Владимир Путин ресейліктерге теледидар арқылы үндеу жасап, Ресейдің Днепрдегі әскери-өнеркәсіп кешеніне “Орешник” деп аталатын жаңа орта қашықтықтағы баллистикалық зымыранмен соққы бергенін айтты. Путин мұның Батыстың Ресей аумағына дәлдігі жоғары қарумен жасаған шабуылына жауап екенін атап өтті. Бұл туралы Stan.kz ақпарат агенттігі BBC-ге сілтеме жасап хабарлайды.

Фото: t.me/KremlinRussian

Сәрсенбі күні таңертең Украинаның қарулы күштерінің әскери-әуе күштері Днепрге құрлықаралық баллистикалық зымыранмен шабуыл жасалғанын хабарлады. Бірақ БАҚ батыстық дереккөздерге сілтеме жасап, бұл зымыранның басқа түрімен жасалған тәжірибелік соққы екенін мәлімдеді. Путин оны соғыс кезінде сынақтан өткенін растады.

Айта кетейік, тарихта алғаш рет құрлықаралық баллистикалық зымыран әскери мақсатта пайдаланылылды.

“Бейсенбі күні Днепр қаласына ядролық емес оқтұмсық қолданылған соңғы “Орешник” зымыран жүйесімен шабуыл жасалды. Бұл батыстық сарапшылардың болжамына сәйкес, орташа қашықтықтағы зымыран еді. 19 қарашада Украина алты америкалық АТАКМС зымырандарымен Ресей аумағына шабуыл жасады, одан кейін британдық “Storm Shadow” және HIMARS-ты пайдаланды”, – дейді Путин. READ FULL STORY HERE>>>CLICK HERE TO CONTINUE READING>>>

Ресей президенті осылайша Украина қарулы күштеріне қарашаның 19-ы мен 21-і күндері Брянск және Курск облыстарындағы нысаналарға ATACMS және Storm Shadow зымырандары арқылы жасаған шабуылына жауап бергенін айтады. Сондай-ақ ол УҚК шабуылы кезінде Курск облысындағы командалық пункттер арасында қаза тапқандар мен жараланғандар болғанын, бірақ Брянск облысына жасалған шабуылда ешкім зардап шекпегенін айтты.

“ATACMS Брянск облысындағы, “Дауыл көлеңкесі” Курск облысындағы әскери нысандарға шабуыл жасады. Брянск облысында қаза тапқандар мен зардап шеккендер жоқ. Негізі Курск облысындағы “Север” тобының командалық пунктін нысанға алдық. Өкінішке қарай, құрбандар, қаза тапқандар мен жараланғандар бар. Командалық құрам зардап шеккен жоқ, бірақ “сыртқы қауіпсіздік” нысандары мен қызмет көрсету нысандарына шабуыл жасалды”, – дейді ол. 

Путин Киевке Ресейдің әскери нысандарына соққы беру үшін американдық және британдық зымырандарды қолдануға рұқсат бергені үшін Батыс елдерін тағы да сынға алды.

Еске салсақ, бұған дейін Украина Ресейге ATACMS зымыранымен алғашқы шабуылын жасағаны туралы жазған едік. 

Еgov мобильді қосымшасында қазақстандықтарға уақытты өзгертуге қатысты бірнеше сұрақ қойылды. Бұл туралы Stan.kz ақпарат агенттігі хабарлайды.

Фото: ВК

Электронды үкіметте қазақстандықтардан қай сағат белдеуі ыңғайлы екенін анықтау үшін сауалнама өтіп жатыр. Қазақстандықтар UTC+5, UTC+6, “Маған бәрібір” және “Білмеймін” деген нұсқалардың бірін таңдай алады.

Сондай-ақ уақыт белдеуіне қатысты қандай өзгерісті қалайтындарын сұрайды. “Ештеңені өзгертпей, бәрі сол күйінде қалсын”, “Уақытты жыл мезгіліне (жаз/қыс) қарай өзгерту керек”, “Алдыңғы уақытқа оралу керек” деп ұсыныс білдіре алады. 

Сонымен қатар ұсынысты пайдаланушылардан күндізгі уақытта не нәрсеге уақыт таппайтыны сұралады. READ FULL STORY HERE>>>CLICK HERE TO CONTINUE READING>>>

“Жұмыс немесе оқу”, “Демалыс және ұйықтау”, “Отбасымен және достарымен уақыт өткізу”, “Спорт және физикалық белсенділік”, “Хобби және жеке қызығушылықтар”, “Үй шаруасы”, сондай-ақ өз ұсынысыңызды енгізсеңіз болады.

Сауалнаманы eGov мобильді қосымшасында “Хабарламалар” бөлімінен табуға болады.

19 қарашада үкіметте Қазақстандағы бірыңғай уақыт белдеуі туралы соңғы шешім қабылданды. Алайда осыдан кейін бірыңғай уақыт белдеуінің қазақстандықтардың денсаулығына әсерін зерттеу үшін 160 миллион теңге жұмсалатыны айтылды.