Семей тұрғыны 13 жастағы баласының өліміне дәрігерлерді кінәлайды. Ана ұлына жасалған ота кезінде ыстығы көтеріліп, көз жұмды дегенге сенбейді. Бұл туралы Stan.kz ақпарат агенттігі 31-арнаның Информбюро жаңалықтар бағдарламасына сілтеме жасап хабарлайды. 

Видеодан скриншот

Әлия Әбілдинова 13 жастағы ұлын мұрын ішінде өскен етті алдыру үшін Астанадағы балалар ауруханасының біріне апарған. Ондағы дәрігерлер ота арқылы етті аламыз деген екен. Бірақ ота кезінде Әділбек Азаматұлының ыстығы көтеріліп көз жұмған депті. Дегенмен марқұмның анасы бұған сенбейді. Ол баласының өліміне дәрігерлердің салғырттығы себеп деп отыр. Өйткені ұлымнан көп мөлшерде қан кеткенін өз көзіммен көрдім дейді.

“Сол жерде неге соншама көп қан деп бірден сұрақ қойдым. Дәрігерлер “енді ота болған соң қан ағады” деп мені көндірді. Сонда да сенімсіздік болып, сол жерде сараптама жасаймыз деп шешім қабылдадық. Сараптама бойынша ұлымның кеңірдектен жарақаты болған. Содан ішіне қан ағып, тұншығыпты. Медициналық сараптамалық нәтижелері мен аурухананың берген қағазы бір-біріне мүлдем сәйкес келмеді”, – деді марқұмның анасы Әлия Әбілдинова.

Сот-медициналық сараптамасының қорытындысында бала механикалық асфиксиядан мерт болды деп көрсетілген. Ота кезінде кеңірдек жарақаттанып, көп мөлшерде қан кеткен. Салдарынан жасөспірімнің тыныс алу жолдары жабылған делінген.

“Сот-медициналық сараптаманың негізі бойынша, баланың қаны көп кеткен. Барлық бронзы, тыныс алу мүшелері қанға толған. Тіпті баланың асқазанына қан кеткен. Медициналық мекеме мен сараптаманың қорытындысы сәйкес келмейтініне қарамастан, 24 қыркүйекте қылмыстық іс тоқтатылған. Біз бұған келіспейміз. Біздің пікірімізше, аталған іс бойынша Қылмыстық кодекстің 317-бабының 3-тармағы “Медицина немесе фармацевтика қызметкерінің кәсіптік міндеттерін тиісінше орындамауы” бойынша қылмыстық іс қозғалып, тергеу жүруі тиіс”, – деді заңгер Әлия Илькенова. READ FULL STORY HERE>>>CLICK HERE TO CONTINUE READING>>>

Бүгінде Әділбек Азаматұлының өлімі бойынша елордадағы Алматы аудандық полиция басқармасы қылмыстық істі қайта қозғаған.

“Аталған факті бойынша Алматы аудандық ішкі істер басқармасы Қылмыстық кодекстің 317-бабының 3-бөлігі “Медицина қызметкерінің кәсіби міндеттерін тиісінше орындамауы, адам өліміне әкеп соқтыруы” бойынша сотқа дейінгі тергеу амалдарын жүргізіп жатыр. Қалған ақпарат жария етілуге жатпайды”, – деп мәлімдеді Астана қалалық полиция департаменті баспасөз қызметінің бастығы Эльмира Шауленова.

Әділхан кішкентайынан ақылды, зерек бала болып өскен. Болашақта IT-маманы боламын деп армандапты. Отаға кірмес бұрын отбасын “мен кеттім, уайымдамаңыздар” деп жұбатқан екен. Бұл жалғыз баламның соңғы сөзі болды дейді анасы.

“Биыл ұлым 8 сыныпқа көшетін еді. Өте әдепті, өте ақылды болды. Әрқашан күліп жүретін. Отаға кеткенде “мен кеттім” деді. Болды, содан кейін баламның дауысын естімедім”, – деді марқұмның анасы.

Марқұмның анасы ұлының дәрігерлердің салғырттығынан көз жұмғанына сенімді. Сондықтан ол құзырлы орган қызметкерлерінен кінәлілерді тауып, жазалауды талап етеді. Ал аталған аурухана басшылығы тек тергеуден кейін жағдайға пікір білдіретінін мәлімдеді. 

Ресей президенті Владимир Путин шұғыл мәлімдеме жасады. Бұл туралы Stan.kz ақпарат агенттігі хабарлайды. 

Фото: kremlin.ru

Оның айтуынша, Украинадағы қақтығыс “жаһандық сипаттағы элементтерге” ие бола бостады.

Путин 19 қарашада Украина қарулы күштері Брянск облысындағы нысаналарға алты ATACMS зымыранымен және 21 қарашада Курск облысында Storm Shadow жүйелерімен шабуыл жасағанын айтты.

Путин Украинадағы қақтығыс осы шабуылдардан кейін жаһандық сипаттағы элементтерге ие болғанын атап өтті. Оның айтуынша, Ресейге соққы жасау үшін ұзақ қашықтықтағы снарядтарды олар жасалған елдердің мамандарынсыз ұшыру мүмкін емес.

“Біз өзімізді қаруларын бізге қарсы қолдануға мүмкіндік берген елдердің әскери нысандарына қарсы шабуыл жасауға құқылымыз деп санаймыз. Ал агрессивті әрекеттер күшейген жағдайда біз де батыл жауап береміз”, – деді Путин.  READ FULL STORY HERE>>>CLICK HERE TO CONTINUE READING>>>

Сондай-ақ Путин Мәскеудің орта және қысқа қашықтықтағы зымырандарды одан әрі орналастыру мәселесі АҚШ пен серіктестерінің әрекетіне байланысты шешілетінін мәлімдеді.

“Орешник” сияқты жүйелермен соққы жасалатын нысанлаларды таңдағанда, біз бейбіт тұрғындарға алдын ала хабарлап, сол жақта жүрген достас мемлекеттердің азаматтарынан қауіпті аймақтардан кетуді сұраймыз”, – деді Путин.

Сонымен қатар Путин ең жаңа орта қашықтыққа ұшатын “Орешник” зымыранының сәтті сынақтан өткенін хабарлады. Оның айтуынша, қазіргі заманғы әуе шабуылына қарсы қорғаныс жүйелері бұл зымырандарды ұстай алмайды, өйткені олар нысанаға секундына 2,5-3 шақырым жылдамдықпен шабуыл жасайды.

“Орешник” зымыран жүйесі НАТО елдерінің Ресейге қарсы агрессивті әрекеттеріне жауап ретінде ұрыс жағдайында сынақтан өткізілген. Путин соңғы зымырандық жүйелерді одан әрі сынау кезінде соққы жасалатын нысаналар Ресейге төнген қауіп-қатерлерге байланысты анықталатынын баса айтты.

Премьер-министрдің бірінші орынбасары Роман Скляр жеке тұлғалардың елге көлік әкелу ережелеріне қатысты мәселеге пікір білдірді. Бұл туралы Stan.kz ақпарат агенттігі хабарлайды. 

Фото: depositphotos.com

Роман Скляр кейбір блогерлердің ақпаратты бұрмалап жатқанын атап өтті. 

“Біз кейбір блогерлер айтып жатқандай, баждар мен салықтардың мөлшерлемелерін көтеру туралы айтып отырған жоқпыз, біз бірінші кезекте техникалық және кедендік процедураларды 2015 жылдан бері қолданыстағы заңнамаға сәйкес реттеп жатырмыз”, – деді Скляр.

Ол қазіргі заңнамаға сәйкес автокөлікті кедендік рәсімдеудің екі нұсқасы бар екенін атап өтті.

“Бірінші. Жеке тұлғаның жеке пайдалануы үшін әкелу кезінде – бұл жағдайда автокөлікке көлік құралының конструкциясының қауіпсіздік сертификаты беріледі, бірақ жылына бір автокөлікке ғана. Сонымен қатар 48%-дан аспайтын және қозғалтқыш көлеміне және автомобильдің жасына байланысты өзгереріп отыратын бірыңғай баж салығы төленеді. Жеке мақсаттар үшін екенін ескеру керек. Ауыр жүк көліктері мен сыйымдылығы 12 жолаушыдан асатын автобустарды жеке мақсатта, әсіресе жолаушылар мен жүктерді коммерциялық тасымалдау үшін пайдаланылатын көліктерді әкелуге болмайды. READ FULL STORY HERE>>>CLICK HERE TO CONTINUE READING>>>

Екінші. Заңды тұлға әкелген кезде көлік құралын іскерлік мақсатта әкелген кезде көлік құралына көлік құралының түрін растау құжаты берілуі керек. Мұнда кедендік баж салығы 15%, ал импортқа ҚҚС 12%. Тағы да қайталап айтамын, бұл жаңалық емес, бұл Еуразиялық экономикалық одақ құрылғаннан бері, яғни 2015 жылдан бері қолданылып келе жатқан талаптар”, — деді премьер-министрдің бірінші орынбасары.

Роман Скляр көліктердің жеке мақсаттар үшін деп көрсетіп, іскерлік мақсатта пайдалатындарға мысал келтірді. 

“Тексеру барысында биылғы жазда 80 жастағы бір әйелге 10-нан астам “Еуро-2″ экологиялық класындағы жүк көлігі тіркеліп, жеке пайдалану үшін әкелінгені анықталды. Немесе біздің жолдардағы танымал “Альфардтар”. Жолдарда құрбан болғандар мен қайғылы оқиғалар өте көп. Бұлар да біздің азаматтар. Сондықтан қолданыстағы заңнамаға сәйкес қатаң бақылауды күшейтіп жатырмыз”, – деді Скляр.

Еске салсақ, бұған дейін Қазақстанда 1 желтоқсаннан бастап көлік әкелу ережелері өзгеретіні туралы жазған едік.