Мақсатына берік болған боз бала Қазбек Жұмағали жасына қарамастан, өз үйінің керегесін кең, терезесін тең етті. Ол небәрі 22 жасында “Отау” бағдарламасы арқылы жап-жаңа пәтер алып, баспаналы болды. Stan.kz ақпарат агенттігінің журналисі Қостанай тұрғыны Қазбек Жұмағалимен сөйлесіп, осы жасында қалай ақша жинай алғанын, оған не көмектескенін сұрады.  

Ауыл мен қаланың ортасында жүрдім

Қостанай қаласының маңындағы Алтын дала деген ауылданмын. Жасым 22-де. Ата-анам, ата-әжем – бәріміз бір шаңырақта тұрамыз. Үйдің жалғыз баласымын. Мектепті тәмамдаған соң, Қостанайдағы колледжге оқуға түстім. Алғашқы жылы сабаққа ауылдағы үйімізден барып-қайтып жүрдім. Дегенмен қыстыгүні ауыл мен қала арасында қатынау қиындай түсті. Сөйтіп жатақханаға көшуге бел будым. Пәтер жалдап та тұрдым, кейде тіпті достарымның, таныстарымның үйіне қонып қалған кездерім болды. Осы уақытта, 2-курс оқып жүргенімде “Шіркін, қалада өзімнің бір үйім болса ғой” деп армандайтын едім. Дәл сол кезде бір туысымнан кездейсоқ Отбасы банк туралы, одан депозит ашып, ақша жинау тиімді екенін естіп қалдым. Осы сәтте әлгінде ғана ойлаған арманымды орындауға таптырмас құрал екенін түсінгендей болдым. Сөйтіп әке-шешеммен ақылдасып, Отбасы банкінен шот ашып, ақша жинай бастадым. 

Студент кезімнен-ақ 3,5 миллион теңге жинай алдым

Қаражатты 18 жасымнан бастап жинадым. Ол кезде 16 мың теңге шәкіртақы алатынмын. Сабақтан соң, бос уақытымда жұмыс істеп, ақша таптым. Таңертең сабаққа барсам, түстен кейін, кешке даяшы болып жұмыс істедім. Даяшылық қызметім үшін 4000-5000 теңге төлейтін. Шәкіртақымды күнделікті күнкөрісіме жұмсап, ал жұмыстан түскен табысымды депозитке салдым. Кейде шотыма айына 1000-2000 теңге ғана салған кездерім болды. Бірақ мен “бастысы ақша соммасында емес, тұрақтылықта” деген ойды миыма әбден құйып алдым. 

Оған қоса мүмкіндік болса, алғашында көп сома қаражатты салып, кейін аздан салса да, бағалау көрсеткіші өседі екен. Сол себепті жаздық каникулымда жұмыс істедім. Әжептәуір жалақы алып жүрдім де, соның 50%-ын шотыма аударып отырдым. Күннен-күнге жинағымдағы қаражаттың өсіп жатқанын көрген сайын, одан әрі құлшынысым арта түсті.  Себебі мақсатыма ақырындап жақындап келе жатқанымды түсіндім. Сөйтіп үш-төрт жылда 3,5 миллион теңге жинадым. Кейін бір танысымнан Отбасы банкінің “Отау” деген бағдарламасы туралы естідім де, интернеттен ақпарат іздедім. Бағдарламаның шарттары өзіме ыңғайлы болды: алғашқы жарнасы, пайыз мөлшерлемесі, банктың беретін несие соммасы тиімді екен. Сөйтіп көктемде бағдарламаға өтініш беріп көрдім. Міне, биыл күзде баспаналы болдым. 

Арманымды орындағым келетінін түсінетінмін 

Өмірдің ең қызық сәтінің бірі – студенттік шақ. Бұл уақытымды, сол кездегі қаражатымды тиімді қолдандым деп есептеймін. Достарыммен қыдырып та, ақша жинап та үлгердім. Мәселен, жалақым мен шәкіртақым 54500 теңге болса, оның 4500 теңгесін депозитке салып қоятынмын. 5400 теңгеден күнделікті күнкөрісім аса өзгеріп кетпейді. Есесіне, депозиттегі қаржым көбейетін. 

Оның үстіне, мен әлі де жап-жаспын. Ерте әрекет еткенімнің арқасында 22 жасымда баспаналы болдым. Колледжде электрик мамандығын меңгердім, бірақ кейінгі уақытта педагогтың қызметіне қызығып жүрмін. Сол себепті қазір дене шынықтыру пәні мұғалімі мамандығын оқып жатырмын. Жас болған соң, түрлі саланы көріп, өзіме ұнайтын сүйікті ісімді тапқым келеді. Бастысы кез келген салада, істе бір орында тоқтамау керек әрі тәуекел ете білу керек екенін түсінемін.  

READ FULL STORY HERE>>>CLICK HERE TO CONTINUE READING>>>

Үйімнің кілтін дәл анамның туған күнінде алдым

Үйімізде бір күнде екі дүбірлі той болды: анамның туған күнін атап  өттік, жаңа баспанамның кілтін алдым. Бұл кездегі қуанышымды сөзбен жеткізе алмаймын. Барлық туыстарымыз да хабарласып, қуанышты хабарымызды бөлісті.

Ес білгелі ауылда жер үйде тұрдым. Ауылым – туған жерім, оның әр топырағы мен жері ыстық. Десе де ауылдың тірлігі көп қой. Өзім, ата-анамның, ата-әжемнің барлық жағдай жасалған қалада, іші жөнделген, кең әрі жайлы көпқабатты үйдегі пәтерде тұрғанын қаладым. Қазір сатып алған үйім дәл өзім қалағандай. Сапасы жоғары, кең бір бөлмелі үй алдым. Аулада да балаларға ойнауға арналған алаң бар. Ипотеканы 8 жылға рәсімдедім. 8 жыл лезде өтіп кетеді деп ойлаймын. Ай сайын ақысын төлеп отырамын. Бұрын жалдамалы пәтерге ақысын төлегенімде “ақшам ауаға кетіп жатқандай” болатын. Ал қазір ай сайын ақысын төлесем де, болашақта бұл үй өзіме қалады. Десе де мен мұнымен шектелмеймін. Ата-анамның жағдайын жасап, бұдан да кең үй алғым келді. 

Қанша теңге жинап жатқаныңыз емес, ай сайын тұрақты түрде ақша салғаныңыз маңызды: Қазбектен кеңестер

Негізі қазір баспаналы болам деген адамға түрлі мүмкіндік бар. Өз басым, үй алғысы келетіндерге мынадай кеңес берер едім:

Біріншіден, әуелі адамның мақсаты айқын болуы керек және өзі сол арманын іске асыра алатынына сенуі қажет. 

Екіншіден, көп ақша тапқан адам емес, оны дұрыс жұмсайтын адам бай. Адам табысын дұрыс бөлсе, жеткізуге болады. Мұны қаржылай сауатты болудың бір жолы дер едім. 

Үшіншіден, тұрақтылық маңызды. Сіздің қанша теңге жинап жатқаныңыз емес, ай сайын тұрақты түрде ақша салып отырғаныңыз, қорыңызға бес теңге болсын түсіп тұрғаны маңызды екенін ұмытпаған жөн. 

Төртіншіден, екі қолға бір күрек демекші, еңбек еткен адам арман-мақсатына жылдам жетеді. Оған қоса қазір пәтер алуға мүмкіндік беретін Отбасы банкінің түрлі бағдарламалары бар. Адам өзіне ыңғайлысын, қалтасы көтеретінін таңдап алуына болады. Ең бастысы бағдарлама шарттарын мұқият түсініп оқыса, оның еш қиындығы жоқ. 

Бесіншіден, депозитке ақша жинаған сайын үлкен арманыңызға бір қадам жақындағаныңызды ұмытпаңыз. 

Белгілі желі жұлдызы, блогер Жансая Махабаева кәсіпкер Тұрсен Алагөзовтің бір күндік образын есептеп көрді. Бұл туралы Stan.kz ақпарат агенттігі хабарлайды. 

Фото: https://www.instagram.com/tursenalaguzov/

Желі қолданушысы сырт киімдерінен бастап, бұйымдарына дейін бағасын есептеді. 

“Отандық бизнесмен, сәнді киім үлгісімен танымал Тұрсен Алагөзовтің мына образы қанша тұрады деп ойлайсыздар?

Әдеттегідей киімінен бастайық, күртешесі Prada брендінен, бағасы – 1 миллион 143 мың теңге. Жемпірі шамамен – 797 мың теңге. Джинсі Louis Vuitton брендінен, бағасы шамамен – 957 мың теңге.

Мына мойынорағышы Louis Vuitton брендінен, бағасы шамамен – 415 мың теңге.

Аяқкиімі Prada брендінен, бағасы – 452 мың теңге. Көзілдірігі де Prada брендінен, бағасы –  213 мың теңге. Ал енді әшекейлеріне көшейік. Мына қолындағы білезігі Cartier брендінің  Juste un Clou топтамасынан екен, қалыңдауының бағасы шамамен – 4 миллион 598 мың теңге. Ал мына сағаты Patek Philippe брендінен, толықтай алтыннан жасалған, бағасы – 100 миллион 453 мың теңге.

Сонымен барлығы – 109 миллион 28 мың теңге”, – деді блогер. READ FULL STORY HERE>>>CLICK HERE TO CONTINUE READING>>>

Еске салайық, продюсер Баян Мақсатқызы күйеуінің туған күніне гауһартаспен көмкерілген тұмар сыйлаған еді. 

Одан кейін Тұрсен Алагөзовтің туған күніне арнайы жасалған 120 келі торттың салмағы қызу талқыланған болатын. 

Алматы облысы Қарасай ауданында ер адам әйелінің жұмысына келіп, оны темір құралмен және балғамен ұрып өлтірмек болған. Бұл туралы  Stan.kz ақпарат агенттігі хабарлайды.

Видеодан скриншот

Салдарынан жәбірленушінің басы бірнеше жерден тігілген, қолдары сынған. Әйелді әріптестері аман алып қалды. Артынша ер адам әйел жұмыс істейтін мектепке барып, баласына зиян келтірмек болған. Бірақ мектеп директоры ер адамды мектеп ғимаратына кіргізбеген.

Алматы облысының полиция департаменті болған оқиғаға қатысты түсініктеме берді. READ FULL STORY HERE>>>CLICK HERE TO CONTINUE READING>>>

“Денсаулыққа қасақана орташа ауырлықтағы зиян келтіру фактісі бойынша полиция қылмыстық іс қозғады, соттың санкциясымен күдікті екі ай мерзімге қамауға алынды. Сотқа дейінгі тергеп-тексеру шеңберінде заңды шешім қабылдана отырып, мән-жайларды жан-жақты, толық және объективті тексеру үшін заңда көзделген барлық шаралар қабылданады. Тергеу барысы бақылауда. Тергеу мүддесіне қатысты басқа ақпарат жария етілмейді”, – делінген хабарламада.\

Еске салсақ, бұған дейін Ақтауда ер адам бұрынғы сүйіктісін көшеде соққыға жыққаны айтылды.