Монополистер 2023/2024 жылдарда жылу энергиясы үшін төлеген артық ақшаны қазақстандықтарға қайтарады. Бұл туралы Stan.kz ақпарат агенттігі Finprom.kz порталына сілтеме жасап хабарлайды. 

Фото: pexels.com

Қазақстанның табиғи монополиялар туралы заңнамасына сәйкес табиғи монополия субъектісі сыртқы ауаның нақты температурасын ескере отырып, жылу энергиясын беру бойынша реттеліп көрсетілетін қызмет құнын қайта есептеуге міндетті.

Жылу энергиясымен қамтамасыз ету бойынша қалыпты түрде көрсетілетін қызметтің құнын тікелей тұтынушыларға қайта есептеуге міндетті. Ал тұтынушының тұрған жерін анықтау мүмкін болмаған жағдайда, жылу ақысын жылу энергиясымен қамтамасыз ету бойынша қалыпты түрде көрсетілетін қызмет ақысын төлеген кезде тарифті төмендету жолымен қайта есептейді. READ FULL STORY HERE>>>CLICK HERE TO CONTINUE READING>>>

Осылайша, жылумен жабдықтау саласында қызмет көрсететін ТМС есептеу құралдары жоқ тұтынушыларға 2023/2024 жылдарда жылу энергиясы үшін төленген төлемақыны қосымша құн салығын ескере отырып, жалпы сомасы 768,2 млн теңге мөлшерінде қайтарды.

“Ең көп қайтарылған сома (354,5 млн теңге) ШҚО-да тіркелді. Содан соң Алматы (95,4 млн теңге) және Маңғыстау облысы (60,9 млн теңге) тұр. Қызылорда (38,6 млн теңге), Ақтөбе (37,7 млн теңге), Ақмола (33,5 млн теңге) және Қостанай (32 млн теңге) облыстарында да қомақты қаражат қайтарылды”, – деп жазды басылым.

Ал Ұлытау және Қарағанды облыстарының тұтынушылары үшін өзге тәсіл қолданылады, себебі жылу энергиясымен қамтамасыз ету бойынша қалыпты түрде көрсетілетін қызмет құны сыртқы ауаның нақты температурасы ескеріліп есептеледі.

Танымал продюсер, актриса Жұлдыз Әбдікәрімованың сән апталығындағы образы ел талқысына түсті. Бұл туралы Stan.kz ақпарат агенттігі хабарлайды. 

Фото: https://www.instagram.com/zhuldyzabdukarimovaofficial/

Қайрат Нұртастың келіншегі көпшілікке еліміздегі танымал дизайнердің жаңа топтамасын таныстырды. Актриса подиумға жылан терісіне ұқсас матадан тігілген көйлекті киіп шығып, ел назарын өзіне аударды. Бірі мақтап, енді бірі даттап та үлгерді. Оған қоса сән көрсетілімінің соңында өнер иесі модельдердің шеруін бастап шықты. 

Алайда көпшілікке актрисаның киген көйлегі ұнамай қалды. Бірі жақтаса, енді бірі қазақ келіндеріне жараспайтын киім деп даттады. 

“Осындай да көйлек бола ма?!”, “Жартылай жалаңаш көйлекті ешкім кимейді”, “Қазақ келіндеріне жараспайтын киім”, “Өте сұлу да өзіне сенімді ару”, “Қадамдары нық деп осындайда айтады екен. Кәсіби модельден еш жері кем емес”, “Не деген фигура, 4 баланың анасы деп кім айтады”, “4 бала туған әйел де жас қыздай көрінетінін тағы да дәлелдедің”, “Мүсінінде бір мін жоқ”, “Жоғары деңгейде жүріп өтті. Не деген харизма, энергия”, “Сөз жоқ, сұлусыз. Қарай бергің келеді”, – деп жазды оқырман қауым.  READ FULL STORY HERE>>>CLICK HERE TO CONTINUE READING>>>

Еске салайық, жақында актриса Түркияға кетіп, емделіп келген болатын. 

Ақтөбе облысындағы бұрынғы ауыл имамының басы дауға қалды. Ер адамға балдызы әйелін үйде қамап ұстады, жындар мен тозақ туралы әңгіме айтып, ауру қылды деген айып тақты. Ақтөбелік теолог мұны жоққа шығарады. Екі тарап та сотқа арыз түсіретіндерін айтты. Бұл туралы Stan.kz ақпарат агенттігі хабарлайды. 

Ақтөбе облысы Мұғалжар ауданының теолог қызметкері Әділет Маусымовтың үстінен әйелінің сіңілісі шағым түсірмек. Айтуынша, бұрын ауыл имамы болған жездесі жындар туралы әңгімелерімен апасын адам танымастай етіп өзгертіп жіберген.  Бұл туралы ақпарат алдымен әлеуметтік желіде тарады. Қоғам назарын туғызды.

Дін қызметкерінің балдызы отбасылық зорлықтың құрбаны болған әйелдің күйзеліске түскенін баяндап берді. Қиын жағдайда қалған апасын күйеуінің үйінен алып кеткен.

“Мен Жанат Қалымбетованың туған сіңілісімін. Тәтемнің жағдайы қазір жақсы. Бүгінде Қызылорда қаласында, балаларымен бірге анам екеуміздің қасымызда тұрады. Ол бұрын ауырмады, тұрмысқа шыққанға дейін сап-сау адам болды. Тәтем жуас. Ондағы күйзеліс тұрмысқа шыққаннан кейін пайда болды. Күйеуі үнемі жындар туралы айта берген. “Қасыма жатпасаң періштелер қарғайды, үйде жын болады” деп бәрін жынмен байланыстырып айтқан.  Тәтем қорқып қалған. 2019 жылдан бері қолына ақша алып, өзі жұмсап көрмеген. Тәтемнің жеке куәлігі де өзінде жоқ. Жездем оны бізге бермеді, қайта жасатуға тура келді”, – деді бұрынғы имамның балдызы Гауһар Қалымбетова.

Балдызы бұрынғы имамның отбасындағы зорлық-зомбылық туралы әлеуметтік желіге жариялады, көпшіліктен көмек сұрады. Айтуынша, 32 жастағы келіншектің күйзеліке ұшарауына дін жолындағы күйеуі кінәлі.

“Жағдайды әлеуметтік желіге салуымның себебі жездем тәтемде “психикалық ауытқуы бар” деп отыр. Тәтем зорлық-зомбылықтан қорқып қалған. Өзі әлеуметтік желіге айтып шыға алмайды. Ұзақ уақыт қоғаммен араласпаған. Жездем қазір теолог, бұрын имам болған. Қорғаушымыз бар, сотқа арыз түсіреміз. Бірінші алиментке арыз  жазамыз. Қазір тәтемнің денсаулығын қаратып жатырмын. Рас, тәтем 2018 жылы жүйке аурулар ауруханасында емделген. Қазір дәрі-дәрмек қабылдамайды. Қызылорда қаласындағы жүйке аурулар ауруханасына көрсеттім. Жағдайы жақсы, бойында қорқыныш барын айтып, дәрі жазып берді. Шизофрения белгілері жоқ. Бұл туралы да сотқа арыз түсіреміз. Экспертизадан өткізіп, тәтемді жүйке аурулар бойынша есептен шығартамын.  Оны “ауру” деп 2019 жылы есепке қойған. Бірақ ол кезде комиссия құрамы болғаны туралы мәліметтер жоқ. Сондықтан сот арқылы анықтаймыз. Тәтем тұрмысқа шыққанға дейін жүйке ауруымен ауырмаған. 2014 жылы тұрмысқа шықты. 2017 жылы екінші қызын босанады, 2018 жылы ауырады. Тәтем ауруханаға денесі көгеріп түскен кездер болды. Бүгінде төрт баланы өмірге әкелді. Ешқайсысына зияны тиген жоқ. Балалар да әкесінен қорқып қалған. Психолог көмегімен балалардан әкесінің қандай қысым көрсеткені туралы жауап алғанын қалаймын. Мұның бәрі сот арқылы шешіледі деп ойлаймын. Тәтемнің банк картасын иемденіп, балалардың жәрдемақысын да өзі алып келген. Үшінші баласынан кейін дәрігерлер бала тууға болмайды деп ескертті. Тәтеме жүктіліктен қорғану туралы айтқанымда “болмайды, күйеуім рұқсат етпейді” деді.  Бірақ жездем жоспарлы түрде көпбалалы болу үшін төртіншісін туғызды. Ол адам бұрын Жаңажол ауылында имам болды. Қазір теолог”, – деді Гауһар Қалымбетова. READ FULL STORY HERE>>>CLICK HERE TO CONTINUE READING>>>

Ал дін қызметкерінің өзі мұны өзіне тағылған айып деп санайды. Сондықтан балдызы мен енесін сотқа бермек.

“Балдызым маған шабуыл жасап жатыр. Жұбайыммен ажырасу турасында қысым көрсетті. Ажыраспайтынымды айттым. Себебі қазір әйелімнің ауыратын уақыты. Көктем, күз айларында ауырады. Жүйке жүйесі ауруханасында емделді. Тағылған айыптың бәрі жалған. Еш дәлел жоқ. Әйелімнің ауырған кезін пайдаланып, қарсы қойып тұр. 29 қазан күні жақын қарындасымның басын қарайтуға Шымкентке кеттім. Әйелім “апа, ағаларға сәлем айт” деп далаға дейін шығарып салды. 31-ші қазанға дейін қыздарыммен сөйлестім, одан кейін байланыса алмадым. Сол күні учаскелік полиция хабарласып, үстімнен енемнің арыз жазғанын хабарлады. Ұрған деп көрсеткен. Бәрін тастап жеттім. Келгенде қыздарым, отбасым жоқ. Алып кеткен. Кейін

мектептен балалардың құжатын алуға келді. Мен “Е-өтінішпен” білім бөліміне арыз жазып тастадым. Әйелімнің жағдайына байланысты балаларымлы бере алмайтынымды айттым. Заңды әкесімін. Балаларымды басқа жаққа жібере алмаймын. Әлеуметтік желіде тараған видео мектепте түсірілген. Айқай шығарып жатқан соң қолхат жазып шығып кеттім. Мен ешкімді кінәламаймын. Маған да оңай емес. Жалған ақпарат үшін енем мен балдызымды сотқа бердім”, – деді Әділет Маусымов.

Қазіргі уақытта ерлі-зайыптылардың төрт қызы анасының қасында. Мектеп жасындағы екі бала Қызылорда қаласындағы жеке мектепке барып жүр.

“Балардың әкесі Маусымов Әділет Маусымұлы Мұғалжар аудандық жастар арасындағы дін мәселесі және қоғам мен байланыс жөніндегі орталық басшысы. Анасы Жанат Қалымбетова үйде. Екі бала мектеп жасында. Бір бала шағын орталыққа барды. Кішісіне 11 ай. Қазіргі таңда балалар Қызылорда қаласындағы мектеп – интернатына орналас­ты. Мектеппен хабарластық, оқушылардың орналасқанын растап отыр. Қазіргі уақытта отбасы заңды түрде ажырасу мәселесі бойынша сотқа арыз түсірген”, – деді Мұғалжар аудандық білім бөлімінің басшысы Бахраман Аманжол.

 32 жастағы Жанат Қалымбетованың өміріне қатысты өзгерістерді алдағы уақытта да бақылауда ұстаймыз.