Өзін-өзі жариялаған Абхазия республикасының президенті Аслан Бжания мен премьер-министр Александра Анкваб оппозицияның қысымымен отставкаға кетті. Бұл туралы Stan.kz ақпарат агенттігі “Эхо Кавказа” сайтына сілтеме жасап хабарлайды. 

Фото: abkhaz-auto.ru

Аслан Бжания билік пен оппозиция арасындағы көп сағаттық келіссөздерден кейін қызметінен кетті. 

“Елдегі тұрақтылық пен конституциялық құрылысты сақтау үшін Абхазия республикасы Конституциясының 65-бабына сәйкес мен Абхазия республикасының президенті қызметінен кету туралы өтінішімді беремін”, – делінген Бжания қол қойған құжатта. 

Тараптар қол қойған келісімге сәйкес, Бжания отставкаға кету туралы өтініш береді. Ал оппозиция жақтастары наразылықтар кезінде басып алған үкіметтік ғимараттар кешенін тастап кетеді. Осы тармақты орындамаған жағдайда Бжания отставкаға кету туралы өтінішін қайтарып алады.

Бұған дейін келісімге қол қойғандардың бірі “Абхаз халықтық қозғалысы” ұйымының жетекшісі Адгур Ардзинба келіссөздер нәтижесінде Бжания отставкаға кетуге келіскенін айтты. 

Абхазия парламенті Бжанияның отставкаға кетуін 19 қарашада қарайды. Вице-президент Бадра Гунба мемлекет басшысы ретінде әрекет етеді. Абхазия парламентінің бұрынғы төрағасы Валерий Бганба премьер-министр болып тағайындалды. 

“Қазіргі министрлер Абхазия республикасының жаңадан сайланған президенті қызметіне кіріскенге дейін өз міндеттерін атқарады”, – делінген құжатта.

Бұған дейін Бжания отставкаға кетуден бас тартып, президенттік сайлауға қатысуды жоспарлап отырғанын айтқан еді.  READ FULL STORY HERE>>>CLICK HERE TO CONTINUE READING>>>

Айта кетейік, 15 қарашада Ресеймен инвестициялық келісімге наразылық танытқандар парламент маңындағы қоршауды бұзып, оның аумағына енген еді. Кешке қарай олар президент әкімшілігі орналасқан ғимаратқа баса-көктеп кірген.

Шабуыл алдында шерушілер дуалдың бір бөлігін бұзып, парламент аумағына басып кірген кезде наразылық білдірушілер мен қауіпсіздік күштері арасында қақтығыс басталған. Шерушілер полиция қызметкерлеріне жұмыртқа мен бөтелке лақтырған.

Қауіпсіздік күштері шерушілерге қарсы көзден жас ағызатын газ қолданған.

Сухуми мен Мәскеу арасындағы инвестициялық келісім жобасына сәйкес, ресейлік компаниялар өздерінің инвестициялық жобаларын мойындалмаған республика аумағында жүзеге асыра алады. Тараптар оған 2024 жылдың қазан айының соңында қол қойды. Құжат күшіне ену үшін ратификациялануы керек. Оны депутаттар 15 қарашада қарауы керек еді. Бірақ парламент күн тәртібін бекітпей, сессия өткізілмей қалды.

Абхазия (Кеңес дәуірінде Грузия құрамындағы автономиялық республика) 1993 жылы Грузиямен соғыстан кейін тәуелсіздігін жариялады. Ол кезде Грузия да, әлемнің басқа мемлекеттері де Абхазияның тәуелсіздігін мойындаған жоқ.

2008 жылы бес күнге созылған Ресей-Грузия соғысынан кейін аймақтың тәуелсіздігін Ресей және тағы төрт мемлекет: Венесуэла, Науру, Никарагуа және Сирия мойындады.

Грузия сепаратистік Абхазия мен Оңтүстік Осетия аумақтарын Ресей басып алған деп санайды. Сондай-ақ Ресейді елдің аумақтық тұтастығын бұзды деп айыптайды. 

Фото: pexels.com

Оқу-ағарту министрлігі Денсаулық сақтау министрлігімен бірлесіп еліміздегі мектеп асханаларының санитариялық-эпидемиологиялық талаптарға сәйкестігіне мониторинг жүргізді. Республикалық мониторингтің қорытындылары туралы Ғани Бейсембаев баяндады.

“Республикалық мониторинг қорытындысы мектептегі тамақтандырудың ұйымдастырылу сапасына қатысты сұрақтардың туындауы атқарушы органдар тарапынан әлі де болса бақылаудың жеткіліксіздігін көрсетті. Сондай-ақ мұны заңнама талаптарының бұзылу фактілерінен де анық аңғаруға болады. Мониторинг тобы заң талаптарын бұзылуы бойынша 771 фактіні анықтады”, – деді Ғани Бейсембаев. READ FULL STORY HERE>>>CLICK HERE TO CONTINUE READING>>>

Сондай-ақ Министрлік мектепте тамақтандыруды ұйымдастыру бойынша кешенді бағалау жүргізді. Бағалау кезінде тамақтандыру сапасына жүргізілген мониторинг нәтижелері, асханалардың қажетті материалдық-техникалық жабдықталуы, 1 оқушыға шаққандағы өңірлердегі тамақтану құны және ата-аналар арасында жүргізілген сауалнама нәтижелері ескерілді. Нәтижесінде Жамбыл, Маңғыстау, Алматы, Атырау облыстарының және Шымкент қаласы әкімдіктерінің тарапынан мектептерде сапалы тамақтануды ұйымдастыруға тиісті деңгейде көңіл бөлінбегені анықталды.

Ғани Бейсембаев министрліктің мектепте тамақтандыру қызметтерін сатып алу кезінде өнім берушілерді іріктеу талаптарын бұзғаны үшін лауазымды тұлғаларға әкімшілік жауапкершілік енгізу мәселесін пысықтап жақанын айтты.

АҚШ президенті Джо Байден Украинаға ATACMS зымырандарын Ресей аумағында қолдануға рұқсат берген еді. Аталған ақпаратқа Ресейдің Сыртқы істер министрлігі жауап берді. Бұл туралы Stan.kz ақпарат агенттігі Mid.ru сайтына сілтеме жасап хабарлайды. 

Фото: russiancouncil.ru

АҚШ Украинаға Ресейге қарсы ATACMS зымырандарын, ал Франция мен Ұлыбританияға SCALP және STORM SHADO зымырандарын қолдануға рұқсат берген еді. Ал Ресейдің Сыртқы істер министрлігі бұл рас болса, Мәскеудің жауабы “адекватты және нақты” болатынын айтты. 

“Киевтің біздің аумаққа шабуыл жасау үшін алыс қашықтықтағы зымырандарды қолдануы АҚШ пен оның жер серіктерінің Ресейге қарсы соғыс қимылдарына тікелей қатысуы, қақтығыстың мәні мен сипатын түбегейлі өзгертуді білдіреді. Бұл жағдайда Ресейдің жауабы барабар және нақты болады”, – деді Сыртқы істер министрлігінің ресми өкілі Мария Захарова.

Айта кетейік, 18 қарашада Джо Байден Киевке америкалық ATACMS зымырандарын Ресейге соққы беру үшін пайдалануға рұқсат бергенін хабарлаған еді. Артынша Франция мен Ұлыбритания да Украинаға Ресей федерациясына қарсы Storm Shadow және SCALP зымырандарын атуға рұқсат бергенін жазған. Бұл ақпарат кейін басылымнан алынып тасталған. 

Вашингтон ATACMS зымырандық соққыларына рұқсат бергенін растаған жоқ. READ FULL STORY HERE>>>CLICK HERE TO CONTINUE READING>>>

Франция Сыртқы істер министрлігі де мәлімдемесін жоққа шығарды. Ал Ұлыбритания Сыртқы істер министрі ақпаратқа түсініктеме беруден бас тартты.

Украина президенті Владимир Зеленский Мәскеуге шабуыл жасайтын болса алдын ала ескертпейтінін айтты. 

Еуропа дипломатиясының басшысы Жозеп Боррель АҚШ-тың рұқсат бергені туралы ақпаратты растады. Оның айтуынша, Байден әкімшілігі өзінің қаруын Ресей территориясында 300 шақырымға дейін пайдалануға рұқсат берді.