Алматылық келіншек 11 жастығ ұлын көк ала қойдай етіп сабап тастаған көршісінің үстінен шағым түсірді. Жасөспірім жарақат салдарынан ауруханаға түсті. Бұл туралы Stan.kz ақпарат агенттігі КТК арнасына сілтеме жасап хабарлайды. 

Фото: Никита/Видеодан скрин

Жанжал екі баланың арасындағы түсініспеушіліктен басталған. Никитаның айтуынша, қатарласы оның телефонын сындырған. Бұл жағдайдан кейін ортаға жасөспірімнің анасы түскен. 

“Төбелестен кейін мен кетіп қалмақ болдым. Телефонымды қолыма алдым. Ол телефонымды бір теуіп, жерге түсірді. Телефоным сынып қалды. Сөйтіп оның анасы келіп “Никита деген кім?” деді Басымнан ұрып, шашымды жұлды, қолымды тырнады”, – дейді ересек адамнан зардап шеккен жасөспірім.

Никитаның анасы Евгения Ряшенцева көршісінің ұлын ұрып-соққан сәті бейнекамераға түсіп қалғанын айтады.  READ FULL STORY HERE>>>CLICK HERE TO CONTINUE READING>>>

“Әйел көлігінен түсіп, ұлыма шабуыл жасады. Ол оның шашын жұлып, саусақтарын сындырып, басынан ұрды. Мұның бәрі дәл осы жерде болды. Бас миының жарақаты, денесі көгерген жерлер, жаралар бар. Мұның бәрі видеода көрсетілген. Бұл әйел өзін ұстай алмайтынын көрсетті: полицияның алдында балағат сөздер айтты”, – дейді Евгения Ряшенцева.

Сондай-ақ оның айтуынша, әйел жасөспірімнің самокатын тартып алып, жерге ұрған. Баланың денесі қанталап, басы жарақатымен ауруханаға жатқызылды. Жасөспірім қазір үйде емделіп жатыр, мектепке барып жүрген жоқ. Никитаның анасы полицияға арызданды.

“Аталған факті бойынша Жетісу аудандық полиция бөлімі баланың денесіндегі жарақаттың ауырлығын анықтау мақсатында тергеу амалдарын жүргізіп жатыр. Сот-медициналық сараптама тағайындалды. Кешенді шаралардың нәтижелері бойынша заңға сәйкес шаралар қабылданады”, – деді Алматы полиция департаментінің ресми өкілі Салтанат Әзірбек.

Зардап шеккен баланың анасының айтуынша, полиция екі тарапқа татуласуды ұсынған. Бірақ жәбірленушілер айыпталушыларға кешірім беруден бас тартты. Олар балаға шабуыл жасаған әйелді жазалауды талап етіп отыр. Сот сараптамасының қорытындысы сәйкес оның қандай жауапкершілікке тартылатыны белгілі болмақ.

Қазақстанның ерлер құрамасы семсерлесуден әлемдік рейтингтің үздік үштігіне жақындады. Бұл туралы Stan.kz ақпарат агенттігі хабарлайды. 

Фото: ҰОК

Семсерлесуден Қазақстанның ерлер құрамасы FIE нұсқасы бойынша әлемдік рейтингте позициясын жақсартты. Швейцарияның Берн қаласында өткен Әлем кубогінің кезеңінде қазақстандық шпагашылар сәтті өнер көрсетті. Командалық сайыста біздің құрама 35 команданың ішінен жетінші орынды иеленді. Бұл нәтиже әлемдік топ рейтингінде жоғарылауға мүмкіндік берді. Қазақстан алтыншы орыннан төртінші орынға көтерілді.

READ FULL STORY HERE>>>CLICK HERE TO CONTINUE READING>>>

Айта кетейік, Эльмир Әлімжанов, Вадим Шарлаимов, Ерлік Сертай және Руслан Құрбанов бастаған семсершілеріміз  Швейцарияда өткен әлем кубогінің кезеңінде ширек финалға дейін жеткен еді. 

Қарағандылық қоғам белсендісі, психолог Татьяна Савицкая балаларға арналған қорқынышты ойыншықтар мен қызметтерге қатаң талап қоюды талап етті. Оның айтуынша, Хагги Вагги сияқты ойыншық-құбыжықтар және Хэллоуин мерекесі балаларға зиян келтіретінін ескеріп, ата-аналар оларға тыйым салу керек. Бұл туралы Stan.kz ақпарат агенттігі Информбюро бағдарламасына сілтеме жасап хабарлайды.

Фото: vseodetyah.com

Психолог Савицкаяның бастамасына қолдау көрсеткен ата-аналар балалардың осындай қорқынышты квесттерге қатысқанын біліп, өз алаңдаушылығын білдірген. Мамандар полициямен бірге бір квестке барғанда олардың көргендерінен қатты шошынған: қанға оранған манекендер, ілулі және мүшеленген қуыршақтар, қанға толы ванналар, сәбилердің денелері. Мұндай квесттердің бірі Саран әкімдігінен грант ұтып алған.

Қарағандылық “Озарение” қоғамдық қорының жетекшісі, балалар мен отбасы құқықтарын қорғау бойынша Қарағанды әкімінің кеңесшісі Татьяна Савицкая балаларға арналған деструктивті контенті бар ойындар мен кітаптардың зиянын атады. Сонымен қатар осы мәселеге қоғам назарын аудартуға тырысып отыр.

Ол мұндай ойындар мен ойыншық-монстрлар балалар психикасына кері әсерін тигізіп, балалардың қорқыныш пен өлімге деген қатынасын өзгертуі мүмкін деп санайды. Оның айтуынша, балалар мұндай мазмұндағы ойындарға қатысқанда немесе осындай мазмұнды кітаптар оқығанда олардың санасында тежегіш процестер әлсіреп, оларды басқару қиынға соғады.

Савицкаяның пікірінше, балалар өлімге ересектер сияқты мән бермейді. Ал кейбіреулері суицидті батырлық деп қабылдауы да мүмкін. Осыған байланысты ол ойыншық-құбыжықтар мен осындай мазмұндағы ойындарды тыйым салуға шақырған петиция құрып, видеоүндеу жасады.

Алайда басқа психологтар мұндай тыйым салулардың нәтиже бермейтініне сенеді. Олардың айтуынша, егер бір ойынға тыйым салынса, балалар басқасын табады. Мысалы, 50 жыл бұрын Чебурашка мен көк күшіктің ешкімге зияны болмаған дейді мамандардың бірі Виктория Аншакова. READ FULL STORY HERE>>>CLICK HERE TO CONTINUE READING>>>

Психолог бұл мәселеде отбасы мен ата-ананың жауапкершілігін мемлекетке аудару идеясы қалыптасып жатқанын айтады. 

Виктория Аншакованың ойынша, бала тәрбиесіне саналы түрде көңіл бөлетін ата-ана баласының нені және неге қалайтынын түсініп, онымен өзі талқылап, оған ықпал ете алады. Баланың неліктен құбыжық ойыншыққа қызығатынын немесе қорқынышты квестке барғысы келетінін түсіну маңызды дейді ол.

Аншакова кейбір ата-аналар мұндай заттарға қатаң талап қою қажет деп есептейтінін атап өтті. Ол Хэллоуин сияқты Батыстан келген әсерлерді, сондай-ақ ЛГБТ насихаты сияқты көріністерді шектеуді қолдайтынын жеткізді.

Квесттерге келер болсақ, Аншакова оларды 18 жастан бастап қана қатысуға рұқсат беруді ұсынады. Оны тәрбиелеуде балаларға мейірімді, позитивті ойыншықтардан үлгі көрсеткен дұрыс деп санайды.

Сондай-ақ Аншакова кәсіпкерлердің әлемдік трендтер мен сұранысқа сүйене отырып кейіпкерлерді шығаруы заңдылық екенін айтты. Маманның сөзінше, балаларға таңдау еркіндігі беріліп, оларды қандай ойыншықпен ойнау керек екенін түсінуге үйрету маңызды.

Ал Татьяна Савицкая балаларға арналған тауарлар мен қызметтерге қатаң талап ету петициясын е-petition сайтында жариялап, сонымен қатар бейнеүндеумен бірге үкіметке жолдады.