Жамбыл облысында жыл басында ашылған жеке мектептің құжаты жоқ болып, аяқ-асты жабылып қалды. Енді оқу жылының ортасында 250 оқушыны ешқандай мектеп қабылдамайды. Себебі оқушылардың бұған дейін алған бағасы ортақ базада болмаған. Ал ата-аналар балалардың оқығаны туралы құжат бере алмай отырған білім ордасының алдын торуылдап жүр. Бұл туралы Stan.kz ақпарат агенттігі Ктк арнасына сілтеме жасап хабарлайды.

Фото: сюжет кадрларынан 

Сапалы білім ұсынған мектеп балаларды ақылы түрде қабылдаған.

“Балаларымыз бір тоқсан мектеп базасында жоқ. Табельда да жоқ. Үш ай бойы балаларымыз қайда жүрген сонда, білмейміз. Талабымыз — құжаттарамызды берсін. Балаларды мектепке кіргізу керек. Бұл мектепті қалай ашты?! Біз сеніп қалып баламызды бердік. 250 баланың тағдырын шешіңдер. Бір тоқсан балалар далада жүр”, -деді оқушының анасы Нұргүл Сатаева. 

Ата-аналардың айтуынша, мектеп ұжымы мектепте мұндай олқылықтың барын еш ескертпеген. Жиналғандар мектептің құжаты жоқ екенін баласын басқа мектепке ауыстырмақ болған ата-анадан білген. Ата-аналардың кейбірі тіпті жылдық оқу ақысын төлеп қойған.

“42 мың теңге төйлейтін едік, кейбір атана 46 мың теңге төйлейді. Жеңілдікпен  үш айға, 36 мыңнан төлеңіздер деді. Кейбірі бір жылға, алты айға, үш айға төлеп тастады. Бірақ ақшамыз да жоқ. Ақшамызды қойшы, лицензиясы да жоқ қой”, – деді оқушының анасы Айсұлу Хасанова. READ FULL STORY HERE>>>CLICK HERE TO CONTINUE READING>>>

Ал білім бөлімінің мамандары оқу орталығына  тексеріс басталғанынан бейхабар. Айтуынша, білім сапасын бақылау департаменті лицензияның жоқ екенінін ескертіп, алдын ала хат жолдамаған. Білім бөлімінің басшысы оқусыз қалған оқушылар басқа мектепке ауыстырылды дейді. Ол үшін әр мектепке  оқушылардың мәліметі жеке –жеке берілмек.

“Бір тоқсан бойы оқымаған. Біз мына кісілерге өзіміз сұратып, әрқайсысын бағалатуға мүмкіндік жасаймыз. Енді қазір жекеменшіктен мемлекеттікке береміз десеңіздер, ол да өз құзырларыңызда. Оны біз қабылдай аламыз”, – деді Тараз қаласы білім бөлімінің басшысы Раушан Қожамжарова. 

Жауапты мекеме мамандары лицензиясыз жұмыс істеп келген мектепті сотқа берген. Қазір сот процесі басталған. Олардың айтуынша мектептің заңсыз жұмыс істеп келгені дәлелденсе, бұған дейін мемелкеттік бюджеттен берілген қаражат кері қайтарылмақ. Қазір өңірде оқушыларға білім беретін 24 жекеменшік мектеп жұмыс істейді. Тексеріс кезінде аймақтағы үш жеке мектептің рұқсат қағазы жоқ болып шықты.