Қазақстан басқа елдерден қандай өлшемдер бойынша басым түсті? Mercer институты CFA-мен бірлесіп, жыл сайын өткізетін Mercer CFA Institute Global Pension Index (MCGPI) зейнетақы индексінде Қазақстанның зейнетақы жүйесі 24-орынды иеленді. Зейнетақы жүйелері кешенді түрде зерттелетін 2024 жылғы халықаралық рейтингке әлемнің 48 елі кірді. 

Mercer CFA институтының жаһандық зейнетақы индексі аясында жүйелерді 50-ден астам индикаторды қамтитын “Лайықтылық”, “Тұрақтылық” және “Тұтастық” үш қосалқы индексі негізінде бағалау жүзеге асырылды. Осы индикаторлар бойынша зейнетақы жүйелеріне толық және объективті бағалау жүргізу үшін ЭЫДҰ, Дүниежүзілік банк, Халықаралық еңбек ұйымы, Economist Group зерттеу және талдау бөлімшесі сияқты т.б. ұйымдардың деректерін қамтитын ашық халықаралық көздерден алынған мәліметтер пайдаланылды. 

64,0 балл жинаған Қазақстан АҚШ, Испания, Жапония, Оңтүстік Корея, Қытай, Сауд Арабиясы және басқа елдерден озып, “С+” бағасын алды. 

Қорытынды балл үлес салмағы бойынша өлшенген қосалқы индекстік бағалардың нәтижелерін жинақтау жолымен алынды: 

• “Лайықтылық” қосалқы индексі бойынша – 45,8 балл (үлес салмағының 40%: Қазақстан, мысалы Малайзиядан, Оңтүстік Кореядан, Индонезиядан, Оңтүстік Африкадан озып кетті); 
• “Тұрақтылық” қосалқы индексі бойынша – 73,1 балл (үлес салмағының 35%: Қазақстан индексі Швейцария, Чили, Жаңа Зеландия, Финляндия, Канада, Норвегия, Франция, Ұлыбритания, АҚШ және басқа да көптеген елдердің көрсеткіштерінен асып түседі); 
• “Тұтастық” қосалқы индексі бойынша – 80,4 балл (үлес салмағының 25%: Қазақстанның көрсеткіші Швеция, Дания, Ұлыбритания, АҚШ, Қытай және басқа елдерге қарағанда жоғары). 

Жоғарыда келтірілген сандардан көрініп тұрғандай, Қазақстанның тұрақтылық (жалпы рейтингіде 8-орын) және тұтастық (16-орын) қосалқы индекстері өте жоғары бағаланды. Республиканың зейнетақы жүйесіндегі нығайтуды қажет ететін неғұрлым осал орны – лайықтылық қосалқы индексі бойынша (47 орынның 41-сі) сипатталды. 

Mercer CFA институты қазақстандық зейнетақы жүйесін одан әрі жетілдіру және зейнетақымен қамсыздандыру көрсеткішінің лайықтылығын арттыру бойынша мынадай ұсыныстар жасады: READ FULL STORY HERE>>>CLICK HERE TO CONTINUE READING>>>

• ең кедей қарт адамдарды/зейнеткерлерді қолдаудың ең төменгі деңгейін арттыру;
• үй шаруашылықтарының зейнетақы жинақтарының деңгейін көтеруге ынталандыру:
• зейнетақы жинақтарына қол жеткізуді шектеу арқылы зейнетке шығар алдындағы кезеңде жинақтардың шығыс ағынын қысқарту;
• өмір сүру ұзақтығы ұлғайған сайын егде жастағы адамдардың жұмыс күшіне қатысу деңгейін арттыру;
• зейнетақы жүйесіне қатысушылардың жылдық үзінді көшірмелерінде болжамды зейнетақы төлемдерін көрсету бойынша талаптарды енгізу.

Жаһандық зейнетақы индексінде бала туудың төмендеуіне және өмір сүру ұзақтығының ұлғаюына қатысты жалғасып жатқан үрдістерді ескере отырып, зейнетақы жүйелерін жетілдіру қажеттілігі атап өтіледі. Ол туралы Дүниежүзілік экономикалық форумда да айтылды: “Адамзат тарихында алғаш рет 65 және одан егде адамдар саны 5 және одан кіші жастағы балаларға қарағанда көбірек”.

Естеріңізге сала кетейік, 2023 жылы Қазақстанның зейнетақы жүйесі алғаш рет жыл сайынғы рейтинг – Mercer CFA институтының жаһандық зейнетақы индексіне енгізіліп, бірден 64,9 балл жинап, 20-орынға ие болды. 2024 жылғы зерттеулердің қорытындысы бойынша Қазақстан тізімнің тура ортасындағы орынды иеленді. Ал бірінші орынды Нидерландының зейнетақы жүйесі сақтап, 84,8 балл жинады. Атап кетейік, Нидерландыда 2028 жылға қарай барлық зейнетақы жоспарларын жинақтаушы жүйеге (DC) толық көшіру жоспарланып отыр. Индексте бүкіл әлем бойынша зейнетақы жүйелері белгіленген төлемдердің (DB) жоспарларынан едәуір алшақтап, бекітілген жарналардың (DC) жүйелеріне ауысып жатқандығы атап көрсетілген.

13 қарашада Алматыда “Қазақ аруы” байқауы өтті. Аруды халық дауыс беру арқылы таңдаған. Бұл туралы Stan.kz ақпарат агенттігі хабарлайды.

Баян Алагөзованың ұйымдастыруымен өтетін “Қазақ аруы” байқауының нәтижесі анықталды. 

Қызылорда облысының тумасы 17 жастағы Ақкербез Ысқаққызы – “Қазақ аруы-2024” атанды. Оған тәж және арнайы шапан тағылды.

Екінші орынды Алматы қаласының тумасы Назерке Мырзағалиева иеленсе, ал үшінші орын алматылық Ақерке Серікжанға бұйырды. 

Биыл байқаудың ерекшелігі – жеңімпазды халық таңдағаны. Себеі бұған дейін кімнің ару екенін қазылар алқасы анықтайды.  READ FULL STORY HERE>>>CLICK HERE TO CONTINUE READING>>>

Алайда желі қолданушылары байқаудың ұйымдастыру деңгейіне наразы. Сөздерінше, Telegram бот істемеді, дауыс берілген жоқ. Сол себепті жеңімпаз әділ анықталмады деп санайды. 

“Халықты алдап не керегі бар еді ! Одан гөрі жюридің шешімімен болғаны дұрыс еді. Адамдардың сезімдерімен ойнағандай Соншама жұрт дауыс бере алмай дал болды”, “Ақкербез жеңсе жеңсін, бірақ неге сол қызға ғана дауыс қабылданып, қалған қатысушыларға дауыс қабылданбады?”, “Көреалмаушылық емес. Бірақ биыл ең әділетсіз және қызықсыз өткен “Қазақ аруы” болды. Қазылар алқасы жиналып, ең лайықты адамды таңдағаны дұрыс еді” деп жазды желідегілер.

Енді қазақстандықтардың коммуналдық қызметтер түбіртегіне тағы бір төлем түрі қосылуы мүмкін. Қаржы нарығын реттеу агенттігінің мамандары азаматтарға мүлікті апаттан сақтандыруды міндеттеуді ұсынып отыр. Өйткені елімізде баспанасын төтенше жағдайлардан сақтандыратындар аз екен. Бұл туралы Stan.kz ақпарат агенттігі 31-арнаның Информбюро жаңалықтар бағдарламасына сілтеме жасап хабарлайды.

Фото: Pixabay.com

Қаржы нарығын реттеу агенттігінің мамандары төтенше жағдайлардан сақтандырудың жаңа үлгісін әзірлеп жатыр. Себебі елімізде баспанасын табиғи апаттан ерікті түрде сақтандыратын азаматтар тым аз. Сондықтан тұрғындардың коммуналдық төлемдеріне енгізіп, міндеттеуді ұсынады. Дегенмен қазақстандықтардың қанша төлейтіні әзірге белгісіз.

“Бұл тек ұсыныс. Әзірге баспананы апаттан сақтандыруды міндеттеу шарасын әзірлеп жатырмыз. Көптеген шет мемлекеттер осы әдісті қолданады. Сондықтан тұтынушылардың құқықтарын қорғау комитеті мұндай жаңалыққа қарсы болмайды деп үміттенеміз”, – деді қаржы нарығын реттеу және дамыту агенттігі төрағасының орынбасары Мария Хаджиева.  READ FULL STORY HERE>>>CLICK HERE TO CONTINUE READING>>>

Агенттіктің бұл ұсынысына халықтың көзқарасы екі түрлі. Бірі коммуналдық төлемдер онсыз да қымбат десе, кейбірі елдегі төтенше жағдайлардың жиілегенін айтып, сақтандыруды қолдайды.

“Қосуға болады деп ойлаймын. Өйткені ертең бірдеңе болып қалса, сақтандырудың ақшасы қалады”, “Сақтандыру әркімнің өзінің жеке құқығы емес пе? Оны міндеттеу дұрыс емес. Көлікті міндеттеп қойды, енді үйіңді, жеріңді міндеттеп қойса не болады?”, “Жоқ, дұрыс емес. Онсыз да коммуналдық төлем қымбат шығады” деді жұртшылық.

Жылжымайтын мүлікті міндетті сақтандыру елдегі табиғи апаттардан кейін жиі айтыла бастады. Агенттік өкілдері  коммуналдық төлемге міндетті сақтандыруды енгізбес бұрын ол қоғам талқылуына шығарылады дейді.