Ақтөбе облысында көктемгі тасқын кезінде су шайған бөгет тағы да бұзылды. Бұл туралы Stan.kz ақпарат агенттігі КТК телеарнасына сілтеме жасап хабарлайды. 

Видеодан скрин

Бұл бөгет бюджеттің 257 миллион теңге қаржысына былтыр ғана жөндеуден өткен. Бөгет көпірі бұл жолы жаңбыр суына шыдас бермепті. 

Алға ауданындағы “Көсем” деп аталатын бұл бөгетке Тамды өзені келіп тіреледі. Шағын су қойманың сыйымдылығы 80 мың текше метрге жуық. Көктемде тасқынның арыны қатты болып, жөнделген Көсем бөгетін екі жерден бұзып кеткен. Одан соң кепіл мерзімі бітпегендіктен, мердігер бұзылған жерді бітеп, қайта жөнеуге міндеттелді. Бірақ құрылысты созып жүріп алған. Ал осы жолы бөгетке салынған уақытша көпір жаңбырға шыдас бермей су шайып кетті. Жергілікті билік енді мердігер компаниядан өз ақшасына бар жұмысты бітіруін талап етіп отыр. Талап орындалмаса, іс сотқа жіберілмек.

“Болат Назарбаевтың қызына қатысы бар”: Алматыда құны 22 млрд теңге бөгетті апатты жағдайда пайдалануға бермек болған READ FULL STORY HERE>>>CLICK HERE TO CONTINUE READING>>>

“Кешегі соңғы 3-4 күн жауында судан сол салынған уақытқа топырақпен салынған жолы бұзылып жатыр. Қазір енді мердігер өзі қайта қалпына келтіреді. Біздер талап қойдық. Мердігер қаражатына қайтадан қалпына келтіру бойынша бүгінде бірінші участігінде жұмыс жүргізіліп жатыр. Бетонды жұмыс аяқталып қалды. Осы жұмысты әрі қарай баяу болса, сотқа береміз деп талап қойдық”, – дейді Ақтөбе облысы табиғи ресурстар және табиғатты пайдалануды реттеу басқармасының бөлім басшысы Бекболат Нұрашев.

Еске салсақ, бұған дейін Қазақстан су бөгеттері мен жол салу үшін Ислам даму банкінен 2 млрд доллар алатыны туралы жазған едік. 

Солтүстік Қазақстан облысының экс-әкімі алаяқтық үшін сотталды. Бұл туралы Stan.kz ақпарат агенттігі хабарлайды.

Фото: Gov.kz

Самат Ескендіров үлескерлерді алдап, жерлерін сатып жібергені үшін сотталған.

“Жауапкер Е. және басқа тұлға несие алу үшін жалған жиналыс хаттамаларын жасаған. Олар ЖШС қатысушыларының келісімінсіз Бурабай ауданы тұрғындарының жер телімдерін кепілге қойған. Бір топ адамдар ауыл тұрғындарының жер үлестерін заңсыз иемденіп, еншілес кәсіпорынға жер учаскесін кепілге берген және иеліктен шығарған. Нәтижесінде жәбірленушілерге аса ірі көлемде материалдық залал келтірілген. Бұл әрекет Қылмыстық кодекстің “Адамдар тобында алдын ала сөз байласу арқылы аса ірі көлемдегі алаяқтық” ретінде бағаланады”, – деп мәлімдеді Ақмола облысы Көкшетау қалалық сотының баспасөз қызметі.

“Балаларына алимент қарыздарын төлемеген”: Шымкенттің бұрынғы әкімінің ағасынан Mercedes S-кластағы көлік тәркіленіп сатылымға қойылды READ FULL STORY HERE>>>CLICK HERE TO CONTINUE READING>>>

Белгілі болғандай, экс-әкімнің кінәсі жәбірленушілер, куәгерлер, тінтулер, тәркіленген төлем тапсырмалары, сараптамалық қорытындылар және тәуелсіз аудитордың айғақтарымен дәлелденді. Сот жаза тағайындау кезінде сотталушыға қатаң жаза тағайындауды талап етпеген жәбірленушілердің көпшілігінің пікірін ескерді.

“2023 жылы сот шешімімен ЖШС құрылтайшылары жиналысының шешімі және құқықтарды үшінші тұлғаларға беру туралы келісім жарамсыз деп танылды. Осыған байланысты, жер учаскесі жәбірленушілерге қайтарылды. Ауыл тұрғындарына келтірілген материалдық шығынды өтеу туралы сот үкімі шығарылды. Е.-ге ҚК-нің 63-бабын қолдана отырып, бес жылға шартты түрде бас бостандығынан айыру жазасын тағайындады”, – делінген ақпаратта.

Еске салайық, ағымдағы жылдың жазында Ақмола облысында Солтүстік Қазақстан облысының бұрынғы әкімі, экс-сенатор Самат Ескендіровке қатысты сот процесі өтіп жатқаны белгілі болды.

Бұған дейін облыстық соттың баспасөз қызметі жоғары лауазымды шенеунікке қатысты істің Көкшетау қалалық сотында қаралғанын хабарлаған болатын. Оған Қылмыстық кодекстің “Алаяқтық” бабы бойынша қылмыс жасағаны үшін айып тағылған еді.

2024 жылдың 4 желтоқсанынан бастап Қазақстанда халықаралық және республикалық маңызы бар автомобиль жолдарында орташа жылдамдықты асырғаны үшін айыппұл төленеді. Бұл туралы Stan.kz ақпарат агенттігі хабарлайды.

Фото: pixabay.com

Бұл туралы ішкі істер министрлігінің ресми өкілі Шыңғыс Әлекешев мәлімдеді.

Ол қазан айының басында Қазақстанда әкімшілік құқық бұзушылық туралы кодекске және жол қозғалысы ережелеріне елеулі өзгерістер енгізетін заңнамалық актілерге қол қойылғанын, олардың кейбіреулері ағымдағы жылдың 4 желтоқсанында күшіне енетінін еске салды.

“Жаңашылдықтарға сәйкес, жолдардың түзу учаскелерінде жылдамдықты шектен асырған жүргізушілер әкімшілік жауапкершілікке тартылады. Айыппұл мөлшері 5-тен 40 АЕК-ке дейін, яғни жылдамдықты арттыру дәрежесіне қарай 18 460 теңгеден 147 680 теңгеге дейін”, – деді Әлекешев.

Елімізде жол ережесін жиі бұзатындар енді сақтандыру үшін көбірек төлейтін болады READ FULL STORY HERE>>>CLICK HERE TO CONTINUE READING>>>

Сондай-ақ Әлекешев жылдамдықты сағатына 60 шақырымнан асырғаны үшін 40 АЕК көлемінде айыппұл салынатынын айтты.

“Өзгерістер жүргізуші куәлігінсіз көлікті мас күйінде басқарғаны үшін ұсталған адамдарға қатысты. Мұндай адамдар жеті жыл бойына көлік жүргізу емтиханынан өте алмайды. Ұқсас ережелер медициналық тексеруден өтуден бас тартқандарға да қолданылады. Сондай-ақ жол жөндеу жұмыстарын бірнеше рет бұзғаны үшін жол жұмысшыларының жауапкершілігі күшейтілді. Мұндай бұзушылықтар үшін айыппұлдар кәсіпкерлік субъектісіне байланысты 15-тен 40 АЕК-ке дейін болуы мүмкін”, – дейді ол.

Еске салсақ, 1 желтоқсаннан бастап Қазақстанда шыққанына үш жыл болмаған көліктерді әкелуге жаңа ереже енгізіледі.