Ақпарат және мәдениет министрі Аида Балаева су тасқыны кезінде 1,5 миллиард теңге жымқырды деп күдікке ілінген “Біз біргеміз” қоғамдық қайырымдылық қорының бұрынғы жетекшісі Перизат Қайратқа қатысты пікір білдірді. Бұл туралы Stan.kz ақпарат агенттігі хабарлайды.

Фото: Ақорда. Аида Балаева / Іnstagram/01pk Перизат Қайрат

Министрдің сөзінше, елімізде қайырымдылық дамып жатыр. Дегенмен алаяқтық пен пайдакүнемдік әрекеттер үшін де қолайлы жағдайлар туғызады деді ол.

“Волонтерлер қозғалысының белсендісі әрі қоғамдық қайырымдылық қорының құрылтайшысы Перизат Қайратқа қатысты шулы тергеу қайырымдылық көмегін көрсету механизмдерін жетілдірудің қажеттілігін тағы да еске салып отыр. Сондықтан барлық қазақстандықты қайырымдылық көмек операторларын мұқият зерттеуге және тек тексерілген әрі сенімді серіктестермен ғана жұмыс істеуге шақырамын”, – деді Аида Балаева. READ FULL STORY HERE>>>CLICK HERE TO CONTINUE READING>>>

Айта кетейік, таяуда мәдениет және ақпарат министрі Аида Балаева мәжілісте қайырымдылықтың барлығы мемлекет бақылауына алынатынын мәлімдеді. Бұл шаралар қазақстандықтарды алаяқтардан қорғау үшін маңызды дейді ол. Қазір елімізде қайырымдылық негізінен азаматтардың емделуіне ақша жинау түрінде көрсетіледі. Мәдениет министрлігі көмек көрсетудің бірыңғай тетігін құруды ұсынып отыр.

Еске салайық, бұған дейін ерікті Перизат Қайрат су тасқынынан зардап шеккендерге жиналған 1,5 миллиард теңгені жымқырды деп күдікке ілінгенін жаздық. Қаржы мониторингі агенттігінің мәліметінше, ол қайырымдылық ақшасын сән бұйымдары, автокөліктер, жылжымайтын мүлік сатып алуға және қымбат қонақүйлерде демалуға жұмсаған. Сонымен қатар ол ақшаны қолма-қол ақшаға айналдырып, достары мен туыстарына сыйақы берген. Перизат Қайрат ұсталды, тергеу жүргізіліп жатыр. 

Танымал блогер Дархан Жолшыбеков некесіз туған қызына не себепті барғанын айтты. Бұл туралы Stan.kz ақпарат агенттігі хабарлайды.

Фото: Бағдарламадан скрин 

Желі жұлдызы “Taboo” бағдарламасында қонақ болып, бүкпесіз баяндап берді. 

“Айшамен кездеспес бұрын, анасы Айданамен жолықтық. Баласыз бәрін асықпай отырып, шешіп алайық дедік. Содан кейін барып Айша әпкесімен келді. Мен бәрін шын жүрегіммен жасадым. Бірақ әпкесі: “Бізден саған не керек?!” деп сұрады. Сол сұрағы сүйектен өтіп кетті. Сол кезде мен бәрін ақтарып, айтып салдым. Инстаграм үшін жасап жатыр деп ойлаған сияқты. Халық шулап жатқанда мен де қатты қиналдым. Тіпті, қызым екенін мойындаған да жоқпын. Жағдайды шын қабылдамадым. Сол сәтте Европаға кетейін деп жүргем, соның тірліктерімен жүгіріп жүрдім. Сенсеңіз, ДНҚ -ны да әшейін тапсыра салған едім. Бірақ 100 пайыз менің биологиялық қызым болып шықты. Содан кейін барып, өзімнің не бүлдіргенімді білдім. Қызыма көлік сыйлап, баспана алып бергенім үшін мақтанбаймын. Болашақта да көмектесіп тұрамын. Ең алғаш кездескенде өзіме қатты ұқсаттым. Айша нағашы атасын “Папа” дейді екен. Мен сұрағанда: “Папа емессің” деді. Қазір бәрі жақсы. Мені қабылдамайды деген қорқыныш болған еді”, – деп ағынан жарылды блогер. 

Сондай-ақ әйелі Дариғаның қалай қабылдағанын да айтып, ел алдында алғыс білдірді. READ FULL STORY HERE>>>CLICK HERE TO CONTINUE READING>>>

“Тик-Токта Айшаның анасы шулатып жатқанда Дари да көрді. “Мына қызды шынымен танисың ба?” деп сұрадым. Жоқ, танымаймын деп жауаптан жалтарып кеттім. Екеуміз де ол жағдайға мән бермедік. Бірақ соттан қағаз келіп, ДНҚ тапсырғанда бәрі белгілі болды. Дари да: “ДНҚ тапсырасың ба, давай қызық болсын тапсырып көр” деді. Астанада жүріп тапсырдым. ДНҚ қорытындысын сотқа жетпей-ақ таныс адамдарға өтініш жасап, біліп алдым. Сол кезде-ақ менің қызым бар екенін түсіндім. Үйге жеткенше ойланып келдім. “Бұл сенің көзіңе шөп салу емес. Саған дейін болған жағдай. Менің биологиялық қызымның бары рас” дедім. Әйелімнің сол кездегі ішкі жан-сезімін айтып жеткізу мүмкін емес. Бірақ екеуміз де баланың кінәсі жоқ екенін біліп тұрдық”, – деді Дархан. 

Еске салайық, жезқазғандық Айдана есімді ару блогерді әке міндеттерін орындамайды деп кінәлайтынын жазған едік. 

Маңғыстау облысы Жаңаөзен қаласындағы “Бұрғылау жұмыстарын басқару” кәсіпорнының жұмысшылары ереуілге шығып, өндіріс жұмысын тоқтатты. Компания “ҚазМұнайГаз” ұлттық компаниясының еншілес кәсіпорны “Өзенмұнайгаз” компаниясына қызмет көрсетеді. Бұл туралы Stan.kz ақпарат агенттігі “Азаттық радиосына” сілтеме жасап хабарлайды. 

Фото: Видеодан скрин

Ереуілге шыққан қызметкерлер “Өзенмұнайгаздағы” зейнеткерлердің балалары мен жұмыста денсаулығынан айырылған қызметкерлердің балаларын жұмысқа қабылдауды, Жаңаөзендегі жұмыссыздық мәселесін шешуді, 2013 жылға дейін ұжымдық келісімде көрсетілген тәуелсіз еңбекақы жүйесіне және жүргізушілер мен операторлардың мәртебесін көтеру, оның ішінде ұжымдық шартта 30 пайыздық үстемеақыны есептеу тәртібіне оралуды талап етіп отыр. 

“Егер тәуелсіз еңбекақы жүйесіне көшсек, жалақымыз көтеріледі. Біздің жалақымыздан табыс салығы және басқа да салықтар ұсталады. Ал басқа жүйеге көшсек, ақша ұсталмайды және түсінгенімше, салық зейнетақы жүйесіне түсіп отырады”, – дейді ереуілге шыққандардың бірі Ғазиз Махамбетов. READ FULL STORY HERE>>>CLICK HERE TO CONTINUE READING>>>

Ғазиз Махамбетов ереуілшілерге дүйсенбі күні “Өзенмұнайгаздың” бас директоры, кадр бөлімінің бастығы және бас экономист келгенін айтады. Олар жұмысшылардың бұл талаптары заңсыз екенін айтады. 

Жұмысшылардың талап етіп жүргеніне 7 ай уақыт болған. Алайда олардың жанайқайы ескерусіз қалған. Олардың айтуынша, 13 қараша күні “Өзенмұнайгазбен” жұмыс істейтін тағы үш кәсіпорынның жұмысшылары ереуілшілерді қолдап, ауысымға шықпай қойған.

“Бұрғылау жұмыстары басқармасы” өз кезегінде болып жатқан жағдайға қатысты пікір білдіруден бас тартқан.