жібереді. Облыс қайтадан аудан деп халық кәдімгі футбол добы болды. Біз түбіне жете алмай жатырмыз”, – деді үлескер Алтай Мұсаханов. 

Ал жауаптылар құжаттарды егжей-тегжейлі тексеріп жатқандарын айтты.

“Басшылық тарапынан шаруашылық төрағаларын шақырып сөйлестірдік. Енді ол жақтың “Достық жер МК” шаруашылығының келісім парағы керек. Бұл жағдай бізде бақылауда тұр. Құзырлы органдардың бақылауында тұрі. Ол жерде ешқандай мәселе болады деп ойламаймыз. 19 қарашаға дейін заңдылық мерзіміміз бар”, – деп мәлімдеді Қармақшы аудандық ауыл шаруашылығы және жер қатынастары бөлімінің басшысы Әсет Омаров.

Үлескерлер аудан басшылары жерімізді қайтармас үшін әр нәрсені сылтау етіп отыр деп күдіктенеді. Өйткені шенеуніктер “үлестеріңді аласыңдар” деген былтырғы уәдесі де орындалмады дейді.