Белгілі желі жұлдызы, блогер Жансая Махабаева кәсіпкер Тұрсен Алагөзовтің бір күндік образын есептеп көрді. Бұл туралы Stan.kz ақпарат агенттігі хабарлайды. 

Фото: https://www.instagram.com/tursenalaguzov/

Желі қолданушысы сырт киімдерінен бастап, бұйымдарына дейін бағасын есептеді. 

“Отандық бизнесмен, сәнді киім үлгісімен танымал Тұрсен Алагөзовтің мына образы қанша тұрады деп ойлайсыздар?

Әдеттегідей киімінен бастайық, күртешесі Prada брендінен, бағасы – 1 миллион 143 мың теңге. Жемпірі шамамен – 797 мың теңге. Джинсі Louis Vuitton брендінен, бағасы шамамен – 957 мың теңге.

Мына мойынорағышы Louis Vuitton брендінен, бағасы шамамен – 415 мың теңге.

Аяқкиімі Prada брендінен, бағасы – 452 мың теңге. Көзілдірігі де Prada брендінен, бағасы –  213 мың теңге. Ал енді әшекейлеріне көшейік. Мына қолындағы білезігі Cartier брендінің  Juste un Clou топтамасынан екен, қалыңдауының бағасы шамамен – 4 миллион 598 мың теңге. Ал мына сағаты Patek Philippe брендінен, толықтай алтыннан жасалған, бағасы – 100 миллион 453 мың теңге.

Сонымен барлығы – 109 миллион 28 мың теңге”, – деді блогер. READ FULL STORY HERE>>>CLICK HERE TO CONTINUE READING>>>

Еске салайық, продюсер Баян Мақсатқызы күйеуінің туған күніне гауһартаспен көмкерілген тұмар сыйлаған еді. 

Одан кейін Тұрсен Алагөзовтің туған күніне арнайы жасалған 120 келі торттың салмағы қызу талқыланған болатын. 

Алматы облысы Қарасай ауданында ер адам әйелінің жұмысына келіп, оны темір құралмен және балғамен ұрып өлтірмек болған. Бұл туралы  Stan.kz ақпарат агенттігі хабарлайды.

Видеодан скриншот

Салдарынан жәбірленушінің басы бірнеше жерден тігілген, қолдары сынған. Әйелді әріптестері аман алып қалды. Артынша ер адам әйел жұмыс істейтін мектепке барып, баласына зиян келтірмек болған. Бірақ мектеп директоры ер адамды мектеп ғимаратына кіргізбеген.

Алматы облысының полиция департаменті болған оқиғаға қатысты түсініктеме берді. READ FULL STORY HERE>>>CLICK HERE TO CONTINUE READING>>>

“Денсаулыққа қасақана орташа ауырлықтағы зиян келтіру фактісі бойынша полиция қылмыстық іс қозғады, соттың санкциясымен күдікті екі ай мерзімге қамауға алынды. Сотқа дейінгі тергеп-тексеру шеңберінде заңды шешім қабылдана отырып, мән-жайларды жан-жақты, толық және объективті тексеру үшін заңда көзделген барлық шаралар қабылданады. Тергеу барысы бақылауда. Тергеу мүддесіне қатысты басқа ақпарат жария етілмейді”, – делінген хабарламада.\

Еске салсақ, бұған дейін Ақтауда ер адам бұрынғы сүйіктісін көшеде соққыға жыққаны айтылды.

Қостанай облысында “Басаман” орман шаруашылығы кәсіпорнының бұрынғы басшысы Асхат Жақашев Аманқарағайдағы орман өрті үшін 21 миллиард 436 млн теңге төлеуге міндеттелді. Бұл туралы  Stan.kz ақпарат агенттігі 31-арнаның “Информбюро” жаңалықтар қызметіне сілтеме жасап хабарлайды.

Фото: Төтенше жағдай министрлігі

Экс-директор қазірдің өзінде өрт маусымында ағаш кесушілерді заңсыз жұмысқа жібергені үшін жазасын өтеп жатыр. Салдарынан 40 гектар орман мен ауыл тұрғындарының үйлері өртке оранды. 

Бір жыл бұрын “Басаман” орман шаруашылығы кәсіпорнының экс-басшысы Асхат Жақашев 4,5 жылға сотталып, жалпы режимдегі колонияға жіберілген еді. Дәл осы орман шаруашылығынан 2022 жылдың қыркүйегінде алапат өрт шықты. Жақашев өрт қаупі жоғары кезде Қостанай облысының орман қоры аумағында адамдардың болуына тыйым салынғанына қарамастан, жеке бригаданың орманда ағаш кесу жұмыстарына жіберген. Мұның соңы қайғылы жағдайға әкеп соқты. 

Сондай-ақ ағаш өңдеушілер ақшаны оның жеке шотына аударуға мәжбүр болған. Қазір Қостанай қалалық соты экс-директордан 20 миллиард теңгеден астам шығынды өндіріп алды. READ FULL STORY HERE>>>CLICK HERE TO CONTINUE READING>>>

“Талап арызды ішінара қанағаттандырылып, жауапкерден мемлекетке 21 миллиард 436 миллион шығын өндірілді. Оның 326 миллионы аудандық бюджетке, қалғаны облыстық бюджетке түсті. Сот ортақ үлестік меншікті құру және жұбайының ½ үлесін өндіріп алу туралы талаптарды мерзімінен бұрын қойылған деп санады”, – деп мәлімдеді Қостанай облыстық сотының баспасөз хатшысы Ләззат Байғожина.

Бұған дейін Қостанай облыстық соты Асхат Жақашевті қылмыстық кодекстің 361-бабы 4-бөлігінің 3-тармағы бойынша кінәлі деп танып, оған өмір бойына мемлекеттік қызметте басшылық қызмет атқаруға тыйым салып, сотталушыны 4 жыл 6 айға бас бостандығынан айырды.

Бұған дейін Астанада өрттен қаза тапқан төрт баланың өлімі туралы көршілері айтып берген еді.