Мемлекет басшысы Қасым-Жомарт Тоқаев елімізде жылқы малын асылдандыру үшін Жылқы шаруашылығы институтын құруды тапсырды. Биыл елімізде қазақ жылқысының тұқымын сақтау және көбейту үшін арнайы заң қабылданады. Бұл туралы Stan.kz ақпарат агенттігі хабарлайды. 

Фото: pixabay.com

Мемлекет басшысының айтуынша елімізде асыл тұқымды жылқының үлесі өте аз. 

“Қазір елімізде жылқы саны үздіксіз өсіп келеді. Бұл – жақсы үрдіс. Дегенмен асыл тұқымды жылқының үлесі бір пайызға да жетпейді. Яғни 4,2 миллион жылқының 40 мыңы ғана асыл тұқымды. Сондықтан мал тұқымын асылдандыру жұмысына баса мән берген жөн.

Қазақстанда жылқының бірнеше түрі бар. Оның ішінде қазақпен бірге жасап келе жатқан жабының орны ерекше. Кейін оған Қостанай, Көшім және Мұғалжар тұқымдары қосылды. Әрқайсысының өз ерекшелігі бар.

Мен бұған дейін Адай жылқысы Маңғыстаудың баға жетпес қазынасы екенін айттым. Оны әлемге таныту үшін нақты шаралар қабылдауды тапсырдым. Қазір Адай жылқысы ресми түрде бөлек тұқым ретінде тіркелді. Бұл арғымақтар Ұлы дала жорығында, басқа да аламан бәйгелерде топ жарып жүр”, – деді ол. READ FULL STORY HERE>>>CLICK HERE TO CONTINUE READING>>>

Қасым-Жомарт Тоқаев сонымен қатар Қостанай жылқысы да мықты екенін алға тартты. Алайда, ол жоғалып кетудің аз-ақ алдында тұр екен. 

“Небәрі 280 бас қалды. Сондықтан жылқының санымен қатар, сапасын арттыру – маңызды міндет.

Биыл қазақ жылқысының тұқымын сақтау және көбейту үшін арнайы заң қабылдадық. Енді бұл бағытта тағы бір маңызды қадам жасаймыз. Мен Үкіметке Жылқы шаруашылығы институтын құруды тапсырамын. Білікті мамандар мұны көптен бері айтып жүр. Құзырлы органдар қысқа мерзім ішінде осы мәселені пысықтап, қаржы көздерін нақтылауы керек”, – деп қорытты президент.

Қасым-Жомарт Тоқаев елімізде атаулы әлеуметтік көмекті кей мұқтаж емес адамдар алып жүргенін жеткізді. Айтуынша ондай азаматтарымыз жұмыс істеп, еңбек етуге де құлықсыз. Ал түнімен жұмыста отыратын мемлекеттік қызметкерлерді сыйақысыз қалдырмау керек екенін алға тартты. Бұл туралы Stan.kz ақпарат агенттігі хабарлайды.

Фото: pixabay.com

Президент жақында қызу талқыланған мемлекеттік қызметкерлерге сыйақы беру тақырыбын қозғады.

“Қаржы министрлігі оған тыйым салуға негіз жоқ екенін түсіндіріп берді. Мемлекеттік қызметкерлер – елдегі жүйелі өзгерістердің басты жолбасшылары. Олардың табысы айтарлықтай көп емес. Кей кездері түнімен жұмыста отырады. Мемлекеттік қызметкерлердің де отбасы мен міндеті, қала берді қарапайым адам ретіндегі қалауы мен жоспары бар. 

Мемлекеттік органдардың тиімділігін арттыру үшін қатардағы қызметкерлердің еңбекақысы бәсекеге қабілетті болуы керек. Сыйақы аталған мәселені шешуге мүмкіндік береді. Басқа жолмен мемлекеттік қызметке білікті мамандарды тартып, кадр тұрақсыздығы проблемасын шешу қиын”, – деді ол.  READ FULL STORY HERE>>>CLICK HERE TO CONTINUE READING>>>

Мемлекет басшысы сонымен қатар үкіметтіңазаматтарға әлеуметтік көмек беру жүйесін қайта қарауы қажет екенін алға тартты. Айтуынша мемлекеттен берілетін атаулы әлеуметтік көмекті мұқтаж емес жандар да алып жүр.

“Кейбір ауылдық жерде бір отбасыдан бірнеше адам атаулы әлеуметтік көмек алатын жағдайлар жиі кездеседі. Өкінішке қарай ондай азаматтарымыз жұмыс істеп, еңбек етуге де құлықсыз. Себебі мемлекеттен түсетін жәрдемге сенеді. Бұл, әрине, дұрыс емес. Түптеп келгенде, мұндай әрекет әлеуметтік масылдықты туғызып отыр”, – деп қосты президент. 

Қасым-Жомарт Тоқаев осы тұста барлық саладағы жұмыстың ашық болуына көңіл бөлінетінін жеткізді. Алайда цифрландыру дамыған заманда азаматтардың табысын жаппай декларациялаудың қаншалықты орынды екенін ойлануды тапсырды.

“Бұл талап 2021 жылдан бері біртіндеп енгізіліп жатыр. Алғашқы үш кезеңде 4 миллионнан астам адам декларация тапсырды. Олардың қатарында мемлекеттік қызметкерлер, квазимемлекеттік сектордағы басшылар, кәсіпкерлер және осы санатқа кіретін азаматтардың жұбайлары бар. Келесі жылы тағы 8 миллионға жуық адам декларация тапсырады деп жоспарланып отыр. Алайда бір мәселені ескеру қажет. Жаппай декларация тапсыру тұжырымдамасы осыдан 14 жыл бұрын қабылданған. Содан бері елімізде цифрландыру ісі және финтех саласы қарқынды дамып келе жатыр. Түрлі мемлекеттік мекемелерге ортақ мәліметтер базасы пайда болды. Қаржы және салық бақылауы күшейді. Демек осындай ауқымды өзгерістерден кейін төртінші, яғни, соңғы кезеңде азаматтарды декларация тапсыруға міндеттеу қаншалықты орынды деген сұрақ туады. Үкімет бұл мәселені жан-жақты пысықтауы қажет”, -деп қорытты ол. 

Ақтөбе облысы Темір ауданы Қопа ауылында мектептегі әлімжеттіктің құрбаны болған Нұржан Садықовтың өліміне қатысты күдіктілердің саны артты. Бұл туралы Stan.kz ақпарат агенттігі хабарлайды. 

Полиция 10 оқушыны қамауға алды. Тағы екі күдіктінің мекенжайы анықталып жатыр.

Ақтөбе облысы Темір ауданы Қопа ауылындағы мектептің 10-11 сынып оқушыларының ата-аналары облыстық прокуратураға келді. Себебі 14 жастағы Нұржан Сыдықовтың өліміне қатысты полиция тағы бірнеше оқушыны қамауға алды.

Қылмыстық іс “Адам өлтіру” бабымен тергеліп жатыр. Күдіктінің ата-аналары бұған наразы. 

“Мен – 10 сынып оқушысы Жансен Мәметовтің әкесімін. Балам 14 жаста. Алғашында іс Қылмыстық кодекстің 106-бабы 3-тармағымен қамалды. Қазір 99-баптың 2-тармағына ауыстырды. Балам 4 қыркүйектен бастап қамауда отыр. Бұл балалар қасақана адам өлтірген жоқ. Бірге араласып, бірге ойнап жүрген балалар. Адам өлтіремін деп барған ойы жоқ. Менің баламның өзі де осы жерде жәбірленуші, орындаушы болып тұр. 11 сынып балалары ұйымдастырып, апарған. Ұруға мәжбүрлеген. Мектепте әлімжеттік бар. Былтыр осы жағдаймен іс тіркеліп, балалар ұсталып, аяқсыз қалды. Өзімнің балам 10 сыныпқа келгенде құрбаны болып тұр”, – деді ата-ана Нұржан Төлебаев.

Ақтөбедегі облыстық прокуратураның алдына жиналған ата-аналардың әрқайсысы өз баласының аса ауыр ауыр қылмысқа қатысы жоғын айтты. Прокуратурадан көмек сұрады. Айтуларынша, әлі де қамауға алынбаған күдіктілер бар. READ FULL STORY HERE>>>CLICK HERE TO CONTINUE READING>>>

“Оқиғаға бірінші себепкер болған бала қамалған жоқ. Ол оқиға орнында болды. Неге жауапқа тартылмайды? 10 сыныптағылар 9 сынып балаларын ұрып жатқан кезде “10 сынып жай ұрып жатыр, біз кезінде осылай  таяқ жедік па, мұндай болғанда күнде көшеге шығатын едік” депті. Бұл биыл мектеп бітірген бала. Қорыққаннан 11 сыныптағылар 10 сынып баларына бір-бір соққы жасаған. Сол кезде ол кетіп қалған. Сыдық Нұржан құлаған кезде балалар оған хабарласқан екен, “мен сендерге емші емеспін” деген. Балалар алғашқы көмек көрсеткен. Бұл жерде балалар Қылмыстық кодекстің 99-бабы өте ауыр бап. Қазір кейбір ата-аналар қорғаушыларымен бірге менің балама қылмысты жапқылары келіп жатыр. Мен оған жол бермеймін, баламды қорғаймын. Осыған дейінгі жағдайдың зардабын тартып жатырмыз. Бәріміз де кезінде алдын алмаған жүйенің жәбірленушісіміз”, – деді ата-ана Маржан Ибраева.

Күдікті оқушылардың ата-аналары прокуратураға хат жазып, көмек сұрап жүр.

Ақтөбе облыстық полиция департаменті қылмыстық істің бабы өзгергенін, күдіктілердің саны артқанын растады.

“Полиция департаменті кісі өлтіру фактісі бойынша сотқа дейінгі тергеу жүргізуде. Жанжалдың барлық қатысушылары анықталды. 10 күдікті қамауға алынды. Тағы екі адамның тұрғылықты мекенжайы анықталып жатыр”,- деді облыстық ПД.

Оқиғадан кейін мектеп директоры мен мен аудандық білім бөлімінің басшысы қызметінен кетті.

Еске салсақ, бұған дейін Ақтөбеде өзінен кіші баланы өлтірді деп күдікке ілінген оқушының анасы ұлына ауыр айып тағылғанына наразылық білдіріп, редакциямыздан көмек сұраған еді.