Ұлттық Банк “Қазақстанның мешіттері мен соборлары” сериясынан ASTANA QALASYNYŃ BAS MESHITI және “Сиқырлы рәміздер” сериясынан FATIMA QOLY коллекциялық монеталарын шығарады. Монеталарды kazcoins.nationalbank.kz интернет-дүкені арқылы сатып алуға болады. Бұл туралы Stan.kz ақпарат агенттігі хабарлайды. 

Фото: Ұлттық банк

ASTANA QALASYNYŃ BAS MESHITI 2024 жылғы 25 қарашадан бастап, FATIMA QOLY – 2024 жылғы 28 қарашадан бастап шығады.

ASTANA QALASYNYŃ BAS MESHITI монетасы 2022 жылы ашылған Астананың орталық мешітіне арналған. Бұл мешіт – Қазақстан мен Орталық Азиядағы ең үлкен мешіт. Монетаның дизайнында Астана орталық мешітінің стильдендірілген бейнесі және мұсылманша сәлемдесуді білдіретін араб тіліндегі жазу бар.

Монеталар 925 сынамды күмістен жасалған, массасы – 31,1 грамм, диаметрі – 38,61 мм, номиналы – 1000 теңге, таралымы – 1000 дана. READ FULL STORY HERE>>>CLICK HERE TO CONTINUE READING>>>

FATIMA QOLY монетасы – “Сиқырлы рәміздер” сериясының алтыншы монетасы. Монетаның дизайны әртүрлі елдердің мәдениеттерінде белгілі ашық алақан түріндегі қорғаныш тұмарының стильдендірілген ою-өрнекті бейнесіне негізделген.

Монеталар 925 сынамды күмістен жасалған, салмағы – 31,1 грамм, диаметрі – 38,61 мм, көне күміс сапасы, номиналы – 1000 теңге, таралымы 3000 – дана.

Монеталардың барлық түрі Қазақстанның бүкіл аумағында  аудару, өзгерту және айырбастау үшін қабылдануға міндетті. Коллекциялық монеталар Қазақстан теңге сарайында жасалды.

СҚО-да Аққайың ауданындағы Дайындық ауылының тұрғындары екі жыл бұрын алкогольден толық бас тартқан. Содан бері мұнда бірде-бір ауыр немесе аса ауыр қылмыс тіркелмеген. Бұл туралы Stan.kz ақпарат агенттігі хабарлайды. 

Фото: polisia.kz

Жергілікті тұрғындар “алкоголь туралы ойлайтын шама жоқ, жұмыс істеу керек”,- деген ұстанымда. 

Мұнда жергілікті “Дайындық” ЖШС тұрғындарды жұмыспен қамтамасыз етіп отыр. Оның директоры Біржан Шаймерденов алкогольден бас тартудың бастамашыларының бірі болған. READ FULL STORY HERE>>>CLICK HERE TO CONTINUE READING>>>

“Біз мұнда жұмыс істей бастаған кезде ауылда 28 аула болған. Қазір 80-нен асты. Халық тығыздығы 315 адам. Адамдарды өзімізге шақырып, өндірісті арттырамыз”, – деді ол.

Сондай-ақ, кәсіпорынның қолдауымен әлеуметтік инфрақұрылым құрылуда. Мұнда адамдардың дамуға, спортпен шұғылдануға мүмкіндігі бар. Жергілікті мектепте 97 оқушы бар. 

“Дайындық құрамына кіретін Ленин ауылдық округіне органдарда он жылдан астам тәжірибесі бар тәжірибелі учаскелік инспектор Ади Мұқжанов қызмет көрсетеді. Қазір оның осы ауылдағы басты алаңдаушылығы — интернет-алаяқтықтың алдын алу. Ал алкогольдің алдын алу ауылдағы қылмысты азайтқан”, — дейді аудандық бөлім бастығы Әлнұр Ахмедьяров.

Қазақстанда мопедтерге қатысты заңның күшіне енуіне байланысты қала ішіндегі жеткізу қызметі қымбаттауы мүмкін. Автосарапшылардың болжауынша, самокат пен мопедшілердің жүргізуші куәлігін алуға, мемлекеттік нөмір тағуға міндеттейтін тәртіп курьер санын біршама қысқартады. Бұл туралы Stan.kz ақпарат агенттігі 31-арнаның Информбюро жаңалықтар бағдарламасына сілтеме жасап хабарлайды.

Фото: Pixabay.com

Қала ішінде тапсырыс берушілердің асы мен затын мопедпен тасып табыс тапқан Наурызбек Сабыров жеткізу қызметімен айналысуды жарты жыл бұрын бастаған. Сөзіне сенсек, оның күнделікті кірісі 20 мың теңгеге жетеді.

“Басында жаяу курьер болып шықтым. Содан ақшамды жинап мопед алып, мопедпен шығып жүрмін. Енді тіркейін деп жатырмын, жүргізуші куәлігім бар, уайымдамаймын. Курьерлер азайса, қызмет қымбаттайды ғой. Енді 50%-ы балалар ғой. 16-17 жаста”, – деді курьер Наурызбек Сабыров.

Ал автосарапшылардың пікірінше, курьер қызметі қымбаттайды, бірақ айтарлықтай емес. Өйткені жеткізу қызметінің мол табысынан қағылмау үшін мопед мінгендер заңға сай жүруге тырысады дейді. Нәтижесінде жол тәртібі реттеледі деген пікірде. READ FULL STORY HERE>>>CLICK HERE TO CONTINUE READING>>>

“Осылайша біз бұл қызметпен кәмелетке толмаған жеткіншектердің айналысуына жол бермей, олардың өміріне қауіпті азайтамыз. Заңға сәйкес, мопедті техникалық тексеруден де өткізу міндет. Ал ол қымбат тұрмайды. Сондықтан курьерлер шығынға бата қоймас. Әуелі қауіпсіздік маңызды екенін ескергеніміз жөн. Жаңа заң жол апатын азайтады”, – деді сарапшы Алексей Алексеев.

Бүгінде жеткізушілер өз қызметін мопедке мініп қана емес, осындай электросамокаттарды да тізгіндеп іске асырып жатыр. Сондықтан ертеңгі күні заң күшіне енсе, мопедшілер қатары азайғанмен, жеткізушілер қызметі тоқтамайды дейді сарапшылар.

Айта кетсек, келесі жылдың сәуіріне дейін еліміздегі мопед мінгендер мемлекеттік нөмір тағып, “А” және “А-1” санатындағы жүргізуші куәлігін алуы қажет. Көлік құралының ауаға шамадан тыс улы газ бөліп, қозғалыс кезінде артық дыбыс шығаруына жол берілмейді. Заң сақтамағандар автокөлік жүргізушілерімен бірдей жауапкершілікке тартылады.