Букингем сарайы жөндеу жұмыстарына байланысты алдағы үш жылда мемлекеттік сапарларды қабылдамайды. Бұл туралы Stan.kz ақпарат агенттігі The Times басылымына сілтеме жасап хабарлайды. 

Фото: uz.m.wikipedia.org

2027 жылға дейін барлық мемлекеттік сапарлар Виндзор қамалында өтеді. Букингем сарайының жабылар алдындағы соңғы қонағы желтоқсан айында баратын Катар әмірі болмақ. 

Сарайдың қалпына келтіру жұмыстары жүріп жатыр және он жылға созылады. Жөндеуге 369 миллион фунт стерлинг (230 миллиард 427 миллионға жуық теңге) жұмсалмақ.

Жөндеу кезінде ең сәнді залдардың кейбірі жабылады. Басылым мәліметінше, жөндеу жұмыстарына байланысты британ королі Чарльз III жеке кабинеті мен тамақтану орнын ауыстарған. 

Лондондағы Букингем сарайы Британдық тәждің негізгі ресми резиденциясы саналады.  Ғимаратта 775 бөлме болса, оның 19-ы мемлекеттік қабылдаулар мен іс-шараларға арналған.

Сонымен қатар Букингем сарайында 92 оқу бөлмесі мен 78 әжетханасы, монархқа, корольдік отбасы мен қонақтарға арналған 52 жатын бөлме және қызметкерлердің 188 жатын бөлмесі бар. READ FULL STORY HERE>>>CLICK HERE TO CONTINUE READING>>>

Виндзор сарайы ағылшын округі Беркширде орналасқан. Готикалық стильдегі тас ғимаратты 11 ғасырда сәулетші Хью Мэй салған.

Фото: drive2.ru

Сарай бірнеше рет қайта салынды. Соңғы рет 1992 жылы өрттен кейін қалпына келтіріліп, заманауи келбетке ие болды.

Айта кетейік, бұған дейін Букингем сарайы король Чарльз III жаңа суреттерін жариялағаны туралы жазған едік. 

Ақтөбе облысында бұрынғы шенеунік Ойыл ауданындағы су тасқынынан зардап шеккен ауылды қалпына келтіруге пара алғаны үшін сотталды. Бұл туралы Stan.kz ақпарат агенттігі хабарлайды. 

Сот мәліметінше, су тасқынының салдарын жою бойынша ауқымды жұмыстар жүргізіліп жатқанда, жергілікті сәулет, құрылыс, тұрғын үй-коммуналдық шаруашылық және автомобиль жолдары бөлімінің басшысы мердігерлерден пара алған.

“Ауданда жергілікті төтенше жағдай жарияланып, су тасқынынан келген шығынды бағалау үшін “Жоба НС жобалау компаниясы” ЖШС жұмысқа тартылды. Ал 5 сәуірде сәулет бөлімі осы компаниямен жөндеу-қалпына келтіру жұмыстарына техникалық байқау және сметалық құжаттаманы ресімдеу бойынша қызметтерді сатып алу туралы шарт жасасқан. Айнат Қазмағамбетов жасалған келісім-шарт пен жалпы қамқорлыққа алғыс ретінде мердігер компания өкілінен 100 мың теңге пара талап еткен. Мердігер аталған соманы лауазымды тұлғаға жұмыстың ақысын төлеген соң аударған”, – делінген хабарламада. 

Сол жылдың жазында шенеунік басқа мердігерден келісім-шарттың жалпы сомасының 10% көлемінде тағы да пара алған.

“Тараптар пара сомасын келісіп, одан кейін Ойыл ауылының батыс бөлігіндегі “2ВЛ-10кВ әуе желісін қайта жаңғырту” жобасы бойынша құрылыс-монтаж жұмыстарын жүргізу туралы келісімге қол қойған. Келісімшарттың жалпы сомасы 31 миллион 202 мың теңге. Қазмағамбетов тамыз айында мердігерден 500 мың теңге пара алған”, – делінген хабарламада.  READ FULL STORY HERE>>>CLICK HERE TO CONTINUE READING>>>

Лауазымды тұлға қылмыс бойынша өз кінәсін толық мойындады. Істі Ақтөбе қаласының қылмыстық істер жөніндегі соты қарады.

15 қарашада Айнат Қазмағамбетов пара алғаны үшін 21 миллион теңге айыппұл төледі. Сондай-ақ өмір бойына мемлекеттік қызметте жұмыс істеу құқығынан айырылды.

Мердігер компания директоры да дәл осындай үкіммен сотталды. Ол пара бергені үшін 10 миллион теңге айыппұл төлеуге міндеттелді. Оған да болашақта мемлекеттік қызметте жұмыс істеуге тыйым салынды.

Маңғыстау облысында итбалықтардың жаппай қырылуына байланысты Каспий теңізінің жағалауында тексеріс жұмыстары жүріп жатыр. Бұл туралы Stan.kz ақпарат агенттігі хабарлайды. 

Фото: Гидробиология және экология институты

Жайық-Каспий өңіраралық бассейндік балық шаруашылығы инспекциясының маманы Андрей Руцкийдің сөзінше, 23 қарашада итбалықтың өлексесі табылмаған. Сондықтан оң болжамға үміт бар дейді. Оның үстіне өңірде желдің бағыты өзгерген.

Экология және табиғи ресурстар министрлігі Қоғамдық кеңесінің мүшесі Әділбек Қозыбақовтың айтуынша, теңіз жануарларының қырылуынан келген шығын 1,5 миллиард теңгеге бағалануы мүмкін. 

“Қазақстан Ауыл шаруашылығы министрлігінің 2017 жылғы бұйрығына сәйкес бір итбалықтың құны 193 АЕК (712 мың 556 теңге). Бұл соманы 2 000 итбалыққа көбейткенде 1 миллиард 425 миллион 112 мың теңге болады”, – деді ол. READ FULL STORY HERE>>>CLICK HERE TO CONTINUE READING>>>

Қазіргі уақытта итбалықтардың жаппай қырылуының себептері анықталып жатыр.

Қозыбақовтың сөзінше, кінәлілерді заң аясында жазалап, келтірілген шығынды өтеуді талап ету керек.

Айта кетейік, бұған дейін Маңғыстаулық фотограф Азамат Сәрсенбаев желідегі парақшасында Түпқараған ауданына қарасты Баутин ауылында дауылдан кейін 150-ден аса итбалықтың өлекселері шығарылғанын жазған еді. Кейіннен 2 мыңға жуық итбалықтың өлексесі табылған.