Мәжіліс депутаты Бақытжан Базарбектің Қорғаныс министрінің орынбасары Шайх-Хасан Жазықбаевқа “патриот” ұғымы туралы сұрақ қойып килікті. Базарбек кейін оның жауабына көңілі толмай “өзіңіздің заң жобаңызды өзіңіз түсінбей тұрсыз” деп сынады. Бұл туралы Stan.kz ақпарат агенттігі хабарлайды. 

Фото: Мәжілістен

Депутаттың айтуынша қазіргі жастар патриоттыққа жақын емес, ал үкіметтің бұл бағыттағы түсіндірме жұмысы шикі. 

“Жастармен көп араласамын. Солардың ішінен шыны керек, “мен патриотпын” деген адамды өз көзіммен көрмеппін. Жастардың өздері патриот деген сөзді білмейді. Оның мәні неде? Идеологиялық тұрғыда үлкен қателіктер кетіп отыр. 

Патриот деген кім? Ол уақытында салығын төлеп жүрген кәсіпкер ме? Патриот деген ел ақшасын жымқырмаған шенеунік пе? Әлде суға құлаған итті құтқарған жас па? Жоқ, TikTok-та жақсы нәрсе таратып жүрген жігіт пе? Кім ол патриот? Әлде ол үкімет пен депутаттарға ұрысып жүрген оппозиционер ме?

2023 жылғы үкіметтің қаулысы бар. Жастарды әскери патриоттыққа тәрбиелеу туралы 2030 жылға дейінгі концепция. Ол жерде елді сүю, елге адал еңбек ету, заңды қатаң сақтау деген принцип жоқ! Тек жалпылама төрт принцип бар. Неге мынадай принциптер жоқ? Сіз Қорғаныс министрлігінің орынбасары осыны маған айтыңызышы? Патриот дегеніміз кім?”,- деп сұрады ол  Қорғаныс министрінің орынбасарынан.  READ FULL STORY HERE>>>CLICK HERE TO CONTINUE READING>>>

Бұл сауалға Шайх-Хасан Жазықбаев былай жауап берді:

“Менің ойымша патриот деген өте үлкен ұғым. Тек әскерде ғана емес патриот барлық салада бар. Мысалы өзінің еңбегін дұрыс атқарған дәрігер, мұғалім, әскери қызметкер. Керек кезінде отанымызға қауіп-қатер төнгенде соңына дейін өзінің міндетін атқаруға дайын адам. Президент айтқандай адал еңбектегі адал адам. Осы ұғымдарды патроит деген кең ұғымға қосуға болады”,-деді.

Алайда бұл жауап Бақытжан Базарбектің көңілінен шықпады.

“Сонда сіздің сөзіңізге қарағанда дәрігер, оқытушы өз қызметін атқарса патроит болып есептеле ме сонда? Патриот деген сөздің өзі мәні басқаша. Өзіңіздің заң жобаңызды өзіңіз түсінбей тұрсыз! Міне патриот дегеніміз ең бірінші заңдарды сақтау. Заңды сақтап қана адамдарды елді сүюге тарта аламыз. Жобада елді сүю деген сөз жоқ. Ал адал атқару ол басқа нәрсе!”, – деп қосты ол.

Денсаулық сақтау министрі Ақмарал Әлназарова дәрігер қателесіп пациенттің денсаулығына залал келтірсе, шығынды кім өтейтінін мәдімдеді. Бұл туралы Stan.kz ақпарат агенттігі хабарлайды.

Фото: pixabay.com

Бұрынғы заңда медицина қызметкерлерінің кәсіптік жауапкершілігін сақтандыру мәселесі қарастырылмаған еді.

“Дәрігер пациенттің денсаулығына түрлі залал келтіріп, оның қателігі дәлелденген жағдайда, оның үстінен қылмыстық іс қозғалатын. Бұл жағдайда дәрігерлер пациенттің денсаулығына келтірген залалы үшін материалдық және моральдық шығында өз қалтасынан өтеп келді. Биылдан бастап президенттің тапсырмасымен алғаш медицина қызметкерлерінің кәсіптік жауапкершілігін сақтандыруды енгізіліп отыр”, – деп жауап берді Ақмарал Әлназарова Үкімет отырысынан кейін өткен баспасөз мәслихатында.  READ FULL STORY HERE>>>CLICK HERE TO CONTINUE READING>>>

Министрдің айтуынша, ендігі уақытта пациент пен дәрігердің арасында дау-дамай туындаған жағдайда істі сотқа жеткізбей қаралады. Мәселені қарау үш деңгейден тұрады, алдымен медициналық мекеме ішінде қарастыруы, екінші денсаулық сақтау басқармасы деңгейінде, мәселе оң шешімін таппаған жағдайда медициналық және фармацевтикалық бақылау комитеті деңгейінде қарастырылады.

“Үш деңгейлі қараудың нәтижесінде дәрігердің қателігі дәлелденген жағдайда пациентке немесе оның жақындарына залал шығыны сақтандыру жарна есебінен өтеледі, осылайша дәрігерді жұмыс беруші сақтандырады. Ол үшін жыл сайын медицина қызметкерлеріне жұмыс берушілерге сақтандыру жарнасы бөлінеді”, – дейді ведомство басшысы. 

Айта кетсек, кеше елімізде медицина қызметкерлерінің кәсіптік жауапкершілігін сақтандыру туралы заң күшіне енді. 

Мәжіліс отырысында депутат Азат Перуашев шенеуніктердің мүлікті қайта бөлу және бизнесті рейдерлік жолмен басып алуы күшейгенін жеткізді. Айтуынша, адал кәсіпкерлерді қайта бөлуден қорғау керек. Бұл туралы Stan.kz ақпарат агенттігі хабарлайды.  

Фото: Азат Перуашев Telegram арнасынан

Депутаттың премьер-министр Олжас Бектеновке жолдаған сауалында қазір кәсіпкерлердің мүлкін заңсыз тартып алынып жатқаны айтылды.

“Сорақы мысалдың бірі – Түркістан облысы Сарыағаш ауданының әкімдігі кәсіпкерлерден 2017 жылы Қаржы министрлігінің ашық аукционынан бірыңғай лотпен сатып алынған шипажай нысандарының бір бөлігін тартып алған. Бұл мәселені біз бұған дейін де көтергенбіз. Бірақ компания нысандарын Болат Назарбаевтың өзіне қайтарып берді. Алайда адал кәсіпкерлердің нысандары тәркіленген күйінде 2 миллиард теңге шығынға ұшырады.  

Сол сияқты “ҚТЖ” АҚ сот арқылы “АНГРЕНСОР Ltd.” ЖШС-ны 2011 жылы осы ЖШС салған құны 1,5 миллиард теңгеден астам Павлодар облысы Атығай станциясындағы ғимарат пен темір жолдарды тегін беруге міндеттеген.  

Осыған ұқсас жағдай Маңғыстау облысында да болды. Мұнда Көлік министрлігі тіпті сот арқылы емес, өз бұйрығымен 90-жылдардан бері “Каскор-Транссервис” АҚ-на тиесілі кірме теміржол жолдарын “ҚТЖ” АҚ-ның магистральдық желілері тізіміне енгізіп, олардың мемлекет меншігіне тегін өтуі туралы шешім қабылдаған”, – деді депутат.

Перуашев Жамбыл облысы, Меркі ауданында да аудан прокуратурасы 2007 жылдан бері ауыл шаруашылығы өнімдерін дамытып келе жатқан “Жеміс-Жидек” ЖШС-нің 200 гектар жерін тегін тартып алғанын алға тартты.

“Бұл тенденция қарқын алып, мемлекеттік органдар ғана емес, өзге монополистер де басқа кәсіпорындардың меншігіне “қол салуға” әрекет етіп жатыр. Мәселен, жақында Таразда “Жамбыл электр желілері” ЖШС жүн өңдеу фабрикасынан (“ПОШ-Тараз” ЖШС) осы фабрикаға тиесілі электр қосалқы станциясын монополистке арыздану құқығынсыз тегін беруді талап еткен. Әр түрлі аймақтардан келетін басқа да шағымдар бар. Қазірдің өзінде мүлікті қайта бөлудің тұтас тәжірибесі байқалып отыр. READ FULL STORY HERE>>>CLICK HERE TO CONTINUE READING>>>

Бұл ретте заңда мемлекеттік және жеке меншік бірдей танылады және бірдей қорғалады деп тайға таңба басқандай көрсетілген. Ешкімді жеке мүлкінен айыруға болмайды. Тәркілеу қылмыстық құқық бұзушылықтар болған кезде сот үкімі шеңберінде ғана жасалады. Бірақ біз көрсеткен жағдайлардың барлығында қылмыстық іс жоқ, тәркіленген мүлікті өтеу де жоқ”, – деп қосты ол.

Депутат рейдерлердің кейде ескі Қазақстан өкілдері мен олармен байланысы бар олигархтардың заңсыз активтерін қайтару әрекеттеріне де сілтеме жасайтынын жеткізді.

“Бүкіл өркениетті әлемде жеке меншікке қол сұғу – қылмыс болып саналады. Мысалы, АҚШ заңы бойынша мүлікті қару қолдану арқылы қорғауға да болады.

Президент жарлығында жеке меншікке қол сұғылмаушылықты қамтамасыз етуді басты бағыттардың бірі ретінде белгіледі. Себебі меншік құқығы кез келген экономиканың инвестициялық ахуалына тікелей әсер етеді. Біздің жағдайда аталған үрдіс конституцияға да, заңдарға да, президент жарлығына да қайшы келеді.

Ал бұл отандық инвесторлардың да, шетелдік инвесторлардың да сеніміне селкеу түсірері анық. Дәл осы ПОШ-Тараз фабрикасы қазір шетелдік серіктестермен келіссөздер жүргізіп жатыр”, – деп қорытты ол.